" ဤလောက၌ အဓမ္မ မထွန်းကားအောင် ဆောင်ရွက်ဖို့ လူတိုင်း၌ တာဝန်ရှိသည် " " မေတ္တာတရားရဲ့ရနံ့သည်သာ လူသားအားလုံးကိုကြည်လင်လန်းဆန်းစေပါသည် " " မြန်မာပြည်သူ့ ပြည်သားများ အားလုံး၊ ကျန်မာရွှင်လန်းချမ်းမြေ့ပါစေ "

Friday, June 14, 2019

GENERAL knowledge

Omega 3 fatty acid ဟာ နှလုံးရောဂါ၊ ဆီးချိုရောဂါ၊ ရင်ကျပ်ပန်းနာ ရောဂါတွေ အပြင် စိတ်ကျရောဂါဖြစ်ပွားမှုတွေကနေ ကာကွယ်ပေးနိုင်တယ်လို့ အခုနောက်ပိုင်းမှာ သိလာရပါတယ်။ [ရဲဝင့်ဦး (ဇီဝကမ္မဗေဒ)]

အဘိုးအဘွား နှင့် အဖေအမေ တို့သည် ကျွန်တော်တို့၏ မျက်စိရှေ့တွင် အိုမင်းလာကြပေပြီ။ ကျွန်တော်တို့သည်လည်း နေ့စဉ်နှင့်အမျှ အိုမင်းလာနေ သည်။ [ကိုငယ်(မန္တလေး)]

ဒီစနစ်ဆိုးကြီးက အမြစ်စွဲနေပါတယ်။ ဘယ်သူအုပ်ချုပ် အုပ်ချုပ်၊ ဒီပြဿနာဟာ တိုးတက်လာဖို့ မရှိပါဘူး။ ဒီပြဿနာကို ရှင်းဖို့ အချိန်အတော် ယူရပါလိမ့်မယ်။ [သူရိယ]

စိတ်ကျသူတွေမှာ ဘယ်အချက်တွေကို သတိထားတွေ့နိုင်မလဲ

၁။ အစဉ်မပျက် ၀မ်းနည်းနေခြင်း
၂။ စိတ်တိုလွယ်ခြင်း နှင့် အဆိုးမြင်ခြင်း
၃။ စိုးရိမ်ကြောင့်ကြလွယ်ခြင်း
၎။ အကူအညီမဲ့ သလိုခံစားရခြင်း
၅။ အစားအသောက် စားသောက်ခြင်း ပုံစံပြောင်းလဲလာခြင်း
၆။ ကိုယ်အလေးချိန်ရုတ်တရက်တက်လာခြင်း(သို့) ကျသွားခြင်း
၇။ ၀ါသနာပါရာအလုပ်အကိုင်များ၊ လိင်ကိစ္စများတွင် စိတ်ဝင်စားမှုနည်းလားခြင်း
၈။ စိတ်စုစည်းရခက်ခဲခြင်း
၉။ အိပ်မပျော်ခြင်း
၁၀။ အပြစ်ရှိသလို အမြဲတစေခံစားနေရခြင်း။
၁၁။ သတ်သေရန် စဉ်းစားခြင်း
ရဲဝင့်ဦး (ဇီဝကမ္မဗေဒ)

အဖွဲ့အစည်း၊ အသင်းအဖွဲ့တစ်ခုဖွှံ့ဖြိုးတိုးတက်ပြီးရေရှည်တည်တံ့အောင်ဘယ်လို ဆောင်ရွက်မလဲ
ယနေ့အခါအမှာ အသင်းအဖွဲ့တွေ နေရာအနှံ့မှာ ပေါ်ပေါက်လာတာကြားနေသိနေရပါတယ်။ အသင်းအဖွဲ့တွေ ပေါ်ပေါက်လာတာပဲကြားသိရပြီး၊ ဖျက်သိမ်းလိုက်တာကိုတော့မကြားရပါဘူး။ မကြားပေမယ့် သိနေရပါတယ်။ အဖွဲ့အစည်းအသင်းအဖွဲ့ဆိုရာမှာ လူမှု့အသင်းအဖွဲ့၊ စီးပွားရေးအသင်းအဖွဲ့ဆိုပြီးရှိပါတယ်။ Terms အရပြောရ မယ် ဆိုရင်တော့ Profit Organization နှင့် Non-Profit Organization ဆိုပြီး ခွဲခြားနိုင်ပါတယ်။ ယနေ့ခေတ် လူငယ်တွေအနေနှင့် ယခုအခါ မိတ်ဆွေအပေါင်းအသင်းတွေနှင့် စီးပွားရေးအဖွဲ့အစည်း၊ လူမှုရေးအဖွဲ့အစည်း တွေလုပ်ကိုင်ဆောင်ရွက်နေတာကို ၀မ်းမြောက်ဖွယ်တွေ့ရှိရပါတယ်။ ဘာကြောင့်ဝမ်းမြောက်ရသလဲဆိုရင် ဘာမှမလုပ်ပဲ၊ ဘေးထိုင်၊ ဘုပြောနေတာနှင့်ယှဉ်လျှင် တခုခုလုပ်နေတာက ပိုကောင်းသည့်အတွက်ပါ။ ၀မ်းမြောက်ဖွယ်ရာတွေ့ရှိရသလို၊ ၀မ်းနည်းဖွယ်ကိစစကိုလဲ တွေ့ရှိရပါတယ်။ ဘာကြောင့်ဝမ်းနည်းဖွယ် ဖြစ်ရသလဲဆိုရင်၊ တချို့အဖွဲ့အစည်းတွေဟာ ဘာမဟုတ်တဲ့ကိစစလေးတွေနှင့် အကွဲအပြဲတွေဖြစ်သွားတာကို တွေ့ရှိရပါတယ်။
ဒီလိုကွဲပြဲရတာကလဲအဖွဲ့အစည်းနှင့် လုပ်တဲ့လေ့အကျင့်မရှိတဲ့အတွက် ပျက်စီးသွားရတာဖြစ်ပါတယ်။ သည်အတွက် ပေးဆပ်လိုက်ရတာကတော့ မိမိရဲ့ကောင်းမွန်တဲ့ ရည်မှန်းချက်တွေပျောက်သွားရခြင်းပါပဲ။ တပြိုင်တက်တည်း တွေ့ရှိရတာကလဲ နောက်ထပ်လူမျိုးတစ်မျိုးကိုထပ်မ့တွေ့ရှိလာရခြင်းပါပဲ။ တချို့လူတွေဟာ အဖွဲ့အစည်းတစ်ခုတည်ထောင်တဲ့အထဲ ရအောင်ဝင်၊ နေရာတစ်ခုရအောင်လုပ်၊ မိမိကိုကျိုးအတွက် ရှာလေ့ရှိတဲ့ သူတွေဖြစ်ပါတယ်။ အဲ့ဒီလိုလူမျိုးပါလာတာကိုမသိပဲ လုပ်လိုက်လို့ ထိန်းချုပ်ဘို့ပျက်ကွက်ပြီဆိုရင် အကွဲအပြဲ ဇာတ်လမ်းကစတင်တော့ပါပဲ။ ဒီတော့ အဖွဲ့အစည်း အသင်းအဖွဲ့နှင့်ပတ်သက်တဲ့ အကြောင်းအရာလေးတွေကို ဝေမျှချင်ပါတယ်။
အသင်းအဖွဲ့ (Team) ဆိုတာဘာလဲ
T ogether
E veryone
A chieves
M ore
အသင်းအဖွဲ့ဆိုတာ လူတိုင်းအများနှင့်ပူးပေါင်းဆောင်ရွက်ပြီး ပိုမိုရရှိအောင်ဆောင်ရွက်ခြင်းဖြစ်ပါတယ်။ အလွယ်ဆုံးဥပမာတစ်ခုကိုပြောပြရမယ်ဆိုရင်၊ မြန်မာပြည်ရဲ့တချို့သောကျေးရွာတွေမှာ ယနေ့အထိကောင်းမွန် တဲ့ အသင်းအဖွဲ့တွေရှိပါတယ်။ အတော်လေးလဲအောင်မြင်သလို၊ စိတ်ဝင်စားဖွယ်ရာလဲကောင်းပါတယ်။ ရွာမှာ သွေးသောက်ဝတ်အဖွဲ့ ဆိုတဲ့အဖွဲ့အစည်းတွေပါ။ အညာကျေးလက်ဒေသတွေမှာကျင့်သုံးပါတယ်။ ရွာတစ်ရွာမှာ အိမ်တစ်အိမ်မှ လူတစ်ဦးဦးဆုံးပါးတယ်ဆိုလျှင် ယခင်က ဆန်တပြည်၊ ငွေတစ်ကျပ်ထည့်ဝင်ပြီး လူမှုရေးဆောင်ရွက်တဲ့အဖွဲ့အစည်းပါ။ အဲ့ဒီလိုလုပ်ခြင်းအားဖြင့် ဆင်းရဲ၊ချမ်းသာမရွေး မည်သည့်အိမ်ကလူ ဆုံးပါးပါစေ အသုဘအတွက် ကုန်ကျမည့်ကုန်ကျစရိတ်ကိုထည့်တွက်စရာမလိုတော့ပါ။ ယခုအခါတော့ ဆန်တပြည်၊ ငွေငါးကျပ်ဖြစ်နေပါပြီ။ ဒီအသင်းရဲ့စိတ်ဝင်စားစရာကတော့၊ ရွာရဲ့ သြဇာရှိတဲ့လူကြီးသူမတစ်ဦးဦး က ဦးဆောင်ဦးရွက်ပြုပြီး တစ်ဦးတစ်ယောက်သေဆုံးတာနှင့်၊ အသံချဲ့စက်ဖွင့်ပြီးကြေငြာပေးလိုက်တယ်။ စာရင်းဇယားနှင့် လက်ခံတယ်။ အကျွေးအမွေးပြုလုပ်ပေးတယ်။ ပိုတာအားလုံးကို အသုဘရှင်လက်ထဲ အပ်လိုက် တာပါပဲ။ ကျနော်တို့အရပ်မှာ လူသေလို့ အလောင်းမလှမှာမပူရပါဘူး။ မြတ်တောင် မြတ်ပါသေးတယ်။ တခြားလူမှုရေးအရကူညီထောက်ပံ့တာမပါပဲနှင့်ကို မြတ်တာပါ။ အတော်အံ့သြဖွယ်ကောင်း တဲ့ အဖွဲ့အစည်းဖြစ်ပါတယ်။ အဲ့ဒီအဖွဲမှာ ဥကကဌတို့၊ အတွင်းရေးမှူးတို့မရှိပါဘူး။ လူတိုင်းဟာ အသင်းသားဖြစ် သလို၊ လူတိုင်းဟာ ကိုယ်တိုင်နာယကလုပ်လို့ရှိပါတယ်။ ဒါကတော့ အညာကျေးလက်ဒေသမှာရှိတဲ့ အသင်းအဖွဲ့တစ်ခုအကြောင်းပါ။
ဒီဥပမာကိုကြည့်ခြင်းအားဖြင့် အထက်မှာဖေါ်ပြတဲ့ Team ဆိုတာရဲ့အဓိပ်ပါယ်ကိုဖေါ်ဆောင်နိုင်မယ်လို့ယူဆ ပါတယ်။
As each goose flaps its wings it creates an "uplift" for the birds that follow. By flying in a "V" formation, the whole flock adds 71% greater flying range than if each bird flew alone.
Lesson: People who share a common direction and sense of community can get where they are going quicker and easier because they are travelling on the thrust of one another.
အထက်ဖေါ်ပြပါဥပမကိုကြည့်မယ်ဆိုရင် အသင်းအဖွဲဖွဲ့ပြီး၊ စုဖွဲ့လုပ်ကိုင်ဆောင်ရွက်ခြင်းရဲ့အားကို လေ့လာတွေ့ရှိ နိုင်ပါတယ်။ ဘာသာတော့မပြန်တော့ပါဘူး။
အဖွဲ့အစည်းတစ်ခုမှာ မည်ကဲ့သို့သော အင်္ဂါရပ်များရှိသင့်သလဲ
အဖွဲ့၊ အသင်းတစ်ခုဖွဲ့မည်ဆိုလျှင်မိမိအဖွဲ့၊ အသင်းရဲ့ ရေရှည်ရပ်တည်ဘို့ အောက်ဖေါ်ပြပါ အင်္ဂါရပ်တွေနှင့် ဖွဲ့စည်းသင့်ပါတယ်။
၁။ ရည်မှန်းချက်ပန်းတိုင်
အသင်းဝင်တိုင်းနားလည်ပြီး ကန့်သတ်တိုင်းတာလို့ရတဲ့ ရည်မှန်းချက်ရှိဘို့လိုအပ်ပါတယ်။ စိတ်ကူးယဉ်ဆန်တဲ့ ရည်မှန်းချက်တွေဟာ လူအများကြားထဲနားထောင်လို့ကောင်းပေမယ့် ရောက်ရှိရမည့် ပန်းတိုင် ကာလမပါရှိလျှင် အကောင်အထည်ဖေးဆောင်ရွက်ဘို့ခဲယဉ်းပါတယ်။
၂။ အခန်းကဏ္ဍ
မည်သူတွေက မည်သည့်တာဝန်တွေယူပြီးအကောင်အထည်ဖေါ်ဆောင်ရွက်မလဲဆိုတာ ရှင်းရှင်းလင်းလင်း ရှိရပါမည်။
၃။ လုပ်ထုံးလုပ်နည်း
အလုပ်တစ်ခုကိုအတူတကွ ပူးပေါင်းဆောင်ရွက်ရာမှာ ရှင်းလင်းပြတ်သားတဲ့သဘောတူညီမှုရှိထားဘို့ လိုအပ်ပါတယ်။ လုပ်ငန်းစဉ်တွေကို ဘယ်လိုဆောင်ရွက်မလဲဆိုတာ ဖန်တီးထားဘို့လိုအပ်ပါတယ်။
၎။ Relationship
အလုပ်တစ်ခုကို မည်ကဲ့သို့အတူတကွလုပ်ကိုင်ဆောင်ရွက်မလဲ ဆိုတဲ့ အခြေခံကျတဲ့ အချက်ကို တည်ဆောက်ဘို့ အချင်းချင်းလေးစားမှု၊ တစ်ဦးချင်းစီအပေါ်နားလည်မှုနှင့် ပွင့်လင်းစွာ ဆွေးနွေးနိုင်မှုတို့ ဖြစ်ပါတယ်။
အဖွဲ့၊ အသင်းတည်ဆောက်မှု အဆင့်ဆင့်
အသင်း၊ အဖွဲ့တည်ဆောက်ရာတွင် အခြေခံအားဖြင့် အဆင့် (၄) ဆင့်တည်ရှိပါသည်။
၁။ Forming
၂။ Storming
၃။ Norming
၎။ Performing

အဖွဲ့အစည်းတွေဟာ၊ အဖွဲ့အစည်းအဖြစ် အကောင်အထည်မဖေါ်ခင်မှာ မည်ကဲ့သို့ ပုံဖေါ်ဆောင်ရွက် (Forming) မလဲဆိုတာ အကြမ်းဖြင်းစိတ်ကှူးဖြင့် ပုံဖေါ်ရပါတယ်။ Forming မှာ Team Building နှင့်Task ဆိုပြီး ရှိပါတယ်။ Team Building အောက်မှာ
- မိမိအဖွဲ့အစည်း၊ အသင်းကို အဓိပ်ပါယ်ဖွင့်ဆိုခြင်း
- တစ်ဦးခြင်းစီရဲ့အခန်းကဏ္ဍ
- ယုံကြည်မှုနှင့် ဆက်သွယ်ရေးကိုမြှင့်တင်ဆောင်ရွက်ခြင်း
- Norm (နှုန်းစံ) တွေကိုမြှင့်တင်ခြင်းတွေ ပါဝင်ပါတယ်။
Task ရဲ့အောက်မှာတော့
- ပြသနာနှင့် မဟာဗျူဟာတွေကို အဓိပ်ပါယ်ဖွင့်ဆိုခြင်း
- လိုအပ်သည့်သတင်းအချက်အလက်တွေကို သေချာအောင်ဆောင်ရွက်ခြင်းတို့ဖြစ်ပါတယ်။
ထိုကဲ့သို့ မိမိဖွဲ့စည့်မည့် အသင်း၊ အဖွဲ့ရဲ့ ရည်ရွယ်ချက်ကိုချမှတ်ပြီး လုပ်ဆောင် မိမိအဖွဲ့အစည်း၊ အသင်းကို အဓိပ်ပါယ်ဖွင့်ဆိုခြင်း၊ တစ်ဦးခြင်းစီရဲ့အခန်းကဏ္ဍတွေကိုသတ်မှတ်ဘို့စဉ်းစားဆောင်ရွက်ခြင်း၊ ယုံကြည်မှု နှင့် ဆက်သွယ်ရေးကိုဘယ်လိုမြင့်တယ်ဆောင်ရွက်မလဲဆိုတာနှင့် ပြသနာနှင့် မဟာဗျူဟာတွေကို အဓိပ်ပါယ်ဖွင့်ဆို ပြီး၊ လိုအပ်သည့်သတင်းအချက်အလက်တွေကို သေချာအောင်ဆောင်ရွက်ပြီးသည်နှင့် အောက်ဖေါ်ပြပါ အချက်အလက်တွေကို ဆောင်ရွက်ရမှာဖြစ်ပါတယ်။
ဦးဆောင်သူ၏အခန်းကဏ္ဍ
အသင်း၊ အဖွဲ့တစ်ခုဖွဲ့စည်းလိုက်သည်နှင့်တပြိုင်နက် အဲသည့်အသင်းအဖွဲ့ကိုမည်သူကဦးဆောင်မျာလဲ ဆိုတာသည် လွန်စာအရေးကြီးပါသည်။ ခေါင်းဆောင်ရဲ့အခန်းကဏ္ဍတွေကတော့
- ပွင့်လင်းသော ဆက်သွယ်ဆောင်ရွက်မှုကို ထိန်းသိမ်းပြီး အားပေးအားမြှောက်ပြုခြင်း
- အသင်းအဖွဲ့ရဲ့တိုးတက်မှု၊ အသင်းရဲ့ နှုန်းစံများကို လိုက်နာဆောင်ရွက်ရန် ကူညီခြင်း
- အသင်းအဖွဲ့ရဲ့ ဦးတည်ချက်ကို လုပ်ကိုင်ဆောင်ရွက်ရသည့် လုပ်ငန်းများကို ကူညီခြင်း
- ၀ိရောဓိပြသနာများကို အပြုသဘောဖြင့် ဆောင်ရွက်ခြင်း တို့ဖြစ်ပါတယ်။
မှတ်တမ်းများထိန်းသိမ်းခြင်းကဏ္ဍ
အသင်း၊ အဖွဲ့ ဖွဲ့စည်းပြီး ရည်မှန်းချက်တစ်ခုကို အများနှင့် ပူးပေါင်းဆောင်ရွက်ကတဲက မှတ်တမ်းမှတ်ရာများသည် လွန်စွာအရေးကြီးပါသည်။ မှတ်တမ်းမရှိခြင်းသည် ရှေ့ရှည်ဖွံ့ဖြိုးတိုးတက်မှု အတွက် အတားအဆီးတစ်ခုဖြစ်ပါသည်။ မှတ်တမ်းထိန်းသိမ်းခြင်းရဲ့ အခန်းကဏ္ဍကတော့
- အစည်းဝေးမှတ်တမ်းများကို ထိန်းသိမ်းခြင်း
- အသင်း၊ အဖွဲ့မှ လုပ်ကိုင်ဆောင်ရွက်ထားသည့် မှတ်တမ်းများကိုထိန်းသိမ်းခြင်း
- အသင်း၊ အဖွဲ့၏ အလုပ်မှတ်တမ်းများကိုထိန်းသိမ်းခြင်း တို့ဖြစ်ပါသည်။
ထိုကဲ့သို့ထ်ိန်းသိမ်းထားသည့်မှတ်တမ်းများကို မှီငြမ်းခြင်းဖြင့် နောင်လုပ်ကိုင်ရမည့်လုပ်ငန်းစဉ်များအတွက် လွန်စွာမှ အထောက်အကူပြုပေသည်။
အသင်၏လူထုဆက်ဆံရေးအရာရှိ၏ခန်းကဏ္ဍ
အသင်း၊ အဖွဲ့ ကိုတည်ထောက်လိုက်ပြီဆိုသည်နှင့်တပြိုင်နက် တစ်ဦးတစ်ယောက်ထဲလုပ်ကိုင်ဆောင်ရွက် ခြင်း မဟုတ်ပဲ အများနှင့်လုပ်ကိုင်ဆောင်ရွက်ခြင်းဖြစ်ပေသည်။ အများနှင့်လုပ်ကိုင်ဆောင်ရွက်ရသည်နှင့် တပြိုင်နက် အသင်းဝင်များ၏ အခန်းကဏ္ဍသည်လဲလွန်စွာမှ အရေးကြီးသကဲ့သို့ အသင်းဝင်တို့သည် မိမိတို့၏ အခန်းကဏ္ဍကို မီဒီယာ သို့မဟုတ် လူထုကိုလွန်စွာမှပြောဆိုချင်လေ့ရှိပါသည်။ ထိုကဲ့သို့ပြောဆိုသည်နှင့်တပြိုင်နက် မှားယွင်းသောသတင်းအချက်အလက်များကို ပေးအပ်မိပါက မလိုလားအပ်သော ပြသနာများဖြစ်ပွားနိုင်ပါသည်။ ထိုကဲ့သို့သော မလိုလားအပ်သည့်ပြသနာများကို ရှောင်ရှားနိုင်ရန် လူထုဆက်ဆံရေးအရာရှိခန့်အပ်ထားရန် သို့မဟုတ် ပြောရေးဆိုခွင့်ရှိသောပုဂဂိုလ်ရှိရန် လိုအပ်ပေသည်။ ၄င်း လူထုဆက်ဆံရေးအရာရှိ သို့မဟုတ် ပြောရေးဆိုခွင့်ရှိသောပုဂဂိုလ်၏ အခန်းကဏ္ဍမှာ -
- မိမိအသင်း၊ အဖွဲ့၏ပြင်ပမှ အရင်းအမြစ်ပုဂဂိုလ်များနှင့်ဆက်သွယ်ဆောင်ရွက်ခြင်း
- Team’s Mentor နှင့်အတူ စာရေးသားဆက်သွယ်ဆောင်ရွက်ခြင်း
- အသင်းဝင်များအကြား ကောင်းမွန်သောဆက်ဆံရေးထူထောင်ပြီးထိန်းသိမ်းခြင်း
တို့ဖြစ်ပေသည်။ ထိုကဲ့သို့လုပ်ကိုင်ဆောင်ရွက်ခြင်းဖြင့် အသင်းနှင့် အသင်းဝင်များကြားကောင်းမွန်သော ဆက်ဆံရေးတည်ဆောက်နိုင်ခြင်းဖြင့် လုပ်ငန်းများပိုမိုအောင်မြင်နိုင်ပေသည်။
အသင်း၏နှုန်းစံ (Norms) များ
အသင်း၊ အဖွဲ့ဖြစ်သည့်အားလျော်စွာ အများနှင့်လုပ်ကိုင်ဆောင်ရွက်ရခြင်းဖြစ်သဖြင့် အသင်းနှင့်ပတ်သက် သည့် လုပ်ငန်းဆောင်တာများဆောင်ရွက်ရာတွင် နှုန်းစံများ (Norms) ၏ အခန်းကဏ္ဍသည် လွန်စွာမှ အရေးပါပေသည်။ ၄င်း၏ အခန်းကဏ္ဍမှာ -
- အချင်းချင်းမည်ကဲ့သို့ ကူညီဆောင်ရွက်မလဲ
- ပြသနာဖြစ်ပွားလာသည့်အခါ မည်ကဲ့သို့ကိုင်တွယ်ဖြေရှင်းမလဲ
- မိမိရဲ့ အသင်း၊ အဖွဲ့ပေါ်ဆောင်ရွက်ရမည့်တာဝန်နှင့်ဝတ်တရာများကဘာတွေလဲ စသည်တို့ ဖြစ်ပေသည်။






တစ်ဦးခြင်းစီမှ အစုအဖွဲ့ဆီသို့
လူတွေဟာ တစ်ဦးတစ်ယောက်နှင့် တစ်ယောက် စိတ်နေသဘောထား၊ ခံယူချက်တွေဟာမတူညီတာကို တွေ့ရှိနိုင်ပါတယ်။ ဥပမာ - အေးအေးဆေးဆေးနေတတ်သူနှင့် ဗွာလောင်ဗွာလောင်နေတတ်သူ။ အဲ့ဒီလို မတူညီပေမည့် ရည်ရွယ်ချက်တွေတူညီရင်အလုပ်တွေကို လက်တွဲပြီးလုပ်ကိုင်ဆောင်ရွက်နိုင်ပါတယ်။ မတူညီတဲ့အစုကို အောက်ပါအတိုင်း Myers-Briggs ကခွဲခြားထားပါတယ်။
Myers-Briggs Type Indicator (MBTI)
n Extraverts ---------------- Introverts
n Sensors ------------------- iNtuitive
n Thinker ------------------- Feelers
n Judger -------------------- Perceiver
မတူညီတာတွေကိုသိရှိထားခြင်းဖြင့် အဖွဲ့ဝင်အချင်းချင်း မည်ကဲ့သို့ ဆက်သွယ်ဆောင်ရွက်ရမည်ဆိုတာကို အကူအညီပေးအပ်နိုင်ပါတယ်။ လူတိုင်းဟာ အရာရာအားလုံးကို အားသာချက်မရှိနိုင်ပါဘူး။ ဒီတော့ တူရာအားသာချက်တွေစုပြီး အဖွဲ့ကောင်း၊ အသင်းကောင်းဖြစ်အောင် တည်ထောင်နိုင်မှာဖြစ်ပါတယ်။
Extravert Introverts
- ကျယ်ကျယ်လောင်လောင်စဉ်းစားတတ်သူ - စဉ်းစားရာတွင် အချိန်ယူတတ်သူ
- ကျယ်ကျယ်ပြန့်ပြန့်ရှင်းလင်းပြတတ်သူ - ကျယ်ကျယ်ပြန့်ပြန့်တွေးခေါ်အာရုံစူးစိုက်တတ်သူ
- အခြားသူများကို လွှမ်းမိုးနိုင်သူ - အခြားအကြောင်းအရာများကို မကြားချင်သူ

iNtuitive Sensor
- အခြားသူများကို မိမိစိတ်ကူးစိတ်သန်းများကို အမှန်တကယ်ဖြစ်ပေါ်နေသောပြသနာ၊ ကိုင်တွယ်
ဖေါ်ပြပြီး အသုံးပြုခြင်း ရမည့်အချက်အလက်များကိုဖေါ်ပြခြင်း
ဖြစ်နိုင်ဖွယ်ရှိသော Alternatives များကို - သတ်မှတ်၊ ပြဌာန်း၊ ရည်ညွှန်းထားသည့် အချက်
အသုံးပြုခြင်း အလက်များပြုလုပ်ရန်တောင်းဆိုခြင်း
- သင်၏ Creativity ကို ဖုံးကွယ်ထားပြီး အခြား - Common Sense အတွက် ဆက်လက်ပြီး Push
သူများကိုမသိစေခြင်း လုပ်ခြင်း
Thinker Feeler
- မည်ကဲ့သို့လုပ်ကိုင်ဆောင်ရွက်ရမည်ကို - ဘာကြောင့်တစုံတခုဖြစ်ပွားသလဲဆိုတာ
နားလည်သောကျွမ်းကျင်မှု သိခြင်း
- (အခြားသူများ တနေရာရာ၊ တချိန်ချိန်မှာပြသနာ - (မိမိရဲ့ Personal Values တွေဟာ၊ အသင်းအဖွဲ့
ဖြစ်ပွားတဲ့အခါမှာ ကူညီခြင်း) အတွင်းမှေးမှိန်လာတဲ့အခါ မိမိကိုယ်မိမိဝန်ခံခြင်း)
- တိကျမှုအတွက် ဆက်လက်ပြီး ဖိအားပေးခြင်း - လူတိုင်းအား စကားပြောခွင့်ပေးရန် အခွင့်အရေး
ပေးပြီး၊ ကေားမွန်စွာနားထောင်ခြင်းဖြင့် ၄င်းပြော ဆိုသော သူ၏အကြောင်းအရာကို ခိုင်မာစေပြီး ဆွေးနွေးခြင်း ဒါပေမယ့် လိုအပ်သည်ထက်ပိုမိုပြီး အကျယ်တ၀င့်မဆွေးနွေးစေခြင်း
Judger Perceiver
- လုပ်ငန်းစဉ်များကိုမျက်ခြေမပြတ်ဆောင်ရွက် - အခြားသူများကို ဆုံးဖြတ်များနှင့်အညီ အမြဲ အဖွဲ့
ရန်နှင့်၊ မိမိအဖွဲ့ရဲ့လမ်းကြောင်းပေါ်က မသွေ ၀င်များကို ကူညီဆောင်ရွက်ခြင်း
- ဆံးဖြတ်ချက်များကိုလွယ်ကူလျင်မြန်စွာချခြင်း - လွဲမှားသောအပြုအမူကို မရရှိစေခြင်း
- တချို့ကိစစရပ်များကို မလိုအပ်ပဲ ပုံကြီးချဲ့ခြင်း
အထက်ဖေါ်ပြပါ လူအမျိုးအစားထဲတွင် မိမိသည် မည်သည့်အမျိုးအစားထဲပါဝင်သည်ကို မိမိကိုယ် မိမိသိရှိနိုင်သလို လိုအပ်ပါက Test များဖြင့်လဲ သိရှိနိုင်ပေသည်။လူတစ်ဦးချင်းစီရဲ့ စရိုက်လက်ခဏာ မတူညီသည့် အတွက် အဖွဲ့ဝင်အချင်းချင်းဖြစ်ပါက တစ်ဦးချင်းအပေါ်နားလည်မှုသည် လွန်စွာမှအရေးကြီး ပေသည်။ ဥပမာ - အစည်းအဝေးတစ်ခုမှာ ပြောဆိုဆွေးနွေးကြပြီ ဆိုကြပါစို့ မိမိနှင့်သဘောထားခြင်းမတိုက် ဆိုင်လဲ နားထောင်နိုင်စွမ်းရှိရပါမည်။ တင်ပြချက်အမျိုးမျိုးအပေါ်၊ ထင်မြင်ချက်အမျိုးမျိုးအပေါ် အများသဘောတူ ဆုံးဖြတ်ချက် သို့မဟုတ် အသင်းအဖွဲ့ခေါင်းဆောင်၏ ဆုံးဖြတ်ချက်အပေါ် လိုက်နာဆောင်ရွက်သင့်ပေသည်။ ထိုကဲ့သို့လုပ်ကိုင်ဆောင်ရွက်ခြင်းဖြင့်သာလျှင် ရည်မှန်းချက်ကိုရောက်ရှိနိုင် ပေမည်။ အဖွဲ့ဝင် (၂၀)ရှိတယ်၊ အိုင်ဒီယာ (၂၀)ရှိတယ်။ အဲ့ဒီအိုင်ဒီယာ (၂၀)ကို မည်ကဲ့သို့အကောင်အထည် ဖေါ် ဆောင်ရွက်မည်နည်း။

Storming stage အဆင့်မှာတော့ အဖွဲ့ဝင်များအနေဖြင့် ပထမအဆင့် Forming မှာ သူတို့တွေ စိတ်ကူးခဲ့တာတွေထက် လုပ်ငန်းတွေဟာ ပိုမိုခက်ခါတာတွေကို သိရှိလာမှာဖြစ်ပါတယ်။ အောင်မြင်မှု အခွင့်အရေးအတွက် အမြင်များဟာလဲ အနိမ့်/အမြင့် အတက်အကျတွေဟာ များစွာရှိလာမှာ မလွဲ၊ဧကန်ဖြစ်ပြီး၊ အဲ့ဒီ အတက်အကျတွေကပဲ အသင်း၊ အဖွဲ့၏ အောင်မြင်မှု၊ ရှုံးနိမ့်မှုတွေဖြစ်လာမှာပါပဲ။ တပြိုင်နက်တည်း အဖွဲဝင် အချင်းချင်းကြားမှာလဲ လုပ်ငန်းတွေလုပ်ကိုင်ဆောင်ရွက်တဲ့အခါ တင်းခံနေတာ (Resistance) တွေ ရှိလာမှာပါ။ ထိုကဲ့သို့ဖြစ်လာတဲ့အခြေအနေကို ကျော်လွှားဘို့ အချင်းချင်းကြားမှာ Collaboration ဟာ လွန်စာအရေးကြီးပါတယ်။ ထိုကဲ့သို့ Collaboration လုပ်ဘို့ကတော့ အထက် Forming Stage မှာ ဖေါ်ပြခဲ့တဲ့ Personality Traits တွေကို ဦးဆောင်မည့်သူတွေဟာ သိရှိနားလည်ဘို့လွန်စွာအရေးကြီးပါတယ်။ ထိုကဲ့သို့ သိရှိနားလည် နိုင်မှသာလျှင် အသင်း၊ အဖွဲ့ကိုဦးဆောင်နိုင်မှာဖြစ်ပါတယ်။
Storming Diagnosis
မတူကွဲပြားတဲ့အမြင်အမျိုးမျိုး၊ အိုင်ဒီယာအမျိုးမျိုးရှိလာတဲ့အခါ ဘောင်အပြင်ဖက်ကနေ ငြင်းခုံခြင်းကိုမပြုလုပ်ပဲ မိမိအသင်း၊ အဖွဲ့ရည်မှန်းချက်ကိုဦးတိုက်ပြီးပြုလုပ်၇မှာဖြစ်ပါတယ်။ ဒီပြသနာကို ကုစား၊ ဖြေရှင်းဘို့ အောက်ပါ အတိုင်း ထည့်သွင်းစဉ်းစားသင့်ပါတယ်။
- မိမိတို့ အသင်း၊ အဖွဲ့မှာ ဘုံရည်မှန်းချက်နှင့် ဦးတည်ချက်များရှိပြီလား
- မိမိတို့ အသင်း၊ အဖွဲ့မှာ အားလုံးသဘောတူညီလက်ခံထားတဲ့ တာဝန်နှင့် အခန်းကဏ္ဍတွေရှိပြီလား
- မိမိတို့ အသင်း၊ အဖွဲ့ဟာ လုပ်ငန်းဆောင်တာ၊ ဆက်သွယ်ဆောင်ရွက်ရေး၊ ဆုံးဖြတ်မည့်စနစ်များ အတိုင်း အလုပ်များကို ဆောင်ရွက်နေပြီလား
- မိမိတို့ အသင်း၊ အဖွဲ့မှာ လိုအပ်သော Interpersonal Skills တွေရှိပြီလား
အထက်ဖေါ်ပြပါအချက်အလက်တွေရှိပြီဆိုရင်တော့ မိမိတို့ အသင်း၊ အဖွဲ့အတွင်း မတူကွဲပြား၊ ခြားနားမှုတွေကို ရှောင်လွှဲနိုင်ပြီဖြစ်ပါတယ်။ မရှိသေးရင်တော့ ရှိအောင်လုပ်ကိုင်ဆောင်ရွက်ထားသင့်ပါတယ်။ မရှိရင် ရေရှည်မှာ ပြသနာတွေဖြစ်ပွားနိုင်ပါတယ်။
Negotiating Conflicts
အသင်း၊ အဖွဲ့ရယ်လို့ရှိလာပြီဆိုတာနှင့်တပြိုင်နက် သဘောထားကွဲလွဲမှုဆိုတာ မလွဲဧကန်ရှိမှာပါပဲ။ အဲ့ဒီမတူကွဲပြားမှုတွေကို အောက်ဖေါ်ပြပါ နည်းများနှင့် ဖြေရှင်းနိုင်ပါတယ်။
- လူတွေကနေဖြစ်ပေါ်လာတဲ့ Issues တွေကနေ Problem Issues တွေကိုခွဲထုတ်ခြင်း (တခါတရံ လူတွေဟာ ကိုယ့်ရဲ့ပြသနာနှင့် အလုပ်ရဲ့ပြသနာတွေကိုရောထွေးစေတတ်ပါတယ်။ အဲ့ဒီလိုဖြစ်ပြီဆိုရင် လူကရှာတဲ့ပြသနာကနေ အလုပ်ရဲ့ပြသနာကို ရှင်းထုတ်နိုင်ရပါမယ်။)
- လူတွေကိုငြင်သာစွာကိုင်တွယ်ပြီး၊ ပြသနာကိုတော့ အကြေအလည်ဆွေးနွေးခြင်း
- ပြသနာဖြေရှင်းတဲ့အခါမှာ သီးခြားတစ်ခုခြင်းစီဖြေရှင်းခြင်းထက် အဖွဲ့တစ်ခုစီရဲ့ ရည်ရွယ်ချက်ပန်းတိုင်၊ လိုအပ်ချက်တွေကို အထူးရှာဖွေသင့်ပါတယ်။
သဘောထားကွဲလွဲမှုတွေကိုဖြေရှင်းတဲ့အခါမှာ လူတစ်ဦးချင်းစီကိုတိုက်ခိုက်မှုကို ရှောင်ခြားပြီး၊ ပြသနာရဲ့ရင်းမြစ် ကို ရှာပြီး ဖြေရှင်းရပါမယ်။ အဲ့ဒီသဘောထားကွဲလွဲမှုဟာဘယ်ကဆင်းသက်လာသလဲဆိုတဲ့ရင်းမြစ်ရှာဖွေရမှာ ဖြစ်ပါတယ်။
လူတစ်ဦးချင်းစီရဲ့ဗီဇဟာ မတူညီတဲ့အတဲ့အတွက် သဘောထားကွဲလွဲမှုတွေဖြစ်ပေးလာတဲ့အခါ တတ်နိုင်သမျှ ညင်သာစွာ ကိုင်တွယ်ရပါမယ်။ ပုံကြီးချဲ့ခြင်းကိုလျှော့ချပြီး တတ်နိုင်သမျှ သေးငယ်သွားအောင် လုပ်ကိုင် ဆောင်ရွက် ရမှာဖြစ်ပါတယ်။
ဖြစ်ပေါ်လာတဲ့ပြသနာကို အခြားသူများနှင့် အားလုံးလက်ခံနိုင်အောင်လို့ အကြေအလည်ဆွေးနွေးသင့်ပြီး၊ ဖုန်းကွယ်ပြီး မြုံမထားသင့်ပဲ၊ ၄င်းပြသနာကို ကျော်လွှားနိုင်တဲ့အထိ ဆောင်ရွက်ရမှာဖြစ်ပါတယ်။ ဖုန်းကွယ် ထားပါက နောင်တချိန်ပြန်လည်ပေါ်ပေါက်လာပါက ဖြေရှင်းရလွန်စွာခက်ခဲတတ်ပါတယ်။
ထိုကဲ့သို့ဖြေရှင်းရာမှာ အသင်းဝင်အားလုံးဟာ ပါဝင်ဆောင်ရွက်ပြီး မိမိသဘောထားအယူအဆနှင့်မကိုက်ညီ ပါက တင်ပြဆွေးနွေးသင့်ပါတယ်။ အားလုံးသဘောတူဆုံးဖြတ်ပြီးပါမှ အဲ့ဒီတုံးကမိမိမပါဝင်တဲ့အတွက်ကြောင့် ဆိုပြီး ဆင်ခြေပေးခြင်းကိုရှောင်ခြားသင့်ပါတယ်။
ပြသနာ၊ သဘောထားကွဲလွဲမှုပေါ်ပေါက်လာသည့်အခါတိုင်း ၄င်းအပေါ်ယှဉ်းကပ်ရာမှာ Win-win Approach ကို သုံးစွဲသင့်ပါတယ်။ တစ်ဦးချင်းစီနှင့် အချင်းချင်းဆက်ဆံရေးကို လွန်စွာတန်ဘိုးထားသင့်ပါတယ်။
Addressing the Problem
သဘောထားကွဲလွဲမှု၊ ပြသနာတွေရှိလာတဲ့အခါမှာ မိမိအသင်း၊ အဖွဲ့ကိုတင်ပြဘို့လိုအပ်ပါတယ်။ ထိုကဲ့သို့ မတင်ပြပဲ သိမ်းဆည်းထားပါက ပိုမိုကြီးမားအပ်သည့်ပြသနာတွေ ထပ်မံပေါ်ပေါက်လာနိုင်ပါတယ်။ ဖြစ်ပေါ်လာတဲ့ပြသနာ၊ သဘောထားကွဲလွဲမှုတွေတင်ပြသည့်အခါ အောက်ဖေါ်ပြပါ အချက်အလက်တွေ အတိုင်း ဆွေးနွေးတင်ပြသင့်ပါတယ်။
- မိမရဲ့အမြင်ကို မိမိရဲ့ဆုံးဖြတ်ချက်မပါဝင်ပဲ ရှင်းလင်းစွာတင်ပြခြင်း
- အဓိကကျသော Issues များကို ရှင်းလင်းစွာတင်ပြခြင်း
- အခြားသူများ၏ အမြင်များကို ဂရိုက်စိုက်ပြီး နားထောင်ခြင်း
- အဓိကကျသော Issues တွေကို သေချာနားထောင်ပြီး၊ မိမရဲ့နားလည်မှုကို စစ်ဆေးပြီး၊ လိုအပ်သလိုပြန်လည်မေးမြန်းခြင်း
Norming အဆင့်မှာ အဖွဲ့ဝင်တွေဟာ မိမိအဖွဲ့ရဲ့ အဖွဲ့ဖြစ်ခြင်း၊ အသင်း၊အဖွဲ့ရဲ့ လုပ်ထုံးလုပ်နည်းနှင့် စည်းကမ်းများ၊ အဖွဲ့အတွင်း မိမိရဲ့အခန်းကဏ္ဍ၊ အဖွင့်ဝင်အားလုံးကြား တစ်ဦးချင်းစီ၏ အခန်းကဏ္ဍ၊ အဖွဲ့ဝင်များဟာ တစ်ဦးကိုတစ်ဦးကူညီခြင်း နှင့် တစ်ဦးကိုတစ်ဦးမတိုက်ခိုက်ပဲ ပျက်စီးစေခြင်းတို့ မဖြစ်ပွား အောင် လုပ်ဆောင်ခြင်းတို့ကို လက်ခံဆောင်ရွက်ရမှာဖြစ်ပါတယ်။
အသင်း၊ အဖွဲ့အောင်မြင်ဘို့အတွက် အဖွဲ့ဝင်တွေအချင်းချင်းတွေအကြား
- မိမိမြင်တွေ့၊ ကြားသိရသောအချက်အလက်များကို ဥပမာများဖြင့်တင်ပြခြင်း
- မရင့်ကျက်သော၊ Professional မဆန်သော၊ တာဝန်ယူမှုမရှိသော စကားများကိုမပြောခြင်း
- တိတိကျကျပြောပါ။ “You’re always late for deadlines” is probably untrue and unfair. ထိုကဲ့သို့သောစကားများကိုမပြောဆိုခြင်း
- မဆိုးဘူး၊ ပိုကောင်းတယ်၊ ဆိုးတယ်၊ အဆိုးဆုံး စသည်ကဲ့သို့သော ဆုံးဖြတ်ချက်မပါဝင်သော စကားလုံးများကို မသုံးစွဲခြင်း
- ပျက်ကွက်သောသူများကို ရည်ညွှန်းပြီးမပြောဆိုခြင်း၊ တက်ရောက်လာသောသူများနှင့် မိမိအတွက်သာ ပြောဆိုသင့်ခြင်း တို့ကို အဖွဲ့ဝင်အချင်းချင်းကြား ပြောဆိုဆောင်ရွက်သင့်ပါတယ်။
- ပြောဆိုတင်ပြရာတွင် You အစား I သာအသုံးပြုခြင်း
- မိမိရဲ့ feedback ကို တိကျသေချသည်များကိုသာပေးခြင်း
- အဖွဲ့ဝင်များအား အပြုသဘောဆောင်သော Feedback ပေးအပ်သည့်အခါ မိမိရဲ့ချီးမွန်းခြင်းများကို အဖွဲ့ဝင်များလက်ခံနိုင်ရန် ကူညီစေခြင်း
ထိုကဲ့သို့တစ်ဦးအပေါ် နားလည်မှုရှိစွာ၊ ပြောဆိုတင်ပြ၊ ဆွေးနွေးခြင်းဖြင့် မိမိနှင့် အသင်းအဖွဲ့ဝင်များအကြား ကောင်းမွန်စွာတည်ဆောက်နိုင်ပေမည်။ ကောင်းမွန်သောဆက်ဆံမှု တည်ဆောင်ခြင်းဖြင့်အချင်းချင်း ယုံကြည်မှုတည်ဆောက်နိုင်ပေမည်။ ယုံကြည်မှုခိုင်မာသည်နှင့်အမျှ လုပ်ငန်းများ ပိုမိုအောင်မြင်နိုင်ပေမည်။
Feedback များကို လက်ခံခြင်း
Feedback များကို လက်ခံရာတွင် အောက်ပါအတိုင်းဆောင်ရွက်နိုင်ပါသည်။
- ဂရုတစိုက်နားထောင်ခြင်း
- ရှင်းလင်းစွာနားလည်ဘို့ ပြန်လှန်မေးမြန်းခြင်း
- ကျေးဇူးတင်ကြောင်းပြန်လည်ပြောဆိုခြင်း
- မိမိဘာနားလည်သည်ကို ရှင်းလင်းစွာနားလည်ဘို့ အချိန်ယူခြင်း
နောက်ဆုံးအဆင့်ဖြစ်သည့် Performing အဆင့်တွင် အဖွဲ့ဝင်များသည်
- အသင်း၊ အဖွဲ့စည်း၏ လုပ်ငန်းဖြစ်စဉ်အတွင်းနှင့် မိမိကိုယ်ရေးကိုတာများကို ရှင်းလင်းစွာနားလည်ခြင်း
- အခြားအဖွဲ့ဝင်များ၏ အားသာချက်၊ အားနည်းချက်များကို ပိုမိုကောင်းမွန်စွာနားလည်ခြင်း
- အစုအဖွဲ့အလိုက်သဘောထားကွဲလွဲမှု၊ ကွဲပြားခြားနားချက်များကို ဖြေရှင်းခြင်းဖြင့် အလုပ် သို့မဟုတ် ကြိုတင်ကွယ်နိုင်သောအရည်အချင်းရရှိစေခြင်းတို့ဖြစ်ပါတယ်။
အသင်းအဖွဲ့တစ်ခုအောင်မြင်စေသည့်နည်းလမ်းများ
အသင်း၊ အဖွဲ့တစ်ခုရေရှည်အောင်မြင်စေရန် အလုပ်သည်လွယ်ကူလှသည်တော့မဟုတ်ပါ။ အသင်းအဖွဲ့တစ်ခု အောင်မြင်စေသည့် နည်းလမ်းများကတော့
ရည်မှန်းချက်၊ ပန်းတိုင်ကို ရောက်ရှိဘို့ မျှဝေပြီး ကတိက၀တ်ပြုခြင်း
- တာဝန်နှင့် အခန်းကဏ္ဍကို ရှင်းလင်းစွာဖေါ်ပြထားခြင်း
တစ်ဦးချင်းစီ၏ကျွမ်းကျင်မှုကို အကောင်းဆုံးအသုံးပြုခြင်း
အိုင်ဒီယာအားလုံးကို အသင်းဝင်၊ အဖွဲ့ဝင်အားလုံးအားဖွံ့ဖြိုးဘို့ ဆွေးနွေးရန်ခွင့်ပြုခြင်း
- ထိရောက်ရှင်းလင်းသော Communication စနစ်ထားရှိခြင်း
- ရှင်းလင်းစွာအဓိပ်ပါယ်ဖွင့်ဆိုထားသော လုပ်ထုံးလုပ်နည်းများနှင့် စည်းမျဉ်းစည်းကမ်းများရှိခြင်း
- Balanced Participation
- အစုလိုက်၊ အဖွဲ့လိုက်လုပ်သော process များကိုအမြတစေ သတိရှိစေခြင်း
- ကေင်းမွန်သော ဆက်ဆံရေးတည်ဆောက်ခြင်း
စသည့် အထက်ဖေါ်ပြပါ အချက်အလက်များသည် အသင်း၊ အဖွဲ့တစ်ခုအောင်မြင်သော အချက်အလက်များဖြစ်ပေသည်။
အသင်း၊ အဖွဲ့တည်ဆောက်ရေးသည်လွယ်ကူသော်လည်း ၄င်းအသင်း၊ အဖွဲ့ရေရှည်တည်တံ့ရေး၊ ဖွံ့ဖြိုးရေးတို့သည် လွန်စွာမှ ခက်ခဲလှပေသည်။ ထိုကဲ့သို့ ဖွံ့ဖြိုးရေး၊ ရေရှည်တည်တံ့ရေးအတွက် အထက်ဖေါ်ပြပါ အချက်အလက်များသည် အထောက်အပံ့ဖြစ်မည်ဟု ယုံကြည်ပါသည်။

Effective systems and processes
n Clear communication
n Beneficial team behaviors; well-defined decision procedures and ground rules
n Balanced participation
n Awareness of the group process
n Good personal relationships

ဒေါသနည်းအောင်နေနည်း


ဆရာတော်ဦးဇောတိက၏ မှတ်သားဖွယ်ရာ ဒေါသနည်းအောင်နေနည်း တရားတော်အားဝေငှလိုက်ပါသည်။

လူတိုင်း စိတ်ပင်ပန်းရတာ သက်သာအောင် အကောင်းဆုံး လုပ်နည်းက

တတ်နိုင်သလောက် ကြိုတင် ကာကွယ်တဲ့ နည်းပါပဲ။

• သွားစရာရှိရင် လိုက်မယ့်သူတွေကို ကြိုကြိုတင်တင် ပြောထားပါ၊

ကပ်ပြီးမှပြောရင် ပြင်ဆင်ချိန် မလောက်လို့စောင့်နေတဲ့အခါမှာ စိတ်တို

တတ်တယ်။

• သုံးနေကျပစ္စည်းကို ကြိုကြိုတင်တင်ဝယ်ထားပါ၊ သုံးချင်တဲ့အချိန်ကျမှ

ကုန်နေလို့ စိတ်တိုတာမဖြစ်အောင်နော်။

• ကတိအကြွေးတွေဟာ စိတ်ကို ပင်ပန်းစေတယ်၊ ဒါကြောင့် ကတိကို

လွယ်လွယ်နဲ့မပေးပါနဲ့။ ကတိပေးပြီးမှမတည်နိုင်တဲ့အခါစိတ် ဆင်းရဲ ရတယ်၊

စိတ်တိုရတယ်၊ ကတိမတည်တဲ့သူလို့အပြောခံရတဲ့အခါ ရှက်တယ်၊ ဒေါသဖြစ်တယ်။

• မတတ်နိုင်လောက်အောင် မြင့်လွန်းနေတာမျိုးကို မမှန်းပါနဲ့။

ကိုယ့်ရည်မှန်းချက်ဟာ ကိုယ့်အခြေအနေနဲ့ ကိုက်ညီဖို့လိုတယ်။ ကိုယ့်

ရည်မှန်းချက်ကို နဲနဲချင်း ဖြေးဖြေးမြှင့်ပါ ။

• ကိုယ့်အတွက် အရေးကြီးတဲ့ ကိစ္စကိုလုပ်ဖို့ အချိန်လုံလောက်

အောင်စီစဉ်ထားပါ။ အရေးမကြီးတာတွေကို အရင်လုပ်ပြီး ပင်ပန်းသွားတဲ့အခါကျမှ

အရေးကြီးတာကိုလုပ်ရင် ပိုပြီးစိတ်ပင်ပန်း တယ်။ ဒါကြောင့် အရေးကြီးတာကို

အရင်လုပ်ပါ။ အရေးကြီးတာကို အရင်လုပ်ပြီးရင် စိတ်ပေါ့ပါးသွားလို့

သိပ်အရေးမကြီးတာကိုလုပ်ဖို့ အားတက်လာမယ် ။

• စနစ်တကျလုပ်တတ်တဲ့အကျင့်ကို လေ့ကျင့်ထားပါ။ စနစ်ရှိရင်

အချိန်ကုန်သက်သာတယ်၊ အမှားနည်းတယ်၊ စိတ်ပင်ပန်း လူပင်ပန်း ရတာလဲနည်းတယ်။

အဲဒါကြောင့် စိတ်တိုရတာ ဒေါသဖြစ်ရတာပါ နဲသွားတယ်။ ပုံမှန်အချိန်ဇယားနဲ့

လုပ်လို့ဖြစ်တာမျိုးကို သူ့အချိန်ကျ ရင်လုပ်ဖြစ်အောင်

အကျင့်လုပ်ထားတာကောင်းတယ်။ အခုလုပ် ရမလား၊ နောက်မှလုပ်ရမလားလို့

တွေးမနေရတော့ဘူး။ အဲဒါကိုက အချိန်ကုန်သက်သာသလို စိတ်ပင်ပန်းတာလဲ

သက်သာပါတယ်။

• ကိုနေရတဲ့နေရာ၊ ကိုယ်အလုပ် လုပ်တဲ့နေရာကို တတ်နိုင်သလောက်

သန့်ရှင်းသပ်ရပ်အောင် လှပအောင်ပြုပြင်ပါ။ ရှုပ်ထွေး၊ ညစ်ပတ်၊ နံစော်

နေတဲ့နေရာမျိုးမှာ အလုပ်လုပ်ရရင် စိတ်ကြည်လင်မှာ မဟုတ်ဘူး။

• စိတ်ကြည်လင်စေမှုကို ဖျက်စီးတတ်တဲ့ အရာမျိုးတွေကို ကိုယ်မြင်နိုင်

တဲ့နေရာမှာမရှိပါစေနဲ့။ နံရံပေါ်မှာ၊ စာအုပ်စင်ပေါ်မှာ၊ အလုပ်စားပွဲ ပေါ်မှာ

စိတ်ကိုအနှောက်အယှက်ပေးနိုင်တဲ့အရာတွေကို မရှိပါစေနဲ့။ စိတ်တိုစရာကိစ္စ၊

စိတ်ညစ်စရာကိစ္စ၊ အဟောင်းကိုအသစ်ဖြစ်အောင် လုပ်မဲ့ ပစ္စည်းမျိုးကို

မြင်နိုင်တဲ့နေရာမှာ မထားတာကောင်းတယ်။ ကြည့်လိုက်တာနဲ့

စိတ်ကိုကြည်လင်အေးချမ်းသွားစေနိုင်တဲ့ ရှုခင်း ဓါတ်ပုံမျိုးကို

မြင်သာတဲ့နေရာမှာ ထားပါ။ ရေခဲတောင် ဓါတ်ပုံမျိုး၊ ရေကန်ကြီးကြီး

ဓါတ်ပုံမျိုးကို ကြည့်ပြီး အဲဒိနေရာမျိုးမှာ ကိုယ်ရောက် နေတယ်လို့

မှန်းကြည့်ပါ။ ကိုမြင်သမျှ ကြားသမျှအရာတွေဟာ ကိုယ့်စိတ်ကို လွှမ်းမိုးတယ်။

ဒါကြောင့် မမြင်ရရင်ကောင်းတဲ့ အရာတွေကို ဝေးဝေးပို့ထားပါ၊

ဝေးလေးကောင်းလေပဲ။ ပစ္စည်းတွေက ကိုယ့်စိတ်ကို ချောက်ချားစေနိုင်တယ်။

ဘာပစ္စည်းမှမရှိရင် ဘာအနှောက်အယှက်မှ မရှိဘူး။

• အနံ့အသက်ဆိုးတွေ၊ မီးခိုးတွေ၊ ဆူညံသံတွေ မရှိအောင်

လုပ်နိုင်ရင်ကောင်းတယ်။ မရှိအောင်မတတ်နိုင်ရင်တော့ နဲနိုင်သမျှ နဲအောင်

လုပ်ပါ။

• ကိုယ်ကအောင်မြင်လေလေ ကိုယ့်ကိုတွေ့ချင်တဲ့သူ၊ ကိုယ့်ဆီက

အကူအညီတောင်းချင်သူတွေ များလာလေဖြစ်တတ်တာ သဘာဝပဲ။ တစ်ခါတစ်လေ

ကိုယ်မအားတုန်း အလုပ်များနေတုန်း သူတို့ကတွေ့ချင် အကူအညီတောင်းချင်နေလို့

မရမက လုပ်လာရင်လည်း စိတ်အနှောက်အယှက်ဖြစ်ရတယ်။

• စိတ်အေးအေးချမ်းချမ်းနေချင်ရင် သူများအကြောင်းကို တတ်နိုင် သလောက်

မပြောပဲနေတာကောင်းတယ်။ အထူးသဖြင့် သူများ မကောင်းကြောင်းကို

မပြောပဲနေတာကောင်းတယ်။ ပုဂ္ဂိုလ်ရေး ပုတ်ခတ်ပြီး ပြောတာမျိုးကို

အထူးရှောင်သင့်တယ်။ ကိုယ်ကသူများ မကောင်းကြောင်းကိုပြောရင်

ကိုယ့်မကောင်းကြောင်း ကိုလည်း သူများက ပြောမှာသေချာတယ်။ အဲဒါနဲ့ပဲ

ကိုယ့်စိတ်ကြည်လင်မှု ပျက်ရတယ်။ ကိုယ့်အကြောင်းကို

သူများကမကောင်းပြောရင်တောင်မှ သူပြောတာမဟုတ်ကြောင်းကိုပဲ

အေးအေးဆေးဆေးပြောပြီး သူ့မကောင်း ကြောင်းကိုတော့ ဟုတ်နေရင်တောင်မှ

မပြောပဲထား လိုက်တာက ပိုကောင်းတယ်။ ကိုယ်ကသဘောထားကြီးကြီး ထားဖို့လိုတယ်.

• စိတ်အနှောက်အယှက်ဖြစ်ရတာ နဲချင်ရင် မလိုအပ်ပဲနဲ့ လူများ

များနဲ့မရောပါနဲ့။ အလုပ်များတဲ့သူဟာ တစ်နေ့ တစ်နေ့ လူတွေနဲ့စကားပြောရတာ

နဲမှာမဟုတ်ဘူး။ အခက်အခဲရှိလို့ပြော ချင်ရင်၊ တိုင်ပင်ချင်ရင်

တကယ်ကောင်းတဲ့ အကြံဥာဏ်မျိုး ပေးနိုင်မဲ့သူကိုပဲပြောပါ။

မဆိုင်တဲ့သူတွေကိုမပြောပါနဲ့။ စိတ်ပျက် စရာကို ပြောတတ်တဲ့သူတွေကို

ဘယ်တော့မှ မပြောပါနဲ့။ စိတ်ပျက်စရာကိုပြောတတ်တဲ့သူကိုပြောရင်

ကိုယ်ပါစိတ်ဓါတ်ကျမယ်။ စိုးရိမ်စိတ်တွေများလာမယ်။ စိတ်ပင်ပန်းမယ်။

ကိုယ်လုပ်မဲ့ အလုပ်မျိုးကို လုပ်နေတဲ့သူ၊ အတွေ့အကြုံများတဲ့သူမှသာ

ကိုယ့်အခက်အခဲကိုနာလည်မယ်။ ဒါကြောင့်ဘယ်သူနဲ့ တိုင်ပင်တယ် ဆိုတာကို

သေသေချာချာစဉ်းစားပါ။

• အေးအေးဆေးဆေး ပြောတတ်အောင် လေ့ကျင့်ပါ။ အေးအေး

ဆေးဆေးလုပ်တတ်အောင်လေ့ကျင့်ပါ။ အလျင်လိုတဲ့အကျင့်ဟာ စိတ်ပင်ပန်းစေတယ်။

အလျင်လိုနေရင် စိတ်မရှည်ဘူး။ အလျင်လိုနေ တဲ့သူဟာ စိတ်တိုဖို့ပိုများတယ်။

မှားလို့ပြန်လုပ်ရရင် အချိန်ပိုကုန်တယ်။ ဒါကြောင့် ``အရင်လိုရင်

အရနှေးတယ်´´ လို့ပြောတာ။ စိတ်ရှည်ရှည်နဲ့ သေသေချာချာ တိတိကျကျ

လုပ်တတ်တဲ့အလေ့အကျင့်ဟာ ရေရှည်မှာ စိတ်အေးချမ်းမှုကိုပေး တယ် ။

• လတ်တလောအဆင်ပြေအောင်လွယ်လွယ်နဲ့ကတိမပေးလိုက်ပါနဲ့။

ကိုယ့်ကိုသဘောကျအောင် ဘာတွေပေးမယ်၊ ဘာတွေလုပ်ပေးမယ်၊

ဘယ်လိုအခွင့်အရေးတွေပေးမယ် ဆိုတာမျိုးကို မစားရ၀ခမန်း မပြောပါနဲ့။

ကိုယ်ကို အင်မတန်သဘောကောင်း တယ်လို့မြင်စေချင်လို့

ချက်ချင်းဝမ်းသာသွားအောင်မပြောပါနဲ့။ ပြောတုန်းမှာ လွယ်လွယ်နဲ့ ပြောပြီး

တကယ်လုပ်တဲ့အခါ ကိုယ်မတတ်နိုင်ရင် မူလက ကိုယ့် စေတနာမှန်ပေမယ့်လည်း

ကိုယ့်စေတနာကို တဖက်ကယုံမှာ မဟုတ်ဘူး။ အပြောနဲ့

အလုပ်မညီတာတွေများလာတဲ့အခါ ကိုယ့်စကားကို ကြာတော့ ဘယ်သူမှ

ယုံတော့မှာမဟုတ်တော့ဘူး။ တကယ်ပေးနိုင်မှ၊ တကယ်လုပ်ပေးနိုင်မှပဲ ပြောပါ။

ပေးနိုင် တာထက် နည်းနည်းလျှော့ပြောတာကောင်းတယ်။

• အရေးမကြီးတဲ့ ကိစ္စတွေနဲ့ ပတ်သက်ပြီး ညင်းတာခုံတာကို မလုပ်ပါနဲ့။

ဘာမှမဟုတ်တာကို ညင်းခုံကြရင်း ရန်ဖြစ်ရတာ စိတ်ဆင်းရဲရတာတွေ

တော်တော်များပါတယ်။ ဒါကြောင့်အရေးကြီးတဲ့ အလုပ်တွေကို လုပ်နေတဲ့သူဟာ

အရေးမကြီးတာတွေကို ကိုသိတိုင်းလည်း မပြောသင့်ဘူး။

မေးတိုင်းလည်းမဖြေသင့်ဘူး။

• အရေးမကြီးတဲ့ကိစ္စမှာ သူများမှားနေလည်း သူ့အမှားကို သူသိလာအောင်

စောင့်သင့်တယ်။ ကိုယ်မှန်တိုင် ၀င်ပြောပြီး အနိုင်မယူသင့်ဘူး။

နိုင်လို့ရတိုင်းနိုင်ချင်တာဟာ မရင့်ကျက်တဲ့ စိတ်ထားဖြစ်တယ်။

စိတ်ချမ်းသာချင်ရင် ရင့်ကျက်တဲ့စိတ်ထား၊

သဘောထားကြီးတဲ့စိတ်ထားမျိုးကိုမွေးယူရမယ်။

• ဘယ်အလုပါမျိုးဖြစ်ဖြစ် အဆင်မပြေမှုရှိပါတယ်၊ အခက်အခဲရှိပါတယ်။

ဆရာဝန်အလုပ်ခက်သလို၊ ကျောင်းဆရာအလုပ်လည်းခက်ပါတယ်။

ဈေးရောင်းတဲ့အလုပ်ခက်သလို ကားမောင်းတဲ့အလုပ်လည်း ခက်ပါ တယ်။

ကားမောင်းတဲ့အလုပ်က စိတ်ရှည်ဖို့ တော်တော်လိုပါတယ်။ ဆရာဝန်အလုပ်လည်း

စိတ်ရှည်ဖို့လိုပါတယ်။ လူနာရဲ့ အသက်ကို လုနေရတဲ့အခါမျိုးမှာ သေးမင်းနဲ့

ရင်ဆိုင်တိုက်ပွဲလို ဖြစ်နေတဲ့အခါမှာ တော်တော်ပင်ပန်းပါတယ်။ လူနာက

အားကိုး တကြီးနဲ့ကြည့်တဲ့ မျက်လုံရဲ့အဓိပ္ပါယ်ဟာ ဆရာဝန်တွေရဲ့ စိတ်မှာ

ပြင်းထန်တဲ့ ကရုဏာကို ဖြစ်စေတယ်။ ကျောင်းဆရာ၊ ဆရာမတွေကလည်း

စိတ်ရှည်ဖို့လိုပါတယ်။ စာမေးပွဲကျတဲ့ကျောင်းသားရဲ့ စိတ်မှာ

ကိုယ့်ကိုယ်ကို ယုံကြည်မှုမရှိတော့သလိုဖြစ်သွားတာဟာ တော်တော်

သနားစရာကောင်းပါတယ်။ ကိုယ့်တပည့်လေးအောင်ပါ့မလားဆိုပြီး ဆရာတွေ ဆရာမတွေ

သောကဖြစ်ရတယ်။ မိဘတွေ ဆင်းဆင်းရဲရဲနဲ့ သားသမီးကို ပညာတတ်စေချင်လို့

ကျောင်းထားတယ်။ စားမေးပွဲကျရင် ဆက်ထားဖို့မလွယ်တော့ဘူး။

• လူများများနဲ့ ဆက်ဆံရတဲ့အလုပ်တွေက ဆက်ဆံရေးအခက်အခဲ အမြဲရှိပါတယ်။

လူတိုင်းကိုစိတ်ကျေနပ်အောင်ဘယ်သူမှ လုပ်မပေး နိုင်ဘူး။ မကျေနပ်တဲ့သူက

အပြစ်တင်မယ်၊ မကောင်းပြောမယ်။ အဲဒီအခါ စိတ်တိုမယ်၊ ဒေါသဖြစ်မယ်၊

စိတ်ဓါတ်ကျမယ်။ ဒါကြောင့် ကိုယ့်အလုပ်နဲ့ပတ်သက်ပြီး

ဖြစ်နိုင်တဲ့အခက်အခဲတွေကို ကြိုတင်ပြီး တွေးထားပြီးတော့

ဒီအခက်အခဲမျိုးကတော့ တွေ့ရမှာသေချာတယ်၊ ဒီလိုအပြောမျိုးတော့

ခံရမှာသေချာတယ်၊ ဒါကြောင့် အခက်အခဲနဲ့တွေ့ရတဲ့အခါ၊ အပြောခံရတဲ့အခါ

စိတ်မပျက်ဘူး၊ စိတ်မညစ်ဘူ။ စိတ်ရှည်ရှည်ထားမယ်လို့မကြာခဏ

နှလုံးသွင်းပါ။လူတွေပေါ်မှာ တတ်နိုင်သလောက် စိတ်ရှည်ရှည်ထားပါ။

သူတို့ကိုနားလည်ဖို့ကြိုးစားပါ။ ဒေါသအလျောက် နာသွားအောင် မပြောပါနဲ့၊

ကိုယ့်စေတနာက မှားနေရင် ကိုယ့်စေတနာက ကိုယ့်ကိုအကျိုးပေးမှာပါပဲ။ ပြဿနာ

တော်တော်များများဟာ ဆက်ဆံရေးအဆင်မပြေလို့ ဖြစ်ရတာပါ။ တစ်ယောက်

ပြောချင်တာကို တစ်ယောက်ဆုံးအောင် နားမထောင်ရင် တစ်ယောက်ကို တစ်ယောက်

နားလည်မှာမဟုတ်ဘူး။ တစ်ယောက် စကားကို တစ်ယောက် အဓိပ္ပါယ်မှန်အောင်

မကောက်နိုင်ရင် အထင်လွဲတာတွေ ဖြစ်လာမယ်။ ဒါကြောင့် ဆက်ဆံရေး

အဆင်ပြေချင်ရင် တဖက်သား ပြောချင်နေတာကို ဂရုတစိုက် နားထောင်ပါ။

သူ့စိတ်ထဲမှာ ပြောချင်နေတာကို ပြောခွင့်ပေးပါ။ အထူးသဖြင့် အရေးကြီးတဲ့

ကိစ္စပြောမယ်ဆိုရင် အထင်လွဲတာမဖြစ်ဖို့ ပိုပြီးအရေးကြီးတယ်။

သူပြောချင်နေတာကို ပြည့်ပြည့်စုံစုံ ပြောနိုင်အောင် သူ့ကို

မေးခွန်းတွေမေးပြီး ရှင်းခိုင်းပါ။ သူ့အခက်အခဲကို ကိုယ်က ကိုချင်စာပါတယ်

ဆိုတာကို သူသိအောင်ပြောပါ။ တစ်ယောက်ရဲ့ အခက်အခဲကို

တစ်ယောက်ကူညီပြီးနေသွားရတာ ကျေနပ်စရာ သိပ်ကောင်းပါတယ်။ တစ်ယောက်နဲ့

တစ်ယောက် တစ်ကယ် နားလည်မှုရသွားရင် စိတ်သက်သာမှုရတယ်။ ကိုယ့်ဘ၀မှာ

အရေးပါတဲ့သူရဲ့ အထင်လွဲမှုကို ခံရတာ စိတ်ဆင်းရဲစရာ သိပ်ကောင်းတယ်။

ဒါကြောင့် တစ်ယောက်နဲ့တစ်ယောက် အထင်လွဲနေရင် လေးလေးစားစားဆွေးနွေးပါ။

ကနဦးစွာ ဆရာတော် ပြောပြဆုံးမသည့်အတိုင်း လိုက်နာကျင့်သုံးကြည့်တော့

ကျွန်တော်ရင်ထဲ အတော်ပေါ့သွားပါတယ်။ ဒီစာလေးကို ၇ခေါက်၈ခေါက် ဖတ်လိုက်တယ်

အမြဲမှတ်မိနေအောင်ပါ။ ဒေါသတရား ဖြစ်လာမယ့်စိတ်ကို ချုပ်ထိန်းနိုင်ပါတယ်။

ဒါလက်တွေ့ပါပဲ။ လောကီအတွက်ပါ အကြိုးပေးတဲ့ ဆုံးမသြ၀ါဒပါ။

ဝိပဿနာတရားတွေကို အမြဲရှုပွားနေနိုင်ရင်တော့ အကောင်းဆုံးပေါ့။ ဆရာတော်ရဲ့

သြ၀ါဒက ချက်ချင်းစိတ်ကို ငြိမ်းချမ်းစေနိုင်ပါတယ်။

စိတ်ကလေးကြည်လင်နေတဲ့အခါ ခန္ဓာဉာဏ်ရောက်တရားများကို

အားစိုက်နာကြည့်လိုက်ပါ။ ဒါမမဟုတ် ၀ိပဿနာတရားအားထုတ်ကြည့်ပါ။ အင်မတန်ကို

ချမ်းသာသုခ ရနေတဲ့အချိန်ပါ။ ဓမ္မမိတ်ဆွေများလည်း ဆရာတော်

ပြောပြဆုံးမသည့်အတိုင်း လိုက်နာကျင့်သုံးနိုင်ပါစေ။ ဘ၀မှာ

စိတ်အချမ်းသာဆုံးနေနိုင်ကြပါစေ။ တရားအရသာကို နှစ်သက်၍ တရား၌မွေ့လျော်၊

တရားနှင့်ပျော်ကာ ဒုက္ခခပ်သိမ်း ငြိမ်းအေး အောင်နိုင်ပါစေဗျာ။

Ref : သူငယ်ချင်း မောင်ဘဲ(ရေနံ့သာ)၏ ဓမ္မဒါနဖြစ်ပါသည် ... ။

အသည်းနှင့်တည့်အောင်နေပါ

copy from http://www.sitagucenter.org/index.php?option=com_content&view=article&id=306:2010-09-24-13-29-07&catid=71:health
အသည်းဆိုတာ ခန္ဓာကိုယ်ရဲ့ ဓာတ်ခွဲခန်း (သို့) ဓာတုဗေဒ စက်ရုံကြီးဖြစ်ပါတယ်၊ ဇီဝယန္တာရားကြီး ပုံမှန်လည်ပတ်ဖို့အတွက် အစာအာဟာရကို ကုန်ကြမ်းပြုပြီး လိုအပ်တဲ့ ဇီဝပစ္စည်းတွေ ထုတ်လုပ်ပေးပါတယ်၊ ပြီးတော့ ခန္ဓာကိုယ်အတွင်းကို ရောက်လာသော အဆိပ်အတောက်တွေ (ဥပမာ-အရက်နှင့် ဓာတုပစ္စည်းတွေ) ကိုလည်း ချေဖျက်စွန့်ထုတ်ပေး နေပါတယ်။

ဒီတာဝန်ကို အသည်းဟာ အခြားအင်္ဂါတွေနဲ့ ပူးပေါင်းပြီး (၂၄)နာရီ ထမ်းဆောင်ရာမှာ ဇီဝနာရီရဲ့ အချိန်ဇယားအတိုင်း ဆောင်ရွက်နေတယ်လို့ သိရပါတယ်၊ လူတွေဟာ ဒီအချိန်ဇယားနဲ့ လိုက်လျောညီထွေ နေထိုင်စားသောက် အိပ်စက်တတ်ရင် အသည်းလည်း ကျန်းမာမယ်၊ လူလည်း အသက်ရှည်မယ်လို့ ဆိုကြပါတယ်။ လူတွေရဲ့ အချိန်ဇယားနဲ့ အသည်းရဲ့ အချိန်ဇယားဟာ အံမ၀င်ခွင်မကျ ဖြစ်နေရင်တော့ အသည်းလည်း ပျက်စီးလွယ်ပြီး လူလည်းကျန်းမာရေး ထိခိုက်နိုင်ပါတယ်။

ဒီတော့ မိမိအသည်းနဲ့ မိမိ ချိန်ကိုက်ညီ သဟဇာတဖြစ်အောင် ဆင်ခြင်တတ်ဖို့ အသည်းရဲ့ အချိန်ဇယားကို ဖေါ်ပြလိုက်ပါတယ်။

ည(၉)နာရီမှ (၁၁)နာရီ
ဒီအချိန်မှာ အသည်းဟာ လင့်ကျိတ် (Lymph nodes) ကတဆင့် ကိုယ်ခံစွမ်းအားစနစ်နဲ့ အဆိပ်အတောက်တွေကို ချေဖျက်နေတဲ့ အချိန်ဖြစ်ပါတယ်။ လူရဲ့ ခန္ဓာကိုယ်ဟာ အနားယူရမယ့် အချိန်ပါ။ တေးဂီတ၊ တီဗီ၊ ဗီဒီယိုကြည့် အပန်းဖြေရမယ့် အချိန်မျိုး ဖြစ်ပါတယ်၊ အလုပ်ဇောကပ်တဲ့ ယောက်ျားတွေ၊ နေ့မှာ စီးပွားရေးလုပ်ပြီး ညကျမှ အိမ်မှု့ကိစ္စတွေ လုပ်ရတဲ့ အိမ်ရှင်မတွေ ဒီအချိန်အထိ အလုပ်လုပ်နေရတယ်ဆိုရင် အသည်းနဲ့ အချိန်ဇယားနဲ့ လွဲချော်နေပြီဆိုတာ သတိထားသင့်ပါတယ်။

ည(၁၁)နာရီမှ သန်းခေါင်ကျော် (၁)နာရီ
အသည်းဟာ သည်းခြေအိတ်နဲ့အတူ အဆိပ်အတောက်တွေ ဖယ်ရှားနေတဲ့ အချိန်ဖြစ်ပါတယ်၊ ဒီအချိန်မှာ လူဟာလည်း အိပ်စက်အနားယူရမယ့် အချိန်ဖြစ်ပါတယ်၊ ဒီအချိန်ထိ မအိပ်သေးဘဲ ဖျော်ဖြေမှု့တွေနဲ့ ပျော်ပါးနေမယ်၊ စာတွေထိုင်ဖတ်နေမယ်ဆိုရင် ကျန်းမာရေးကို ထိခိုက်နိုင်ပါတယ်။


သန်းခေါင်ကျော်(၁)နာရီမှ (၃)နာရီ
အသည်းထဲမှာ အဆိပ်အတောက်တွေ ချေဖျက်နေတဲ့ အချိန်ဖြစ်ပါတယ်၊ ခန္ဓာကိုယ်ဟာလဲ နှစ်နှစ်ခြိုက်ခြိုက် အိပ်မောကျနေရမယ့် အချိန်ဖြစ်ပါတယ်။

နံနက်(၃)နာရီမှ (၅)နာရီ
အသည်းဟာ အဆုတ်မှ တဆင့် အဆိပ်အတောက်တွေ ဖယ်ရှားနေတဲ့ အချိန်ဖြစ်ပါတယ်၊ ဒီအချိန်မှာ ချောင်းဆိုးကြတာဟာ သလိပ်နဲ့အတူ အဆိပ်အတောက်တွေကို စွန်ထုတ်နေတာမို့ ချောင်ဆိုးပျောက် ဆေးတွေမသောက် သင့်ဘူးလို့ ဆိုထားပါတယ်။

နံနက်(၅)နာရီမှ (၇)နာရီ
အသည်းဟာ အူမကြီးမှတဆင့် အဆိပ်အတောက်တွေကို စွန့်ထုတ်နေပါတယ်၊ ဒါကြောင့် အိမ်သာတက်၊ ဆီး၊ ၀မ်းသွားတာ အကျင့်ဖြစ်နေဖို့ လိုပါတယ်၊ ဒီအချိန်မှာ အိမ်သာမတက်၊ မစွန့်ထုတ်ဖြစ်သေးရင် ခန္ဓာကိုယ်ရဲ့ စွန့်ပစ် ပစ္စည်းတွေ (မြန်မာလို အပုပ်အစပ်တွေ)ကို သိမ်းဆည်း သိုလှောင်ထားသလို ဖြစ်နေပါလိမ့်မယ်။

နံနက်(၇)နာရီမှ (၉)နာရီ
အူသိမ်ထဲက အစာအာဟာရတွေကို အသည်းက စုပ်ယူနေတဲ့ အချိန်ဖြစ်ပါတယ်၊ ဒီအချိန်မှာ အူသိမ်ထဲမှာ အစာသစ် ရှိနေရမှာဖြစ်လို့ နံနက်ခင်းစာ (breakfast)ကို စားထားပြီး ဖြစ်နေသင့်ပါတယ်၊ မကျန်းမာသူဆိုရင် နံနက် (၆နာရီခွဲ) ကတည်းက စားထားရမယ်လို့ ဆိုပါတယ်။ အိပ်ယာထနောက်ကျလို့ (၉)နာရီ ကျော်မှ နံနက်ခင်းစာ စားရင်လည်း မိမိအကျင့်နဲ့ ဇီဝနာရီ အချိ်န်ဇယား လွဲချော်နေပြီလို့ မှတ်ယူရပါတယ်။


ဒီတော့ အသည်းကို ပျက်စီးစေမယ့် အမူအကျင့်တွေကို ပြောရမယ်ဆိုရင်--
- ညဉ့်နက်မိုးချုပ်တဲ့အထိ အလုပ်လုပ်တာ၊ ညဉ့်နက်သန်းခေါင်အထိ မအိပ်သေးတဲ့ အကျင့်ဟာ မကောင်းပါဘူး။
- သန်းခေါင်ကျော်အချိန်မှ နံနက်(၄)နာရီ အတွင်းမှာ ရိုးတွင်းခြင်ဆီက သွေးအသစ်ထုတ်လုပ်တဲ့ အချိန်မို့ ဒီအချိန်ထိ မအိပ်သေးရင် ပိုဆိုးပါတယ်၊
- နံနက်စောစောမထဘဲ အိပ်ယာထနောက်ကျလို့ အိမ်သာစောစော မတက်ဖြစ်တာ၊ နံနက်စာကို မစားဖြစ်တတ်ကြတာတွေဟာလဲ ကျန်းမာရေးကို ထိခိုက်ပါတယ်။
- အစားကြူးတာ၊ အရက်၊ ဆေးလိပ်နဲ့ မလိုဘဲ ဆေးဝါးနဲ့ ဓာတုပစ္စည်းတွေ၊ ရောင်ခြည်ပစ္စည်း၊ အနံ့ အရသာ အပိုဆောင်း (ဥပမာ-ဟင်းချိုမှုန့်) ပါတဲ့ အစားအစာတွေဟာ အသည်းကို တာဝန်ပိုစေပါတယ်၊ တာဝန်ပိစေပါတယ်။
- မသန့်တဲ့ ဆီတွေနဲ့ ကြော်လှော်ထားတဲ့ အစားအစာတွေဟာ အသည်းနဲ့မတည့်ပါဘူး။ (သံလွင်ဆီဟာ အသည်းအတွက် အသင့်တော်ဆုံးလို့ ပြောကြပါတယ်) ဟင်းသီးဟင်းရွက်တွေကို ပဲဆီသန်သန့်လေးနဲ့ ကြော်မယ်ဆိုရင်လဲ အကျက်မလွန်စေပါနဲ့၊ ကြော်ထားတဲ့ အသီးအရွက်တွေကိုလဲ တစ်ခါတည်းနှင့် အပြတ်စား၊ ကျန်တာကို သိမ်းပြီးနောက်မှ တစ်ခါ ပြန်စားတာဟာလဲ ကျန်းမာရေးနှင့် မသင့်တော်ဘူးလို့ မှတ်သားရပါတယ်၊ ကိုယ့်အသည်းနဲ့ ကိုယ်တည့်အောင် နေတတ်ဖို့ လိုပါတယ်၊ ကျန်းမာလိုသူတိုင်း ကိုယ့်အသည်းနှင့်ကိုယ် တည့်အောင်နေနိုင်ကြပါစေ လို့ဆန္ဒပြုလိုက်ပါတယ်။

Saturday, January 28, 2017

စိုးရိမ်စိတ်ကို ဖယ်ရှားခြင်း


"သေခါနီး ဝေဒနာ ခံစားရပုံ"

သေတယ်ဆိုတာ အခုအကောင်းကြီးမြင်နေလို့ 
အကောင်းမတွက်နဲ့ ။ အကောင်းကြီးနဲ့ တွက်ရင်တော့
မှားလိမ့်မယ်။ သေခါနီး ပုဂ္ဂိုလ်တစ်ယောက်ကို
ယပ်တောင်သွားမခတ်နဲ့ ၊ ဓားနဲ့ ခွဲသလိုပဲ ။
စကားသွား မပြောနဲ့ နားကို စူးနဲ့ ထိုးသလိုပဲ။
ဒါ ဦးဇင်း မှတ်တမ်းတွေလည်း ရှိပါတယ်။

သေခါနီးအခါကျတော့ သေတဲ့ ပုဂ္ဂိုလ်
ဘယ်လိုခံစားရသလဲဆိုရင် သေတယ်ဆိုတာ
သီတတေဇော၊ ဥဏှတေဇော အပြန်အလှန် မဖလှယ်
တော့တာကို ခေါ်တာ။

ဘယ်ရောဂါနဲ့ ဘယ်လိုပဲသေသေ
ဓာတ်လေးပါး ပြိုကွဲမှ သေလို့ ရတယ်။
ဓာတ်လေးပါး ပြိုကွဲဖို့ က အပူအအေး
မဖလှယ်တော့တာကို ဆိုလိုတာ။

ခုထွန်းထားတဲ့ မီးဟာ ပူတလှည့် အေးတလှည့် ၊
တစ်ကြိမ်ပူပြီးရင် တစ်ကြိမ်အေးတာ၊
တောက်လျှောက်သာ ပူသွားရင် လောင်သွားမှာပေါ့။
ပူတလှည့် အေးတလှည့် ပတ်နေတာ။
ခင်ဗျားတို့ ကျုပ်တို့ ရုပ်တွေလည်း ပူတလှည့်
အေးတလှည့် မရှိဘူးလား။

ပူတလှည့် အေးတလှည့် ၊
တင်းတလှည့် တောင့်တလှည့်၊
ထုံတလှည့် ကျင်တလှည့်၊
တွန်းတလှည့် ကန်တလှည့် ၊
ယိုတလှည့် ဖွဲ့ တလှည့်၊
အဲလို အပြန်အလှန်ဖြစ်နေမှ
ဓာတ်လေးပါး မျှတတယ်ခေါ်တယ်။

အဲဒီ ဓာတ်လေးပါးမှာ ဓာတ်သုံးပါးကို
ဦးဆောင်တာက တေဇောဓာတ် က ဦးဆောင်တယ်။
သေခါနီးလူ သွားကြည့်ရင် ဘာတွေ့ လဲ၊
သွေးသွားစမ်းကြည့်ရင် ဒီပုဂ္ဂိုလ်
သွေးဆုတ်ပြီ ဆိုရင် သေပြီပေါ့။
သွေးဆိုတာက တေဇောဓာတ်၊
အပူဓာတ်လို့ ခေါ်တယ်၊
သွေးမလျှောက်တဲ့ နေရာ အေးတာပဲ။

အဲတော့ သေပြီဆိုတဲ့ ပုဂ္ဂိုလ်ဟာ ပူပြီးရင် အေး၊
အေးပြီးရင် မပူတော့ဘဲနဲ့  အပူဓာတ်ဖြစ်တဲ့
သွေးတွေဟာ ခန္ဓာ ကိုယ်ရဲ့ ခြေဖျား လက်ဖျား
ခေါင်းဖျားကနေ တဖြည်းဖြည်းနဲ့ ဗဟိုချက်
နှလုံးကို လာစုခဲပါတယ်။

အပူခဲတာ တချို့ မသေခင်
အရေပြားတွေ လောင်မနေဘူးလား။
မသေသေးဘူး၊ လောင်နေတာ၊
အပြင်ကမီးနဲ့ ခန္ဓာက မီးနဲ့ အတူတူပဲ။

အခုယောဂီတို့ က အပူအအေး ဖလှယ်မျှတနေလို့ ။
တချို့ အပူချိန် ၁၀၄ လောက်ဆို
ကယောင်ကတမ်း ငန်းဖမ်းမလာဘူးလား။
အဲဒါ အပူ၊ မသေသေးဘူး။

အဲလောက် အဟုန်ရှိတဲ့ အပူတွေဟာခေါင်းဖျား
ခြေဖျား လက်ဖျားကနေ စုလာပြီးတော့
နှလုံးအိမ်ရောက်ရော။ နှလုံးအိမ်ကို အပူတွေ
စုခဲတော့ နှလုံးက ဘာဖြစ်သွားလဲ၊
ကျွတ်ကျွတ်ဆူအောင် လောင်မြိုက်တော့တာပေါ့။

ရေနွေးအိုးကို မီးများများထိုးသလို
ဆူပွတ်မလာဘူးလား။ သေခါနီးပြီဆိုတဲ့သူဟာ
ဓာတ်လေးပါး ပြိုကွဲဖို့ ရာ အပူတေဇောက
နှလုံးအိမ်ကို စုတော့ မီးတွေ ခဲလာတယ်။

ကဲ ခင်ဗျားတို့ စိတ်ကလေး ရေနွေးအိုးတည်သလို
အထိုးခံရပြီ ဆိုရင် ဘယ်နှယ့်နေမလဲ။
ချမ်းသာပါ့မလား၊ အဲဒါက ဥဏှတဇော။
နှလုံးအိမ်ထဲကို မီးခဲနဲ့ ထိုးသလို ခံရပါပြီ။
ပေါ့ပေါ့လျှော့လျှော့နဲ့ တော့ မတွက်ကြနဲ့ ။
အကောင်းဘက်နဲ့ မတွက်ကြနဲ့။

သေခါနီးတော့ အားရှိသေးလား။
အာဟာရတွေ ပြတ်ပြီ။ ခင်ဗျားတို့ ထမင်း မစားဘဲ
နှစ်ရက်နေကြည့်စမ်း။ အာဟာရအကုန်ပြတ်တော့
အားအင်တွေ အကုန် ကုန်ခမ်းနေတဲ့ ရောဂါ၊

အားအင်တွေ ပြတ်တောက် နေတော့
တော်လှန်နိုင်သေးလား၊ ရေလည်း
မသောက်နိုင်တော့ဘူး၊ ထမင်းလည်း မစားနိုင်တော့
အားအင်တွေ ကုန်ခမ်း ရက်စက်တဲ့ ရောဂါကလည်း
ပြင်းထန်တဲ့အချိန်၊ အဲဒီလို တွက်ရမှာ
ဒီလို အကောင်းကြီးတွေ ရှိမယ်များ မတွက်နဲ့ ။

အဲတော့မှ အပူနှုတ်လိုက်တော့
အအေးကျန်တယ်တဲ့။ ပူတာနဲ့ အေးတာ
ဘယ်ဟာက ပြင်းထန်လဲ။
ပူတာက ပြင်းထန်တယ်ဆိုရင်
ရေခဲတိုက်ထဲ သွားနေကြည့်ပါလား။

အေးတာရော ချမ်းသာရဲ့ လား။
ဒီဆောင်းတွင်း အေးလိုက်တာကွာ`
အရိုးကွဲမတက်ဘဲ လို့ မပြောဘူးလား။
အေး မှတ်ထား၊ သေခါနီး အရိုးကွဲတာပဲ။

ဥဏှတေဇော အပူက နှလုံးအိမ်စုပြီးတော့
အပြင်မှာ သီတတေဇော
အအေးဓာတ် မကျန်ဘူးလား။
အရိုးတွေကို ပလာယာနဲ့ ညှပ်နဲ
့တူပေါ်တင်ပြီး တစ်ချောင်းချင်း ခွဲနေသလို။
ဦးဇင်းက ခံစားပြီး ပြောတာ။

ဒီစိတ်ရဲ့ ပါဝါ အပူအအေးကို
ဒီစိတ်နဲ့ ပြောင်းလွဲကြည့်တာ။
ပြောင်းလဲကြည့်တဲ့အခါကျတော့
စိတ်ရဲ့ ပါဝါ ဇီးရိုးထိ ကိုယ့်ဘာသာ
ချကြည့်တဲ့အခါကျတော့ ချက်ချင်း ရှိန်းဆို
တခါတည်း အပူဓာတ်တွေ နှလုံးအိမ်မှာ
စုပြီးတော့ အပြင်မှာ အေးတာ။

ဘယ်လောက်ထိလဲဆိုရင် ဆက်ပြီးတော့
ချရင် သေများသေတော့မယ်။
အရိုးတွေက ခွပ်ကနဲ ခွပ်ကနဲ ကျွတ်ကနဲ
အဲလို ခံစားနေရတယ်။ ဒါ ကိုယ့်ဘာသာကိုယ်
စိတ်နဲ့ တရားနဲ့ လုပ်ကြည့်တာ။ သီတတေဇော
အအေးဓာတ်ရဲ့ သဘောကလည်း အရိုးတွေ
အက်ကွဲမတက် ခံစားရတယ်။

ဒီနှလုံးအိမ်မှာလည်း အပူဓာတ်က
တ၀ုန်းဝုန်းဆူအောင် ခံစားရတယ်။
တခါ နားထဲကပါ တ၀ူးဝူးနဲ့ ကြားနေရတယ်။
နှလုံးသွေးတွေ ဆူပွက်တာ။ ဆက်သာ လုပ်ရင်
သေသွားမလား အောက့်မေ့ရတယ်။

အဲဒီတော့မှ သီတတေဇောနဲ့ ဥဏှတေဇော
မဖလှယ်တော့မှ ကျန်တဲ့ ဓာတ်တွေက ပြိုကွဲသွားတော့၊ တွန်းတာနဲ့ ကန်တာ မလျှော့ဘူးဆိုရင် ဘာဖြစ်သွားမလဲ ၊ တောင့်တင်းပြီး ပြတ်ထွက်မသွားဘူးလား။

သေခါနီးတော့ တွန်းတာကလည်း ဆက်တွန်းတော့မယ်၊ ကန်တာကလည်း ဆက်ကန်တော့မယ်ဆိုတော့ ဟောဒီခန္ဓာကိုယ်ကြီးကို အ၀တ်ရေညှစ်သလို လိန်ညှစ်နေသလိုပဲ ၊ တွန်းတဲ့ ၀ါယောကလည်း
ဆက်တွန်း နေသလို ကန်တဲ့ ၀ါယောကလည်း ဆက်ကန်နေတော့မယ်ဆိုရင် လိန်ညှစ်မလာဘူးလား။

သေတဲ့သူ သွားစမ်းရင် တောင့်တောင့်ကြီး ဖြစ်မနေဘူးလား။ အဲဒါ အညှစ်ခံထားရတာ။ အဲဒီလို လိန်ညှစ်မတက် ပြတ်ထွက်မတတ် ခံစားရသလို၊ အဲဒိလိုညှစ်တော့အထဲထဲမှာရှိတဲ့ ရေတွေက ထွက်မလာဘူးလား။

ခန္ဓာကိုယ်က ထွက်တဲ့ ချွေးဟာ
ခင်ဗျားတို့ ကြည့်တော့ ဇီးကင်းလောက် ရှိတယ်၊
ဟိုမှာတော့ မချိမဆန့် ခံစားနေရတယ်။
ချွေးတစ်ပေါက် ထွက်လာတာဟာ
သံချောင်းတုံးတုံးကြီးနဲ့ အသားတွေကြားထဲက
ဖြတ်ထွက်လာသလို ခံစားရတယ်။

ချွေးပေါက်တစ်ပေါက် အပြင်ရောက်လာဖို့ ဟာ
အသားတွေကို အမျှင် အမျှင် ဖြတ်ထွက်လာရတယ်။
အဲလိုထွက်လာတော့ မခံနိုင်ဘူး။
တစ်ဖက်ကလည်း လိန်ညှစ်နေတယ်၊
တစ်ဖက်ကလည်း နှလုံးကို
သွေးပွက်ပွက်ဆူအောင် ပူနေတယ်။

အရိုးတွေက ကွဲမတက်လည်း ဖြစ်နေ တယ်၊
အသားထဲက ဆူးနဲ့ ထိုးသလိုလည်း
ချွေးတွေ ထွက်နေတယ်။
ချွေးက တစ်ပေါက်တည်းလား၊
ပြည့်နှက်နေလား၊ ခန္ဓာကိုယ်တစ်ကိုယ်လုံး
သံချောင်းတွေနဲ့ ထိုးနေသလိုပဲ။

အဲဒီက ချွေးပေါက်တစ်ပေါက် က
စီးလာတယ်ဆိုတာက အသားကို တုတ်နဲ့ 
တဖြည်းဖြည်းချင်း ခြစ်ချနေသလို ခံစားရတယ်။
သဘောပေါက်ပြီလား။

အဲဒီသေဘေးနဲ့ ကြုံလာရင်
ချမ်းသာဖို့ လိုပါသည်။
သူဋ္ဌေးကြီး မဖြစ်ရင် နေပါစေ ၊
အသေတတ်ဖို့ လိုပါသည်။

အာဏာရှိကြီး နာမည်ကျော်ကြီး
မဖြစ်ရင်နေပါစေ ၊
အသေတတ်ဖို့ လိုပါသည်။
တရားစခန်းမှာ ဘာလာယူတာလဲ၊
အသေတတ်မယ့် ပညာလာယူတာ။

သေတယ်ဆိုတာ ဟောဒီရုပ်ကြီး ပြင်းထန်စွာ
နှိပ်စက်တာ။ ပြင်းထန်စွာ နှိပ်စက်တဲ့အခါမှာ
ဆောက်တည်ရာ မရအောင် ဖြစ်နေတဲ့ စိတ်ကလေးက ချုပ်ငြိမ်းပြီးတော့ ချမ်းသာစွာ သေနိုင်ဖို့  တရား လိုတယ်။

(အောင်လံဆရာတော်ကြီး အရှင်စန္ဒိမာ
ဟောကြားသော နိဒါန်းတရား တရားတော်မှ)
Photo-တိုက်ခွဲ(၃၂)သဲအင်းဂူဝိပဿနာဓမ္မရိပ်သ

မေတ္တာဖြင့်
_/\_ _/\_ _/\_
Credit to Lwin Oo Ko

သဘောသက်သက် ကိုမြင်တဲ့အခါမှာ

တရားအားထုတ်တာ အရှိန်ရသွားတဲ့လူတွေကြတော့ လက်တွေ ခြေတွေ ခေါင်တွေဆိုတာ လည်းပျောက်သွားတယ်။ ဒါကို အာရုံမပြုမိတော့ဘူနော် နာတဲ့ သဘောသက်သက၊ ညောင်းတဲ့ သဘောသက်သက်၊ ပူတဲ့ သဘောသက်သက်၊ အေးတဲ့ သဘောသက်သက်၊ ကိုက်တဲ့ သဘောသက်သက် အဲသလို သဘောသက်သက် ကိုမြင်တဲ့အခါမှာ ပုဂ္ဂိုလ်၊သတ္တဝါဆိုတာ ပျောက်သွားပြီး နာမည်လည်းတပ်လို့မရတော့ဘူး။ အဲလိုအခါမှာ ပုဂ္ဂိုလ်၊ သတ္တဝါ မဟုတ်တော့ပဲနဲ့ သူ့သဘောသက်သက်လို့ သိလိုက်ရတာ အလွန်ထူးဆန်းတယ်။ ပူတာ အေးတာ ကမထူးဆန်းဘူးနော်။

ပြောပါများရင်တော့ ကြားပါများရင် ရိုးသွားတယ်နော်။ တကယ်ကိုယ်ဟာကို သိနေရတဲ့သူ ကြတော့ ဘယ်တော့မှ မရိုးဘူး။ သိတဲ့ဉာဏ်က အမြဲတမ်းအသစ်အသစ် ဖြစ်နေတယ်။ တစ်ခါသိပုံနဲ့ နောက်တစ်ခါသိပုံ မတူဘူး။ ပိုပြီး နက်နဲလာတယ်။ ပိုပြီး သိမ်မွေ့လာတယ်။ အဲဒီလို အရှု့ခံဖြစ်တဲ့ ရုပ်ရဲ့သဘော၊ ဝေဒနာရဲ့သဘောကို ကြည့်ရင်းကနေ အဲဒီ ရုပ်တို့ ဝေဒနာတို့ကို သိနေတဲ့စိတ်ကိုပါ ပြန်ကြည့်လို့ရတယ်နော်။ တရားအားထုတ်နေတဲ့စ်ိတ်ကိုပဲ ပြန်ရှု့မှတ်လို့ရတယ်။ ဝိပဿနာစိတ်ကို ပြန်ပြီးတော့ ဝိပဿနာ ရှု့တာပဲနော်။

ဝိပဿနာစိတ်ကို ပြန်ပြီး ဝိပဿနာ ရှု့နိုင်လို့ရှိရင် ဝိပဿနာက ပိုပြီး အားကောင်းလာတယ်။ ပိုပြီး တော့ပြည့်စုံလာတယ်။ သို့မဟုတ်ရင် တခါတရံ ဘယ်လိုထင်သလဲဆိုတော့ ဒီလို ရှင်းရှင်းလင်းလင်း ပိုင်ပိုင်နိုင်နိုင် သိနေတာ ငါသိတာပဲ ဒါငါဉာဏ်ပဲလို ထင်နေတယ်။ အဲဒီ ရှု့မှတ်နေတဲ့၊ သိနေတဲ့ အဲဒီ ဝိပဿနာဉာဏ်ကိုပဲ ပြန်ကြည့်တဲ့အခါ ရှင်းရှင်းလင်းလင်း သိနေတဲ့သဘောလေး ဆိုတာကို သိလာတယ်။ တခါတလေ မရှင်းတာကိုလည်း သိလာတယ်။ အာရုံတစ်ခုပေါ်လာတယ်။ အဲဒီ အာရုံကို ရှု့မှတ်တဲ့စိတ် ဖြစ်တယ်။ အဲဒီ အာရုံကိုရှု့မှတ်တဲ့စိတ်ကို ပြန်ပြီး ရှု့မှတ်တယ်။

အဆင့်ဆင့်သွားတယ် ဒီင်္လိုပြောလိုက်ရင်တော့ မလွယ်ဘူးလို့ ထင်နေမှာပဲနော်။ စိတ်ပါလက်နဲ့ ပျော်ပျော်ရွှင်ရွှင် သေချာ လေးလေးစားစား လုပ်ကြည့် ကြာကြာလုပ်ရင် သူဟာသူဖြစ်လာမှာပါနော်။ ဒီလောက်မခက် ပါဘူး။ …

(ဆရာတော် ဦးဇောတိက)

ပေးကမ်းခြင်းနဲ့ ပေးကမ်းနည်း မသိ၍သာ ဆင်းရဲသည်​

ဆင်းရဲသားတစ်ယောက်က ဘုရားရှင်ကိုမေးတာ" ဘာဖြစ်လို့ကျွန်တော်မျိုးဟာ မွဲတေဆင်းရဲနေရတာလည်း"ဘုရား
ဘုရားရှင်က ပြောပါတယ်။ သင်ဟာ" ပေးကမ်းခြင်းနဲ့ ပေးကမ်းနည်းကို မသိလို့ပါပဲ။

ဆင်းရဲသားက ပြန်ပြောတာ ကျွန်တော်မျိုး" မှာ.....ပေးကမ်းစရာ ဘာမှမှ မရှိတာ.....ဆိုတော့" မြတ်စွာဘုရားရှင်က သင်ပေးတာ" သင့်မှာ ရှိနေတာတွေ မနည်းပါဘူး။

မျက်နှာ- အပြုံးတွေပေးစွမ်းနိုင်တယ်။
လန်းဆန်းမှု-တက်ကြွမှု-ရွှင်လန်းမှုတွေ ပေးစွမ်းနိုင်တယ်။
ပါးစပ်- - သင်"သူတပါးကို ချီးမွမ်းစကားတွေ-အားပေးစကားတွေ-မင်္ဂလာရှိ ကောင်းမွန်တဲ့စကားတွေ ပြောပေးလို့ရနိုင်တယ်။
-နှလုံးသား -တပါးသူကို ရင်ဖွင့်ပြနိုင်တယ် စစ်မှန်ခြင်းတွေ "ဖြူစင်ရိုးသားမှုတွေ"နဲ့ မေတ္တာတရားတွေ ပေးစွမ်းနိုင်တယ်။
မျက်လုံး- တပါးသူကို ကောင်းမွန်တဲ့ စေတနာအမြင်နဲ့ မြင် ကြည့်လို့ရတယ်
နွေးထွေးဖော်ရွေးတဲ့ အကြည့်နဲ့ ပေးစွမ်းနိုင်တယ်"
ကိုယ်ခန္ဓာ-သူ့ကိုအသုံးချပြီး သူတပါးကို ကူညီနိုင်တယ်
ဒါကြောင့် သင်ဟာ မဆင်းရဲပါဘူး။ စိတ်ထဲက နှိမ့် ကျဆင်းရဲခြင်းတွေက သာလျင် ဆင်းရဲခြင်းအစစ်ဖြစ်တယ်။

ချစ်ခြင်းမေတ္တာတွေ ပေးလွတ်လိုက်တဲ့အခါ ချစ်ခြင်းမေတ္တာတွေ ပြန်ရောက် လာမယ် သူတပါးကို ကူညီလိုက်တဲ့ အခါ ကူညီမှုတွေက ပြန်ရောက်လာမယ်
ပျော်ရွှင်မှုတွေပေးလိုက်တဲ့အခါ ပျော်ရွှင်မှုတွေကပြန်ရောက် လာတတ်တယ်။ ဒါဟာ အကျိုးနဲ့အကြောင်း ဖြစ်သလို လောကကြီးရဲ့ သဘာဝပဲ ပေးဆပ် လေလေ ရရှိလေလေပါပဲ။

သတိနဲ့နေတဲ့ အကျင့်မျိုးရလာတဲ့အခါမှာ



ကိုယ့်စိတ်ကိုယ်ကို ဆုံးမဖို့ လိုတယ်

++++++++++++++++++++

ကိုယ့်စိတ်ကိုယ်ကို ဆုံးမဖို့ လိုတယ်။ ကိုယ့်စိတ်ကိုယ်ကို ဆုံးမချင်ရင် ကိုယ့်စိတ်ကိုယ်ကို သိဖို့လိုတယ်။ စိတ်ဆိုတာ ကြမ်းတမ်းတာကနေ စပြီးသိဖို့လိုတယ်။ အင်မတန်ကြမ်းတမ်းတဲ့ လောဘစိတ်၊ ဒေါသစိတ် ဒီလိုကနေ စသိလိုက်ဖို့။ ကြမ်းတမ်းတဲ့စိတ် မရှိတဲ့အခါမှာ သိမ်မွေ့တဲ့စိတ်ကို ပြန်ကြည့်တဲ့အခါ နည်းနည်းတော့ခက်တယ်။ နည်းနည်းတော့ ခက်နေလို့ရှိရင် အဲဒီအခါမှာ စိတ်ကိုမသိနိုင်ရင် ခန္စာကိုမှာရှိနေတဲ့ sense တစ်ခုခု လှုပ်ရှားမှု့သဘောလေးတွေ၊ တုန်ခါမှု့သဘောလေးတွေ၊ ပူမှု့အေးမှု့သဘောလေးတွေ၊ ဝေဒနာသဘောလေးတွေ သိနေဖို့လို့တယ်။

စိတ်ကိုအရမ်းလွတ်ထားရင် သူတွေးချင်ရာတွေးတော့တာပဲ တွေးတာများသောအားဖြင့် ပြောရရင် အကုသိုလ်ဘက်ကိုပဲ တွေးတာများတယ်။ အကုသိုလ်ဆိုပေမဲ့လည်း ကြီးမားတဲ့ဒုစရိုက်မှုမျိုးကို မဆိုလိုဘူးနော်။ ဒုစရိုက်ပင် မဟုတ်သော်လည်း အကုသိုလ်သဘောလေးတွေက အငယ်လေးတွေအများကြီး ဖြစ်နေတယ်။ မနောကံ တွေဖြစ်နေတယ်။

တစ်ခုခုကို လိုချင်တယ်။ တစ်ခုခုကို မကျေနပ်ဘူး။ သိမ်သိမ်မွေ့မွေ့လေးတွေက တနေ့လုံးဖြစ်နေတယ်။ မသိလို့သာ သတိမထားမိရင် မသိတာနော်။ အဲဒီတော့ မသိမသာဖြစ်နေတဲ့ စိတ်လေးတွေကို မမြင်တတ်သေးဘူးဆိုရင် ရုပ် သို့မဟုတ် ဝေဒနာတစ်ခုခုကို သိအောင်သတိလေး ကပ်ထားပါ။ ဘယ်နေရာကစစ စလိုရပါတယ်။ ကိုယ့်အတွက် လွယ်ကူတာ၊ ကိုယ့်အတွက် ထင်ရှားတာကို စပြီးလုပ်ပါ။ သတိနဲ့နေတဲ့ အကျင့်မျိုးရလာတဲ့အခါမှာ ဘာမှမလုပ်ဘဲနေတဲ့အခါမှာလည်း ခန္စာမှာဖြစ်တာ စိတ်မှာဖြစ်တာတွေကို သိပြီးတော့နေတယ်။ ဒါအင်မတန် တန်ဖိုးရှိတဲ့ အလုပ်ပဲ…

(ဆရာတော် ဦးဇောတိက)

Sunday, September 11, 2016

"ဝိပဿနာဆိုတာ မခက်ပါ"

"ဝိပဿနာဆိုတာ မခက်ပါ"
••••••••••••••••••••••
ဝိပဿနာ စတင်ကျင့်ကြံအားထုတ်ကြမဲ့ ဓမ္မမိတ်ဆွေ တို့ အတွက် ဝိပဿနာ နဲ့ ဆိုင်တဲ့ ကျိုးစားအားထုတ်ပုံအမျိုးမျိုး တို့ အပြင် တရားအားထုတ်ကြရာ၌ ကြုံတွေ့ ရမဲ့ အခက်ခဲတွေ စသည်အားဖြင့် လက်လှမ်းမှီသလောက်ရှာဖွေ၍ ဓမ္မဒါနပြုခဲ့ပါသည်။
အမှန်တိုင်း ပြောရရင် ဓမ္မမိတ်ဆွေတို့ဟာ ဝိပဿနာ ကို စပြီး မလုပ်ကြည့်သေးလိုပါ။
တကယ်တန်းလက်တွေ့ လုပ်ကြည့်လိုက်တဲ့အခါမှာ အကျင့်ဖြစ်သွားပြီဆိုရင်ဖြင့် နေ့စဉ် တရားမထိုင်ရသေးပါက တစ်ခုခုလိုနေသလိုလို၊ အကြောင်းကိစ္စ တစ်ခုခုရှိလို့  တစ်ရက်လောက် ပျက်ကွက်လိုက်ရင်တောင်မှ အပြစ်တစ်ခုခုရှိသလိုတောင် ခံစားမိမှာပါ။
အဲဒီလို လုပ်ကြည့်တဲ့အခါ ဝိပဿနာ အားထုတ်ပုံ ဟာ အခက်ကြီး မဟုတ်ပါလားဆိုတာ သိလာကြမှာပါ။
ဓမ္မမိတ်ဆွေတို့ ဝိပဿနာအားထုတ်စေချင်တဲ့ စေတနာဖြင့် ဖတ်ရှုထားသမျှကို ပိုမိုပြီး အဓိပ္ပါယ်ရှင်းလင်း နားလည်စေရန် ထပ်မံ၍ ကုသိုလ်ပြုရာ " ကိုသိန်းနိုင်အုန်း ရဲ့  ဖေစဘုတ် စာမျက်နှာမှ ဝိပဿနာဆိုတာ မခက်ပါ ဆိုတဲ့ ရေးသားဖေါ်ပြထားတာ ကို ကောက်နှုတ်ပြီး ထပ်မံကုသိုလ်ပြုလိုက်ပါတယ်။
( ခန္ဓာ-၅ပါးတစ်ဦး )
ဝိပဿနာ ဆိုတာ ဘာလဲလို့ ဆရာတော်ကြီးတွေက အမျိုးမျိုး ဥပမာ ပေးကြပေမဲ့ ...အလွယ်ဆုံးမှတ်ယူရရင်..
"ခန္ဓာ" ရဲ့ အရှိ ကို "ဉာဏ်" နဲ့ သိအောင် လုပ်တဲ့ အလုပ်ဟာ "ဝိပဿနာ"ပါ။
ဗုဒ္ဓတရားတော်အရ သက်ရှိသတ္တဝါ တွေမှာ ရုပ် နဲ့ နာမ်ပဲ ရှိပါတယ်။
အမည်နာမတွေ ဘယ်လိုဘဲ ခေါ်ခေါ်၊ သက်မဲ့အရာဝတ္ထုတွေ မှာ ရုပ်ပဲ ရှိပါတယ်။ ဝိပဿနာတရား ရှုပွားအားထုတ်တဲ့အခါ ဘယ်နည်းနဲ့ပဲရှုရှု၊ ရှုချင်တဲ့ နည်းနဲ့ရှုပါ။ ဝိပဿနာ ရဲ့ အရှုခံ အာရုံသည် "ရုပ်ဖြစ်ရင်ဖြစ်" မဖြစ်ရင် "နာမ်ဖြစ်" ရပါမယ်။
"ရုပ်နာမ်"ကို ဖယ်ထားပြီးတော့ ဝိပဿနာ ရှုလို့ မရပါဘူး။
ဘယ်နည်းနဲ့ပဲ ရှုရှု၊ အရင် စသိမယ့် ဉာဏ်က..ပဲ ရုပ်နာမ်ပိုင်းခြားသိတဲ့ "ဉာဏ်"ဖြစ်ပါတယ်။ ပါဋ္ဌိ လို ခေါ်တော့...နာမရူပ ပရိစ္ဆေဒဉာဏ် (ရုပ် နာမ် ခွဲခြားသိသောဉာဏ်) ပါ။
အဲဒါကြောင့် ဝိပဿနာ ရှုတဲ့အခါ အရှုခံအာရုံအဖြစ် ထားရမှာက "ရုပ် သို့မဟုတ် နာမ်"ဖြစ်ရမယ်ဆိုတာ ဦးစွာသဘောပေါက်ဖို့ လိုပါတယ်။
ပုထုဇဉ်လူသားဆိုတာက လည်း နတ်တွေ ဗြဟ္မာတွေ လို မဟုတ်ပဲ၊ အဲဒီ ရုပ် နဲ့ နာမ်နှစ်ပါးမှာ နာမ်တရားထက် ရုပ်တရားက ပိုပြီးထင်ရှားနေတော့ စပြီး ရှုတဲ့အခါ ရုပ်တရားကို အရှုခံ ထားပြီး ရှုတာက ပိုကောင်းပါတယ်လို့ အကြံပေးပါတယ်။
ဝိပဿနာဆိုတာ ရုပ်နာမ်မှာ ရှုရမှာ ဖြစ်တော့ မရှုမီ ကြိုတင်ပြီးတော့ ရုပ်ဆိုတာက ဘယ်လိုလဲ။ နာမ်ဆိုတာက ဘယ်လိုလဲ သိရှိ သဘောပေါက်ထားလို့ရှိရင်တော့ အခက်အခဲ မရှိ လွယ်ကူပါလိမ့်မယ်။
တရားအားထုတ်တယ်ဆိုတာ နှလုံးသွင်းပြောင်း လိုက်တာပါ။
အယင်တုန်းကတော့ "ငါသွားတယ်၊ သူသွားတယ်၊ ပုဂ္ဂိုလ်သတ္တဝါသွားတယ်၊ ယောက်ျားမိန်းမသွားတယ်” လို့ နှလုံးသွင်းပါတယ်။
အခု တရားအားထုတ်တဲ့အခါမှာ ဘယ်သူ သွားတာလဲလို့ သတိထားပြီး အသိတရားနဲ့ ရှုရပါတယ်။ သွားနေကျအတိုင်း သွားပါ၊ အသွားပြောင်းဖို့မလိုပါဘူး။ ရုပ်နာမ်ပေါ်မှာသာ သတိထားပြီးသွားခြင်း နဲ "့မိစ္ဆာသတိ"ကနေ "သမ္မာသတိ"ကို ပြောင်းသွားပါလိမ့်တယ်။
အယင်တုန်းက ပုဂ္ဂိုလ်သတ္တဝါ သတိနဲ့ ထိုင်တယ်၊ အခုကျတော့ ရုပ်နာမ် က သတိနဲ့ထိုင်တယ်၊ အယင်တုန်းက ပုဂ္ဂိုလ်သတ္တဝါ ဟာ သတိနဲ့ အိပ်တယ်။ အခုက ရုပ်နာမ်သတိနဲ့အိပ်တယ်၊ အယင်တုန်းက ပုဂ္ဂိုလ်သတ္တဝါ သတိနဲ့ ရပ်တယ်။ အခုက ရုပ်နာမ် က သတိနဲ့ ရပ်တယ်။ ဒါပဲ ကွာတာပါ။
တရားအားထုတ်တယ်ဆိုတာ နဂိုအမူအရာထဲမှာ ရုပ်နာမ်ပေါ်ရောက်အောင် သမ္မာသတိကို သွင်းထားလိုက်ခြင်းပါ။ အဲဒီလို သတိသွင်းထားလိုက်ရင် ရုပ်သဘော နာမ်သဘောကို သိလာပါလိမ့်မယ်။
ရုပ်သဘောက ဘယ်လိုလဲလို့မေးရင် ဖောက်ပြန်တတ်တဲ့သဘောက ရုပ်ပါ။ ဖောက်ပြန်တယ်ဆိုတာက နဂိုအနေနဲ့ မတူပဲ တစ်မျိုးတစ်မျိုး ပြောင်းသွားတာကို ဖောက်ပြန်တယ်လို့ ခေါ်ခြင်းပါ၊ အဲဒါကိုပဲ ရုပ် လို့ ခေါ်ပါတယ်။
ထိုင်တာ ကြာလာတဲ့အခါ
မှာ ထိုင်စနဲ့မတူတော့ပါဘူး။ အောက်ပိုင်းကိုယ်က နာကျင်ကိုက်ခဲမှု၊ ပူမှု စသည် ဖြစ်လာတတ်ပါတယ်။ အဲဒါဘာဖြစ်တာလဲ မေးရင် ရုပ်ဖောက်ပြန်တာပါ။
ကိုယ်နှင့်စပ်သမျှ ခြေဖဝါး ကနေပြီး ငယ်ထိပ်အထိ တစ်ကိုယ်လုံးမှာ ဖြစ်နေသမျှတွေကို ပညတ်နာမည် တပ်ချင်သလို တပ်ပါ။ နာတယ်၊ ကျဉ်တယ်၊ ကိုက်တယ်၊ ခဲတယ်၊ ညောင်းတယ်၊ ထုံတယ်၊ တောင့်တယ်၊ တင်းတယ်၊ မူးတယ်၊ ဝေတယ်၊ အော်ဂလီဆန်တယ် စသည်ဖြင့် နာမည်တပ်ချင်သလို တပ်ပါ။ အဲဒါတွေသည် အမည်ပညတ်တွေသာဖြစ်ပါတယ်။
တကယ်တော့ ပရမတ်သဘောအားဖြင့် ရုပ်ဖောက်ပြန်နေကြတာပါ။
အဲဒီလို ရုပ်ဖောက်ပြန်တာကို ဘယ်သူကသိလဲ မေးရင် နာမ်က သိပါတယ်။ ပုဂ္ဂိုလ်သတ္တဝါက သိတာမဟုတ်ပါဘူး။ နာမ်ကလည်း အလိုလိုသိတာ မဟုတ်ပါဘူး။ အာရုံပြုလို့ သိတာပါ။ အလိုလိုလည်း သိတာ မဟုတ်ပါဘူး။ အမှတ်တမဲ့နေလို့ သိတာ မဟုတ်ပါဘူး။ အဲဒီညွှတ်တတ် သိတတ်တဲ့သဘောသည် နာမ်ပါ။ မသိဘဲနဲ့ အမျိုးမျိုး ဖောက်ပြန်နေတာက ရုပ်ပါ။ အဲဒီဖောက်ပြန်သမျှကို လိုက်ပြီး အာရုံပြုသိနေတာက နာမ်ပါ။
နာတယ်သိ၊ ကျဉ်တယ်သိ၊ ထုံတယ်သိ၊ ညောင်းတယ်သိ၊ တောင့်တယ်သိ၊ တင်းတယ်သိ.. စသည်ဖြင့် ကိုယ်ထဲမှာ ဖြစ်ဖြစ်သမျှတွေကို လိုက်သိနေတာက နာမ်ပါ ဘဲ။
ဒီခန္ဓာကိုယ်မှာ ဖောက်ပြန်တတ်တဲ့ ရုပ်တရားနဲ့ သိတတ်၊ ညွှတ်တတ်တဲ့ နာမ်တရားအပြင် ဘာမှမရှိပါဘူး။ ဒါပေမယ့် မိမိတို့ကတော့ မသိသေးပါ။ ဘာဖြစ်လို့ မသိသေးလဲမေးရင် မကြည့်လို့ မသိတာဘဲ ဖြစ်ပါတယ်။
တရားအားထုတ်တယ်ဆိုတာ အဆန်း မဟုတ်ပါ။ တကယ်တော့ မျက်လုံးပြောင်းလိုက်တာပါ။ မိမိတို့မှာ ပကတိမျက်လုံး နဲ့  ဉာဏ်မျက်လုံးရယ်လို့ မျက်လုံးနှစ်မျိုး ရှိပါတယ်။ ပကတိ မျက်လုံးက အပေါ်ယံမြင်ပါ။ ပုဂ္ဂိုလ်သတ္တဝါ၊ ခေါင်း၊ ကိုယ်၊ ခြေ၊ လက်လို့ မြင်တဲ့ အမြင်မျိုးပါ။ ဉာဏ်မျက်လုံးက အတွင်းမြင်ပါ။ ရုပ်နာမ်မြင်တဲ့ အမြင်မျိုးပါ။ ဒါကြောင့် တရားအားထုတ်တယ်ဆိုတာ ဉာဏ်မျက်လုံးနဲ့ ရှုကြည့်ရမှာပါ။
ပကတိမျက်လုံး ကနေ ဉာဏ်မျက်လုံးကို ပြောင်းပြီး ခန္ဓာကိုယ်တွင်းမှာရှိတဲ့ ရုပ်နာမ်ကို မြင်အောင် ရှုကြည့်တဲ့အလုပ်ဟာ "ဝိပဿနာ"အလုပ်ပါဘဲ။
ရုပ်နှင့်နာမ် တရားနှစ်ပါးဟာ ပဋ္ဌာန်း အညမညပစ္စည်းအရ ပြောရရင် အချင်းချင်း အပြန်အလှန် မှီနေကြပါတယ်။
ဒါပေမဲ့ ရုပ်သဘော နဲ့ နာမ်သဘောက မတူကြပါဘူး။
ရုပ်က ဖောက်ပြန်တဲ့သဘောပါ။
ရုပ်အလုပ်က ဖောက်ပြန်တဲ့ အလုပ်ပါ။
နာမ်က သိတတ်ညွှတ်တတ်တဲ့သဘောပါ။ ရုပ်က ရုပ်အလုပ်လုပ်၊ ဖောက်ပြန်ပါတယ်။ နာမ်က မကူညီနိုင်ပါ။
နာမ်ကလည်း သိတဲ့ညွှတ်တဲ့ အလုပ်လုပ်ပါတယ်။
ရုပ်ကို အကူအညီမပေးနိုင်ပါ။
ဒီတော့ အလွယ်ဆုံးသိထားရရင်တော့...
ရုပ်နာမ်နှစ်ပါးတို့ဟာ အချင်းချင်းအပြန်အလှန် အကျိုးအကြောင်း သဘောတရားအရ မှီနေကြသော်လည်း အချင်းချင်းအကူအညီ မပေးနိုင်ကြပါဘူး။
ရုပ်ကလည်း ဖောက်ပြန်ပြီး ပျက်ပါတယ်။ နာမ်ကလည်း သိပြီး ညွှတ်ပြီး ပျက်ပါတယ်။
သွားချင်တော့ နာမ်က သွားချင်တယ်။ သွားတော့ ရုပ်က သွားပါတယ်။ ရုပ်သွားရာ နာမ်က ပါသွားရပါတယ်။ အဲဒီသဘောတွေကို သိအောင် သွားရင်း ရုပ်နာမ်ပေါ်သတိကပ်ပြီး သွားရပါတယ်။ အဲဒီလိုသွားရင် သွားတဲ့ အမူအရာ မပြောင်းရဘဲ အသွားမပျက် သွားနိုင်ပြီး အရှုမပျက် ရှုနိုင်ပါတယ်။
"သွားချင်တာက နာမ်၊ သွားနေဟန်က ရုပ်၊ ငါ မဟုတ်၊ သူ မဟုတ်၊ သွားတာ နာမ်နဲ့ရုပ်” လို့ အသိတိုးလာပါလိမ့်မယ်။"
သွားချင်တဲ့ နာမ် ကလည်း သွားချင်ပြီး ချုပ်ပျက်၊ သွားတဲ့ ရုပ်ကလည်း သွားပြီး ချုပ်ပျက်သွားတာကို တွေ့ရပါလိမ့်မယ်။
"သွားချင်တဲ့ နာမ်က အကြောင်း၊ သွားတဲ့ ရုပ်က အကျိုး" လို့ နာမ်ရုပ်နှစ်ပါးကို ကြောင်းကျိုးဆက်စပ်ပြီး ဖြစ်နေတဲ့သဘော၊ အကြောင်းချုပ်တော့ အကျိုးချုပ်တဲ့ သဘောတွေကို မြင်အောင် ရှုသွားရပါတယ်။
ဝိပဿနာ ရှုတယ်ဆိုတာ ရုပ်ကို ရှုရင်ရှု မရှုရင် နာမ်ကို ရှုရမှာပါ။ ဦးစွာပထမ သိရမှာလည်း ရုပ်နာမ်ပဲ သိရမှာပါ။ ရုပ်နာမ်ပိုင်းခြားသိတဲ့ ဉာဏ်ရပြီးမှ တခြားဉာဏ်တွေ ရမှာပါ။ ရုပ်နာမ်ပိုင်းခြားသိတဲ့ဉာဏ် မရဘဲနဲ့ တခြား ဉာဏ်တွေ မရနိုင်ပါဘူး။
ရုပ်နှင့်နာမ်က ကင်းပြီးတော့ ဖြစ်တာ မဟုတ်တဲ့အတွက် သင့်တော်တဲ့ ဣရိယာပုထ်၊ သင့်တော်တဲ့ အမူအရာနဲ့ အဆင်ပြေသလို ရှုမှတ်နေရမှာဖြစ်ပါတယ်။
ရှုတဲ့အခါ ရုပ်ကို မှီပြီး ရုပ်ဖြစ်တာလဲ မြင်အောင် ရှုရပါမယ်။ ရုပ်အကြောင်း ရုပ်အကျိုးကွဲအောင် ရှုရပါတယ်။ ရုပ်မှီပြီး နာမ်ဖြစ်တာကိုလည်း မြင်အောင်ရှုရပါတယ်။ ရုပ်အကြောင်း နာမ်အကျိုး ကွဲအောင် ရှုရပါမယ်။ နာမ်ကို မှီပြီး ရုပ်ဖြစ်တာ မြင်အောင် ရှုပါ။ နာမ်အကြောင်း ရုပ်အကျိုးကို ကွဲအောင် ရှုရပါမယ်။
အသွားအလာ အနေအထိုင် မပျက် သွားရင်း လာရင်း စားရင်း သောက်ရင်း၊ နေရင်း ထိုင်ရင်း၊ ပြောရင်း ဆိုရင်းနဲ့ “ဘယ်သူအကြောင်း ဘယ်သူ့အကျိုးလဲ၊ ဘယ်သူရှေ့ဆောင်လဲ၊ ဘယ်သူနောက်လိုက်လဲ” လို့ ခန္ဓာတွင်း ဉာဏ်သွင်းပြီး သွားလာတာကို တရားအားထုတ်တယ်၊ ဝိပဿနာပွားတယ်လို့ ခေါ်တာပါ။
မိမိတို့ခန္ဓာကိုယ်မှာ ပြုပြုသမျှ၊ ပြောပြောသမျှ၊ ကြံကြံသမျှ အမူအရာတိုင်းမှာ သတိထားပြီး အသိတရားနဲ့ ရှုရပါတယ်။ ရုပ်နာမ်ကွဲပြီးတော့ နောက်ပိုင်း ကြောင်းကျိုးပိုင်းခြား သိမြင်အောင် ရှုပွားအားထုတ်ရပါတယ်။
ရုပ်အကြောင်းကြောင့် နာမ်အကျိုးပေါ်ပုံ၊ ရုပ်အကြောင်းကြောင့် ရုပ်အကျိုးပေါ်ပုံ၊ နာမ် အကြောင်းကြောင့် ရုပ်အကျိုးပေါ်ပုံ၊ နာမ်အကြောင်းကြောင့် နာမ်အကျိုးပေါ်ပုံတို့ကို သိမြင်အောင် ရှုဖို့လိုပါတယ်။
ကြောင်းကျိုးမပိုင်ဘဲနဲ့ ကင်္ခါယုံမှား မကွာနိုင်ပါဘူး။ ကင်္ခါယုံမှားမကွာရင် တရားထူးရဖို့ မဖြစ်နိုင်ပါဘူး။အဲဒီမှာ ကင်္ခါ ဆိုတာ ယုံမှားခြင်း(ဝိစိကိစ္ဆာ) ပါ။ ရတနာမြတ်​သုံးပါး၊ ကံ ကံ၏အကျိုးနှင့် ရုပ်နာမ်ခန္ဓာတွေအပေါ် ယုံမှားသံသယဖြစ်ခြင်းပါ။
ဒါကြောင့် အလိုက်သင့် ရှုပါ။ အလုပ်လုပ်တဲ့အခါမှာ ထိုင်ပြီးလုပ်တဲ့ ပုဂ္ဂိုလ်ဟာ မထိုင်နိုင်တော့တဲ့အခါ လျောင်းရှု၊ ရပ်ရှု၊ စင်္ကြံလျှောက်ရှု နိုင်ပါတယ်။ ဒါမှမဟုတ်လည်း ပက်လက်ကုလားထိုင် စသည်နှင့် နေသာသလို နေပြီး ခန္ဓာတွင်းမှာ ဉာဏ်သွင်းရှုပေးပါ။ ကိုယ်နှင့် စပ်ပြီး ကိုယ်တွင်းမှာ ဖောက်ပြန်နေသမျှ၊ စိတ်နှင့်စပ်ပြီး စိတ်ထဲမှာ သိနေသမျှ ညွှတ်နေသမျှကို ရှုကြည့်ပေးရပါတယ်။
ဉာဏ်နှင့်ကြည့်နေတော့ ခန္ဓာမှာ ရုပ်နှင့် နာမ်ပဲ ရှိရာ ရုပ်ကလည်း ရုပ်အလုပ်လုပ်ရင်းက ဖောက်ပြန်နေပါတယ်။ နာမ်ကလည်း နာမ်အလုပ်လုပ်ရင်းက သိနေညွှတ်နေပါတယ်။
ရုပ်ဆိုတာ သူ့ရဲ့ အမည်ပါ။ အလုပ်ကတော့ ဖောက်ပြန်တဲ့ အလုပ်ပါ။ ရုပ်က သူ့အလုပ်ဖြစ်တဲ့ ဖောက်ပြန်တဲ့ အလုပ်ကို မရပ်ပါ။ ရပ်ရင် သေပြီ။ ရုပ်အလုပ်က နာကျင် ကိုက်ခဲ ထုံကျဉ် မူးသေ စသည်တို့ပေါ့။ ခန္ဓာကိုယ်ထဲမှာ အဲဒီ သဘောမျိုးတွေ တစ်မျိုးမဟုတ် တစ်မျိုးရှိနေပါတယ်။ အဲဒီတစ်မျိုးမျိုးကို သတိကပ်ပြီး “ရုပ်” လို့ ရှုနေပါ။ ရုပ်လို့ရှုပါဆိုတော့ ရုပ်ဆိုတာကို ပါးစပ်ကလည်း မဆိုရပါ။ စိတ်ထဲကလည်း မဆိုရပါ။ ဖောက်ပြန်တဲ့ နာသဘော စသည်ကို သိနေဖို့ပါပဲ။
အဲဒီလို သိနေ ကြည့်ရှုနေတဲ့အခါမှာ ကိုယ်နေကိုယ်ထားကို အေးအေးဆေးဆေး နေသာသလို သက်သာစွာ ရှုလို့ရပါတယ်။ ပင်ပင်ပန်းပန်းလည်း မဟုတ်ပါ။ ရုပ်သဘောကို သိပြီး အနားလည်း ရပါတယ်။ အပန်းဖြေပြီး အိပ်ပျော်ချင်လည်း ပျော်သွားပါစေ။ နိုးလာရင် ပြန်ရှုပါ။ အဲဒါ အနားယူတဲ့ ဝိပဿနာအလုပ်ပါ။
အဲဒီလို ကိုယ်ကို နေသာသလိုနေပြီးတော့ ရှုနေတဲ့ ပုဂ္ဂိုလ်အတွက် ပေါ်လာသမျှ ဖောက်ပြန်သမျှသည် ရှုစရာပါ။ ရှုရမှာပါ။
တရားမရှုပွားဖူးတဲ့သူတွေမှာ တရားရှုမှတ်နေရင်း....ရင်တုန်တယ်ဆိုရင် ..
"အမလေး ငါ ဘယ်လိုဖြစ်မှန်း မသိဘူး .. "ဆိုပြီး အပူသောက ဝင်ကြမှာပါ။
ရှုနေကျပုဂ္ဂိုလ်ကျတော့ တုန်တာပဲ ဆိုပြီးရှုတော့ အပူမပါပါ။ အပူမပါပဲနဲ့ နေသာသလို နေပြီးတော့ တုန်တိုင်း တုန်တိုင်း ရုပ်လို့ ရှုနေတဲ့အခါ အပူမပါတဲ့အတွက် သက်သာပါတယ်။ အဲဒီ ဖောက်ပြန်တဲ့အထဲမှာ ငါဘယ်လိုဖြစ်မှန်း မသိဘူး။ ရောဂါများထသလား မသိဘူးလို့ စိတ်ပါသွားရင် ပူပါတယ်။ အပူပါရင် ရောဂါပိုတိုးပါတယ်။
နဂိုက ရုပ်ဖောက်ပြန်မှုထဲမှာ စိတ်ဖောက်ပြန်မှုပါ တိုးသွားတော့ ရောဂါပိုကြီးသွားပါတယ်။ ဒါကြောင့်မို့ အချို့ဆရာဝန်တွေဟာ ရောဂါသည်ကို ရောဂါအကြောင်းအမှန် မပြောကြပါ။ ပြောလို့ရှိရင် ရောဂါသည် စိတ်ဓာတ်ကျပြီး ရောဂါပိုကြီးသွားတတ်တဲ့အတွက်ကြောင့်ဖြစ်ပါတယ်။
ကံကြောင့်ဖြစ်တဲ့ရုပ်၊
စိတ်ကြောင့်ဖြစ်တဲ့ရုပ်၊
ဥတုကြောင့်ဖြစ်တဲ့ရုပ်၊
အာဟာရကြောင့်ဖြစ်တဲ့ရုပ်..ရယ်လို့ ရုပ်လေးပါးထဲမှာ စိတ်ကြောင့်ဖြစ်တဲ့ရုပ်က အားအကောင်းဆုံးပါ။
ကျန်တဲ့ ရုပ်တွေ ပျက်စီးချင်သလောက် ပျက်စီး၊ စိတ်ကြောင့်ဖြစ်တဲ့ရုပ် မပျက်စီးက မပျက်စီးပါ၊ စိတ်ကြောင့်ဖြစ်တဲ့ ရုပ်က အားအကောင်းဆုံးပါ။
အဲဒါကြောင့် နေသာသလိုနေပြီးတော့ ရှုမယ်ဆိုရင် ကုသိုလ်လည်း ရမယ်။ ရောဂါလည်း ပျောက်သွားပါလိမ့်မယ်။ တရားရှုပွားအားထုတ်တဲ့အခါ စိတ်ကို အေးအေးဆေးဆေးငြိမ်ငြိမ်သက်သက်ထားပြီး ရုပ်ဖောက်ပြန်တာပဲ။ ငါဖောက်ပြန်တာ မဟုတ်ဘဲ ရုပ်ရဲ့သဘောက ဖောက်ပြန်တဲ့သဘောပဲ။ ဖောက်ပြန်တဲ့အလုပ်ပဲ။ ငါ့အလုပ်က ရှုရမယ့်အလုပ်ပဲဆိုပြီး ရှုကြည့်နေတဲ့အခါ ရောဂါတွေ ပျောက်သွားပါလိမ့်မယ်။
အဲဒီလို ရောဂါတွေ ပျောက်သွားတဲ့အခါ တန်ခိုးလို့ ယူဆတတ်ကြပါသေးတယ်။ တန်ခိုးမဟုတ်ပါ။ စိတ်ကြည်လင်လာတော့ သွေးသားကြည်လင်ပါတယ်။ သွေးသားကြည်လင်တော့ ရောဂါတွေ ပျောက်တာပါ။ အဲဒီသဘောပါဘဲ။
ကိုယ့်အလုပ်က ခန္ဓာကိုယ်မှာရှိတဲ့ ရုပ်နာမ်နှစ်ပါး ထင်ရှားရာကို ရှုတဲ့ အလုပ်ပါပဲ။ ရုပ်နှင့် နာမ်ကလည်း အချင်းချင်း မှီနေတော့ ရုပ်ဆွဲ နာမ်လဲ၊ နာမ်ဆွဲ ရုပ်လဲပါတယ်။ ပရမတ် သဘောက တစ်ညှာဆွဲ တစ်တွဲပါ သဘောပါ။
သတိပဋ္ဌာန်တရားလေးပါးကို သတိပြုကြည့်ပါ။
ကာယာ နုပဿနာသတိပဋ္ဌာန် ဆိုတာ ရုပ်ကို အရှုခံပြီး ရှုတာပါ။ အရှုခံက ရုပ်၊ ရှုနေတာက နာမ်ဆိုတော့ နာမ်ပါသွားပါတယ်။
ဝေဒနာ နုပဿနာ သတိပဋ္ဌာန်ဆိုတာ ဝေဒနာကို အရှုခံထားပြီး ရှုတာပါ။ ဝေဒနာက နာမ်တရား၊ ရှုတာကလည်း နာမ်တရားပါ။ အဲဒီ နာမ်ဘယ်မှာ မှီနေလဲဆိုတော့ ရုပ်မှာ မှီနေပါတယ်။ အဲဒီလို သိတဲ့အခါ ပြီးသွားပါတယ်။ ချက်ချင်းတော့ မသိသေးပါ။ သိချိန်တန်မှ သိမှာပါ။
ဝိပဿနာ ရဲ့အလုပ်က အရှိ နဲ့ သတိနဲ့ကိုက်အောင် လုပ်တဲ့ အလုပ်ပါ။ မစဉ်းစားပါနဲ့။ လိုက်မရှာပါနဲ့။ အရှိရုပ် နဲ့ အရှိနာမ် နဲ့ ကိုက်အောင် ရှုကြည့်ရပါတယ်။ မရှိတာလည်း မရှာပါနဲ့။ ရှိတာလည်း မကြိုက်ပါ မဖြစ်ပါနဲ့။ မဖြစ်ကြသေးတာကိုလည်း ဖြစ်အောင် မလုပ်ပါနဲ့။ ဖြစ်နေတာကိုလည်း ပျက်အောင် မလုပ်ပါနဲ့။ အရှိအတိုင်းမြင်အောင် ကြည့်ပါ။ ဖြစ်နေတဲ့အတိုင်း ကြည့်ပါ။
စိတ္တာနုပဿနာသတိပဋ္ဌာန် ဆိုတာ နာမ်ကမ္မဋ္ဌာန်းပါ။ ရှေ့စိတ်ကို နောက်စိတ်နဲ့ ရှုရတာပါ။ အဲဒီစိတ်ဟာ ဘယ်မှာ မှီနေသလဲဆိုယင် ရုပ်မှာ မှီနေပါတယ်။
ဝေဒနာနုပဿနာသတိပဋ္ဌာန် နဲ့ စိတ္တာနုပဿနာ သတိပဋ္ဌာန်တို့ဟာ နာမ်သက်သက်ကို အရှုခံထားပြီး ရှုရတဲ့ ကမ္မဋ္ဌာန်းပါ။ နာမ်ကမ္မဋ္ဌာန်းပါ။
ဓမ္မနုပဿနာသတိပဋ္ဌာန်က ရုပ်နာမ်ရောတဲ့ ကမ္မဋ္ဌာန်းပါ။
ဒါတွေ အားလုံးဟာ ဘုရားရှင်ဟောခဲ့တာချည်းပါပဲ။ ဖြစ်နိုင်လို့ ရနိုင်လို့ ဟောခဲ့တာတွေပါ။ ရှုအားကောင်းစွာနဲ့ ရှုဖို့ ပွားဖို့ပဲ လိုပါတယ်။
ရှုရမှာက ရံခါ ရုပ်၊ ရံခါ နာမ်ကို ရှုရမှာပါ။ ရှုတဲ့အခါ ရုပ်ကို မှီပြီး နာမ်ဖြစ်တာလည်း တွေ့ပါလိမ့်မယ်။ နာမ်မှီပြီး ရုပ်ဖြစ်တာလည်း သိပါလိမ့်မယ်။
ခန္ဓာကိုယ်မှာ ရုပ်နာမ်နှစ်ပါးအပြင် တခြားဘာမှမရှိဘူးဆိုတာ သိလာပါလိမ့်မယ်။
အဲဒီသဘောတွေကို သိအောင် သွားတဲ့အခါမှာ ဘယ်သူက ဘယ်သူ့ကို မှီပြီးဖြစ်တယ်လို့ သတိထားပြီး ရှုပွားသွားရမှာပါ။ ပြုတဲ့အခါမှာလည်း ဘယ်သူက ဘယ်သူ့ကို မှီပြီး ပြုတယ်ဆိုတာ သတိထားပြီး ပြုရမှာပါ။ ပြောတဲ့အခါမှာလည်း ဘယ်သူက ဘယ်သူ့ကို မှီပြီး ပြောနေတယ်ဆိုတာ သတိထားပြီး ရှုပွားပြောရမှာပါ။
ဝိပဿနာ အလုပ်ဆိုတာ အသိ ပြောင်းအောင် လုပ်တဲ့ အလုပ်ပါ။ တရားအားထုတ်လို့ အသိပြောင်းသွားပြီဆိုရင် နဂိုနေ၊ နဂိုစား၊ နဂိုသွားလာတာမျိုးနဲ့ ဘယ်လိုမှ မတူဘဲ အမူအရာ ပြောင်းသွားပါတယ်။ အမူအရာ မပြောင်းရင်တော့ တရားမရသေးပါ။ ဘာဖြစ်လို့လဲဆိုတော့ အနေအထိုင် အသွားအလာ အပြောအဆိုအမူအရာမှ မပြောင်းသေးရင် အသိမပြောင်းသေးလို့ပါပဲ။ အသိမပြောင်းတာလည်း ရုပ်နာမ်ကို အမှန်မမြင်သေးတာ ဖြစ်လို့ ပါဘဲ။
ပဋိစ္စသမုပ္ပါဒ်ဆိုတာ ကြောင်းကျိုးတရားပါ။ ပဋ္ဌာန်းတရားဆိုတာလည်း ကြောင်းကျိုးတရားပါပဲ။ အကြောင်းပစ္စည်း အကျိုးပစ္စယုပ္ပန်အနေ ဟောခဲ့ပါတယ်။ သစ္စာတရားဆိုတာလည်း ကြောင်းကျိုးတရားပါပဲ။ အကြောင်း သမုဒယ၊ အကျိုး ဒုက္ခပါပဲ။
ဒီလောကကြီးထဲမှာ အကြောင်းအကျိုးအပြင် ဘာမှ မရှိပါ။ ဒီခန္ဓာကိုယ်အတွင်းမှာလည်း ကြောင်းကျိုးအပြင် ဘာမှမရှိပါ။ ဒီခန္ဓာမှာ ရုပ်နာမ်ကွဲပြီးရင် အဲဒီရုပ်နာမ် အကြောင်းကို သိမ်းဆည်းသိတဲ့ ဉာဏ်ရရမှာပါ။ အဲဒီ ဉာဏ်မှမရရင် "ဝီစိကိစ္ဆာ" မကင်းနိုင်ပါ။ "သောတာပန်" မဖြစ်နိုင်ပါ။ ဒါကြောင့် ရုပ်နာမ်ကွဲအောင် ကြိုးစားရှုပွားပါ။ ရုပ်နာမ်ရဲ့ အကြောင်းကို သိမ်းဆည်းနိုင်အောင် ဝိပဿနာတရား ကြိုးစားရှုမှတ်ကြပါလို့ တိုက်တွန်းရင်း ဓမ္မဒါနပြုလိုက်ရပါတယ်။
(ခန္ဓာ-၅ပါးတစ်ဦး)
•••••••••••••••••••••••••••••••••
ကိုးကားမူယင်း-( ကိုသိန်းနိုင်အုန်း ရဲ့  ဖေစဘုတ် စာမျက်နှာ မှ "ဝိပဿနာဆိုတာ မခက်ပါ " ဆိုတဲ့ ရေးသားဖေါ်ပြထားတာ ကို ကောက်နှုတ်ပြီး ထပ်မံကုသိုလ်ပြုလိုက်ပါတယ်)

Sunday, July 10, 2016

ပူနေ တင်းနေ တိုးနေ လှုပ်နေ တာ တွေက ရုပ်။ သိနေတာ တွေးနေတာ ကြံနေတာ ခံစားနေတာ နာမ်

body ကို အာရုံ ပြုကြည့် ပါ။
ဘာမှ မတွေးပါနဲ့ ။
ဘာမှ မရှာ ပါနဲ့ ။
ပူနေ တင်းနေ တိုးနေ လှုပ်နေ တာ တွေ အများကြီး ပါဘဲ။
အဲဒါ ရုပ်ဘဲ ပေါ့။
ခြေတွေ လက်တွေ ခေါင်းတွေ ဘဲ တွေ့ နေ သေးရင် တော့ ရုပ် ကို တွေ့ တာ မဟုတ် ပါဘူး။
ဒီလိုဘဲ
ကိုယ့် စိတ် mind ကို သတိထားလိုက်ပါ။
သိနေတာ တွေးနေတာ ကြံနေတာ ခံစားနေတာ တွေ့ မယ်။
အဲဒါ နာမ် ဘဲ လေ။
ဒါက ဘယ်အချိန် ဖြစ်ဖြစ် ဘယ်နေရာ ဖြစ်ဖြစ် လုပ် လို့ ရ ပါတယ်။
ဘုရားရှေ့  ထိုင်ပြီး လုပ်တာ လည်း ဒါပါ ဘဲ။
သွားရင်းလာရင်း လုပ် ရမှာလည်းဒါပါဘဲ။
သေခါနီး လုပ် ရ မှာလည်း ဒါပါ ဘဲ။
ရုပ်နာမ် သိဘို့ 
ဥာဏ်ဖြစ်ဘို့ 
အေးချမ်းဘို့ 
လွတ်မြောက်ဘို့ 
ဒိအပြင်လည်း ဘာမှ အထွေအထူး မလုပ် ရပါဘူး။
တစ်ခု တော့ရှိပါတယ်။
အဆက်မပြတ် လုပ်နေဘို့ ပါဘဲ။

ပြသလောက် ဘဲ သိနေရပါမယ်။

သူ့ သဘာဝအတိုင်း ပေါ်ချင်ပေါ်မယ်။ပျောက်ချင် ပျောက် မယ်။သူ့  သဘော အတိုင်းပြနေတဲ့ အရှုခံ ကို ပေါ်ချင်ပျောက် ချင် စိတ် တွေမထားဘဲ သတိ နဲ့  အေးအေးဆေးဆေး သိနေ ရပါမယ်။
အားစိုက်ပြီး ရှာဖွေနေတာ ထက် ပြသလောက် ဘဲ သိနေရပါမယ်။
အဲဒါ သဘောထား အမှန် ပါဘဲ။
တရားအားထုတ်သူတွေ ဟာ အရှုခံ အပေါ်မှာ သဘောထား မှန် ဘို့  လို ပါတယ်။
ဆရာမ အနေ နဲ့ 
တံတွေးမျိုတာ ကို သာမာန် သဘာဝ တစ်ခု လို သဘောထားကြည့် ရင် ဒီလောက် ထပ်တလဲလဲ ပေါ် နေ မှာ မဟုတ် ပါ ဘူး၊
စိတ်ကြောင့် ထပ်ထပ် ပေါ် နေတာ ပါ။
စိတ်အေးအေး ထားလိုက် ပါ။
အဆင်ပြေသွားပါ လိမ့် မယ်။

အပျက်ကိုလိုက်မရှာပါနဲ.

မိုးကုတ်ဆရာတော်ဘုရားကြီးက သတိပဋ္ဌာန်မှာလမ်းမဆုံးစေနဲ့ သတိပဋ္ဌာန်ဘာဝနာဖြစ်အောင် စိတ်ကလေးတစ်ခုပေါ်လာရင် ရှိမရှိအကဲခတ်ပေးလို့ဟောထားပါတယ် ဆရာညကရေးထားတဲ့ guideline ထဲမှာကျတော့ အရှုခံရဲ့သဘာဝကိုပြရာပဲသိပေးဆိုတော့ အဲဒီနှစ်ခုကဘာကွာပါလဲဆရာ စိတ်ထဲမှာဒွိဟဖြစ်ပြီးမရှင်းလို့ပါ ဆရာရှင်းပျြပးပါနော်
ဖြေ
အရှုခံသဘာဝကို ပြရာဘဲ သိပေးနေတာဟာ
သတိပဋ္ဌာန် လည်း ဖြစ်ပါတယ်
သတိပဋ္ဌာန် ဘာဝနာလည်းဖြစ်ပါတယ်။
သတိပဋ္ဌာန်ဘာဝနာလမ်းဆုံးလည်းဖြစ်ပါတယ်။
ပြီးပြည့်စုံတဲ့ တရားအားထုတ်မှု ဖြစ်ပါတယ်။
Yehtet Win
အရမ်းကျေးဇူးတင်ပါတယ်ခုမှပဲရှင်းသွားပါပြီ အစတုန်းကဆိုကျွန်တော်ကိုယ်တိုင် အပျက်ကိုလိုက်ရှာမိပါတယ် အမှန်အတိုင်းဝန်ခံရရင်ဆန္ဒလည်းစောမိပါတယ်

လောကဓံဆိုတာကိုမကြောက်တော့ဘူး

" သကြားသည် ချိုပါ၏။ သို့သော် "
=================
ဒီကနေ့ခေတ်မှာ ဝိပဿနာ တရားထွန်းကားပါတယ်။ ဘယ်အရာမဆို အကောင်းအဆိုး၊ အတုအစစ် ဒွန်တွဲနေတတ်တဲ့ သဘာဝအတိုင်း ဝိပဿနာတရား အတုတွေလည်း ရှိပါတယ်။ တရားလိုက်စားစ ယောဂီတွေ အနေနဲ့ အတုနဲ့ အစစ်ကို ခွဲခြားပြီးသိဖို့မလွယ်ပါဘူး။ ဆရာအတု ၊ ဝိပဿနာအတု နဲ့တွေ့ရင်တော့ တစ်သံသရာ လုံး နစ်နာကြရပါလိမ့်မယ်။
ဝိပဿနာရဲ့အစဟာ နာမရူပရိစ္ဆေဒဉာဏ်ပါ။ ရုပ်နာမ် တို့ရဲ့သဘာဝကို ပိုင်းခြားသိရပါမယ်။ ကြားနာသိ၊ ကြံစည်သိ၊ ပွားများသိလို့ သုံးမျိုးရှိရာမှာ သုံးမျိုးလုံးနဲ့သိရပါမယ်။ အဲဒ်ီလိုသိလာမှ ပညတ်၊ ပရမတ်ကွဲလာမှာပါ။
သုတဉာဏ်အားကောင်းကောင်းနဲ့ ပညတ်၊ ပရမတ်ကို ခွဲခြားနားလည်ထားမယ်ဆိုရင် အာရုံပြုသမျှဟာ ဉာဏ်ဖြစ်နိုင်ပါတယ်။ ဥပမာအားဖြင့် လက်ကိုလေတိုးနေတယ်ဆိုပါတော့။ လက်ဟာပညတ်ပါ။ တဖျပ်ဖျပ်နဲ့ ရိုက်ခတ်နေတဲ့ ဖောဋ္ဌဗ္ဗဓာတ်က ပရမတ်ပါ။ ဒီရိုက်ခတ်နေမှုကိုပဲ ဝါယောလုိ့ ခေါ်လိုက်တာဖြစ်တယ်။ သူ့ကိုအေး အေးဆေးဆေးနဲ့ စောင့်ကြည့်ရင် တရိပ်ရိပ်နဲ့ ပျောက်ပျောက်သွားတာကို တွေ့ရပါလိမ့်မယ်။ ဒါဟာ ဉာဏ်ပါ။ မျက်စိနဲ့ အားရပါးရကြီးစိုက်ကြည့်လို့ သိတဲ့အသိ မဟုတ်ပါဘူး။
ယောဂီတွေက ဝိပဿနာရဲ့ အာရုံဟာ ပရမတ်ဆိုတာကို ကြားဖူးကြပါတယ်။ ဒါပေမဲ့ ပညတ်၊ ပရမတ် အကွဲပြားကြလေတော့ ပညတ်ကိုအတင်းပယ်ဖို့ ကြိုးစားနေကြတယ်။ ပညတ်ဆိုတာက ပယ်လို့ရတဲ့တရားမျိုးမှ မဟုတ်တာ။ အဲဒီတော့ မျက်စိဖွင့်ရင်ပညတ်တွေတွေ့နေရတယ်။ ဝိပဿနာရှုရင် မျက်စိမှိတ်ပြီး ရှုရမယ်ဆိုပြီး ဖြစ်ကုန်ကြရော။
ပညတ်ဟာ ကြောက်စရာမဟုတ်ပါဘူး။ ပညတ်ကိုခွာရှုတယ်ဆိုတာ ဂရုမစိုက်တာကို ပြောတာပါ။ ပယ် နေတာလည်း မဟုတ်ပါဘူး။ စိတ်ထဲမှာ၊ ဉာဏ်ထဲမှာ ဂရုမစိုက်တော့တာပါ။
မျက်နှာကိုမှန်ကြည့်ပြီး အလှပြင်တဲ့အခါ ပထမဆုံး မှန်ထဲမှာ မိမိမျက်နှာတစ်ခုလုံးကို အာရုံပြုသတိ ထားမိပါလိမ့်မယ်။ နောက်တော့ မိမ်ိခြယ်သလိုတဲ့ အစိတ်အပိုင်းကိုသာ ဂရုစိုက်ခြယ်သနေတဲ့အခါ မျက်နှာတစ် ခုလုံးကို ဂရုမပြုမိတော့ပါဘူး။ အဲဒ်ီလိုဂရုမပြုမိလို့ မျက်နှာကြီးကမှန်ထဲကနေပျောက်သွားတာမှမဟုတ်တာ။ စိတ်ထဲမှာသာပျောက်နေတာပါ။
ဒ်ီလိုပဲပေါ့။ လူ၊ခွေး၊ အိမ်၊ သစ်ပင် ဆိုတာတွေဟာ ပရမတ်တွေနဲ့တည်ဆောက် ထားတဲ့ ပညတ်သဏ္ဌာာန်တွေပါ။ အဲဒ်ီပညတ်တွေကို ပယ်လို့မရပါဘူး။ ပယ်လို့လည်းမရပါဘူး။ ပညတ်ဆိုတာ သိအပ်သသောတရား( ဉေယျဓမ္မ) ပါ။ ယောဂီရဲ့ဉာဏ်က အဆင်းဆိုတဲ့ ပရမတ်ကိုသာ အာရုံပြုလိုက်ရင် စိတ် ထဲမှာ လူ၊ ခွေး၊ အိမ် ဆိုတဲ့ သဏ္ဌာန်ပညတ်တွေ ဘယ်ပေါ်လာတော့မလဲ။ ဒီနည်းနဲ့ပညတ်ကိုခွါတာပါ။
စစချင်းတော့ ချက်ချင်းကြီးခွာလို့ရချင်မှရပါလိမ့်မယ်။ တဖြည်းဖြည်းလေ့ကျင့်ယူလာရင် နှလုံးသွင်း လိုက်တာနဲ့ ရပါတယ်။အချိန်အကြာကြီးခွာထားနိုင်ဖို့ကတော့ သမာဓိအထောက်အပံ့ကောင်းကောင်းလိုပါတယ်။
အာရုံဟာပညတ်ဖြစ်နေပါစေဦး၊ ဒီပညတ်ကိုသိနေတဲ့ စိတ်ဟာ ပရမတ်ပါလားလို့ နားလည်ထားရင် ဘယ်အာရုံကိုမျှမကြောက်တော့ပါဘူး။ အာရုံနဲ့စိတ် ဒီနှစ်ခုပဲရှိတာပဲ၊ ပုဂ္ဂိုလ်၊ သတ္တဝါ၊ အတ္တ၊ ဇီဝမှ မရှိတာ။ ဒါကို နားလည်ထားတော့ စိတ်အေးတာပေါ့။
ဝိပဿနာ သမ္မာသနဉာဏ်ပိုင်းမှာ တလောကလုံးကိုသုံးသပ်ရပါတယ်။ မိမိခန္ဓာကိုယ်ကို ကြည့်လိုက်တဲ့ အခါ တပျက်ထဲပျက်နေတာကိုမြင်လိုက်၊ ပြင်ပခန္ဓာတွေကို ကြည့်လိုက်၊ သြော်….သူတို့လဲ ဒ်ီလိုပျက်နေမှာပါ လားလို့ သုံသပ်လိုက်နဲ့ ရှုမှတ်ရပါတယ်။ အဲဒီလို ရှုနိုင်မှလည်း ပြင်ပအာရုံတွေကို မစွဲလမ်းတော့မှာပေါ့။
ရုပ်ဆိုတဲ့သဘဝ၊ ခန္ဓာဆိုတဲ့ သဘာဝကိုနားလည်ထားရင် တစ်လောကလုံးကို နားလည်ပါတယ်။ဒါဟာ ဉာဏ်ပါ။ ရုပ်ဆိုတာ ခွေးရုပ်၊ နွားရုပ်၊ သစ်ပင်ရုပ်၊ အိမ်ရုပ် စတာတွေကို ပြောတာမဟုတ်ပါဘူး။ ခန္ဓာဆိုတာ လည်း၊ လူခန္ဓာ၊ ခွေးခန္ဓာ စသဖြင့် အဲဒါတွေကို ပြောတမဟုတ်ပါဘူး။
ရုပ်ဆိုတာ ဖောက်ပြန်မှုသဘောသက်သက်ကို ပြေတာပါ။ နေပူလို့ဖောက်ပြန်၊ လေတိုက်လို့ဖောက်ပြန်၊ ခြင်ကိုက်လို့ဖောက်ပြန်၊ ဗိုက်ဆာလို့ဖောက်ပြန် အမျိုးမျိုးဖောက်ပြန်နေတာဟာ ရုပ်ပါ။ အဲဒီလို ဖောက်ပြန်မှုတွေ စုဝေးနေတာကို ရုပ်လို့ခေါ်ပါတယ်။ အဲဒီလို ခြုံငုံနားလည်မှ ဝိပဿနာအရာမှာ ရုပ်ကို နားလည်မှာဖြစ်ပါတယ်။
ပူတယ်၊ အေးတယ်၊ မာတယ်၊ ပျော့တယ်၊ တောင့်တယ်၊ တင်းတယ်၊ လှုပ်ရှားတယ် ဆိုတာတွေက ရုပ် ရဲ့သဘာဝလက္ခဏာတွေပါ။ အဲဒီသဘာဝလက္ခဏာတွေကိုလည်း ပထမသိဖို့လိုပါတယ်။ အရင်ဆုံးမိမိသူတပါး စတဲ့ ခန္ဓာတွေဟာ ဒါတွေနဲ့တည်ဆောက်ထားပါလား၊ ဒါတွေဟာတွေဟာလည်း အရှိတရားတွေမဟုတ်ဘူး၊ အဖြစ်တရားတွေသာဖြစ်တယ်။ သူ့ဖြစ်စဉ်ကြီးနဲ့သူသွားနေတာပါလားလို့ သိထားရပါမယ်။ သတိလေးနဲ့စောင့် ကြည့်နေလိုက်ရင် ထင်ရှားတဲ့အာရုံတွေက ဟိုတစ်မျိုး၊ ဒီတစ်မျိုး အမျိုးမျိုးဖြစ်ပေါ်နေကြတော့ အားလုံးကိုခြုံငုံ ပြီး ရုပ်ဆိုတာ ဖောက်ပြန်မှုဖြစ်စဉ်ကြီးပဲလို့ သဘောပေါက်လာပါတယ်။ မွေးကတည်းကနေ သေသည်အထိ ဒီ လိုပဲဖြစ်နေမှာပဲ။ တစ်သံသရာလုံးလည်း ဒီလိုပဲဖြစ်ခဲ့ကြမှာပဲဆိုတဲ့ ဉာဏ်လည်းရလာပါတယ်။
ရုပ်ဟာလှုပ်ရှားနေတဲ့ ဖြစ်စဉ်ကြီးတစ်ခုပဲ။ လှုပ်ရှားတယ်ဆိုတာလည်း သဘာဝတရားတွေတစ်ခုပြီးတစ် ခု ပြောင်းလဲနေလို့လှုပ်ရှားနေတာပဲ။ မလှုပ်ရှား၊ မပြောင်းလဲအောင်လို့ မိမိကဘာမှမတတ်နိုင်၊ မလုပ်နိုင်ပါလား။ အမျိုးမျိုးပြောင်းလဲနေပြီး ဘာမျှအနှစ်သာရမရှိတဲ့ သဘာဝပါလား၊ တစ်သက်လုံးငြိမ်နေတဲ့ အတုံးခဲကြီးလို့ထင် ထားတာ။ တကယ်တော့ မဟုတ်ပါလားလို့ ' အနတ္တ ' သဘာဝကို သိသွားပါတော့တယ်။
လူ၊ ခွေးစတဲ့သက်ရှိရုပ်တွေနဲ့ သစ်ပင်၊ အိမ် စတဲ့သက်မဲ့ရုပ်တွေဟာ အခြေခံရုပ်သဘာဝချင်း တူပါ တယ်။ ရုပ်ကိုဖြစ်ပေါ်ပျက်စီးစေတဲ့ နိယာမချင်းသာမတူတာပါ။ သက်ရှိက ကံ၊ စိတ်၊ ဥတု၊ အာဟာရ ကြောင့် ဖြစ်လည်းဖြစ် ပျက်လည်းပျက်တယ်။ သက်မဲ့ရုပ်တွေကတော့ ဥတုကြောင့်သာ ဖြစ်ကြတာပါ။
ဒီသဘောတရားကို နားလည်ထားရပါတယ်။ အောက်ခြေသေဘာတရားကို နားမလည်ဘဲ " ဖြစ်ပျက် " ရှုချင်လို့ မရပါဘူး။ ဖြစ်ပျက် မြင်တယ်ဆိုတာ ' ဥဒယဗ္ဗယဉာဏ် ' ပါ။ အောက်ခြေဉာဏ်ပိုင်မှ အထက်ဉာဏ် တက်လို့ရမှာပါ။
အောကခြေဉာဏ်ကို ကျွမ်ကျင်ကြဖို့အတွက် ကြားလည်းကြားနာ၊ ကြံလည်းကြံစည်၊ ပွားလည်းပွားများ ရပါတယ်။ အာရုံကိုလည်း ဉာဏ်နဲ့သုံးသပ်ပေးနေရပါတယ်။ ဒါမှလည်း အမြင်ရှင်းမှာပါ။ ဥဒယဗ္ဗယဉာဏ် က တော့ ပွားရုံသက်သက်ပါ။ အာရုံက ဖြစ်ပြပျက်ပြ တဲ့အတွက် ဖြစ်ပျက် ကို အေးအေးလူလူ စောင့်ကြည့်တာဖြစ် ပါတယ်။ ဒီအဆင့်ကို အမှန်တကယ်ရောက်ပြီဆိုရင် ရိပ်သာစွဲ၊ နည်းစွဲ၊ ဆရာစွဲတွေ လွတ်ပါပြီ။ ဘယ်နည်းနဲ့ပဲ အားထုတ်ပါစေ အရှုခံက ဒီရုပ် ဒီနာမ် လေးပဲရှိတာ။ ဒါတွေမှ မရှုရင် ဘာရှုစရာရှိသေးလို့လဲလို့ ဆုံးဖြတ်ချက်ကျ သွားပါပြီ။ ဟိုဆရာကောင်းနိုး၊ ဒီဆရာမှန်နိုး စတဲ့ ' နာနာသတ္ထာရဥလ္လောကန ' ဘေးကလည်းလွတ်ပါပြီ။ ' မဂ္ဂါမဂ္ဂဉာဏဒဿန ဝိသုဒ္ဓိ ' ဖြစ်နေပြီး ကိုယ့်ကိုယ်လည်း ယုံကြည်မှုရှိသွားပါပြီ။
ဖြစ်ပျက် ရှုတယ်ပြောပြီး ဟိုဆရာကောင်းနိုး၊ ဒီဆရာကောင်းနိုးလိုက်နေသေးရင်တော့ ကိုယ့်ကိုယ်ကိုပဲ ပြန်သုံးသပ်ကြည့်ရပါမယ်။ ဉာဏ်စဉ်တွေနဲ့ အသေးစိတ်တိုက်ကြည့်သင့်ပါတယ်။ ဒီခေတ်ကြီးမှာ ဝိပဿနာအ တုတွေကို ကြားရ၊ မြင်နေရလို့ ခုလိုသတိပေးရတာပါ။
ဝိပဿနာဆိုတာ ဉဏ်အလုပ်ပါ။ ကိုယ့်မှာဉာဏ်ဖြစ်မဖြစ်ဆိုတာကိုသာ သုံးသပ်ပါ။ ဉာဏ်အစစ်ဖြစ် တယ်ဆိုရင် ဝိပဿနာရှုရတာကိုက ပေါ့ပါးလွတ်လပ်ပါတယ်။ အဲဒီလိုပြောလို့ တချို့က " သမာဓိ " မလိုအပ်ဘူး ပြောတယ်လို့ စွပ်စွဲကြပါတယ်။ သူတို့က တရားဆိုတာထိုင်မှ၊ မျက်လုံးမှိတ် အာရုံကိုသမာဓိအားနဲ့ ဖောက်ကြည့် မှ ပညာပေါ်လာလိမ့်မယ်လို့ အယူဆရှိသူတွေပါ။
အာရုံကိ်ု သမဓိ နဲ့ဖောက်ကြည့်လို့ ပညာပေါ်မယ်ဆိုရင် ဘုရားတောင်ပွင့်စရာမလိုပါဘူး။ ဘုရားမပွင့်ခင် ကတည်းက အာရုံကို သမာဓိနဲ့ ဖောက်ကြည့်တဲ့ ပုဂ္ဂိုလ်တွေ ရှိခဲ့ပါတယ်။ သူတို့ " ဈာန် " ပဲ ရကြတာပါ။ ဝိပဿနာဉာဏ် မဖြစ်ခဲ့ကြပါဘူး။
ဝိပဿနာဆိုတာ မဂ္ဂင်ငါးပါးစုံမှ ဖြစ်တာပါ။ တစ်ပါးပါးလိုအပ်နေရင် ဝိပဿနာဉာဏ် မဖြစ်တော့ပါဘူး။ ဒီတော့ သမာဓိလဲ လိုတာပေါ့။ အာရုံကိုသုံးသပ်ဆုံးဖြတ်နေတဲ့ဉာဏ် ပြန်ပြုတ်မကျသွားစေဖို့ သမာဓိကထိန်း ပေးထားရပါတယ်။ အာရုံကို အနိစ္စ၊ ဒုက္ခ၊ အနတ္တ လို့သုံးသပ်နေတာကဉာဏ်ရဲ့အလုပ်ပါ။ သမာဓိ ရဲ့အလုပ်မ ဟုတ်ပါဘူး။ ဒါကို ခွဲခြားသိစေချင်လို့ ပြောတာပါ။
ဝိပဿနာဆိုတာ ထင်ရှားရာအာရုံကို သိအောင်လုပ်နေတာဖြစ်ပါတယ်။ ထိတယ်၊ သိတယ်၊ ကြွတယ်၊ လှမ်းတယ်၊ ချတယ်၊ သိတယ် ဆိုတာတွေဟာ သတိပဋ္ဌာန်နည်းနဲ့ ဝိပဿနာအားထုတ်နေတာပါ။ စစချင်းတော့ ဉာဏ်အပြည့်ဝမပါနိုင်ပါဘူး။ ပညတ်တွေအပေါ်မှာသာ ကျက်စားရာများခဲ့တဲ့စ်ိတ်ဟာ ပရမတ်အာရုံကို ကြာကြာ မယူနိုင်သေးပါဘူး။ သတိ၊ သမာဓိ တွေအားကောင်းလာရင် ဉာဏ်လည်းအားရှိပြီး ပြည့်ဝလာပါလိမ့်မယ်။ သမထ လိုတော့ အာရုံတစ်ခုတည်းမှာ စိတ်ကိုထားပြီး စိတ်ငြိမ်အောင် အားထုတ်တဲ့နည်းတော့မဟုတ်ပါဘူး။
အဲဒီင်္လို သတိ၊ သမာဓိ တွေအားကောင်းလာရင် လှုပ်ရှားတော့မယ်ဆိုတဲ့အခါ လှုပ်ရှားချင်တဲ့စိတ်က လေးကိုလည်း သိလာပါတယ်။ ကြွတော့မယ်ဆိုရင်လည်း ကြွချင်တဲ့စိတ်၊ စားတော့မယ်ဆိုရင်လည်း စားချင်တဲ့ စိတ်ကလေးကို သူ့အလိုလိုသဘောမျိုးသိလာပါတယ်။ ဒါဟာသဘာဝပါ။ ရုပ်ပိုင်းမှာ ခြေကြွနေတုန်း တဖျပ်ဖျပ် တထစ်ထစ် နဲ့ ရွေ့လျားမှု သဘောရုပ်ကလေးတွေကအစ သိလာပါတယ်။ ဒီအသိတွေဟာ အာရုံကိုရှာရှု၊ စိုက်ရှု လို့ သိတဲ့မသိ မဟုတ်ပါဘူး။ စိတ်ထဲမှာ သတိ၊ သမာဓိ၊ ပညာတွေ အားကောင်းလာလို့ သိသွားတဲ့သဘောပါ။ ဒီ ပညာဟာ လုပ်ယူလို့ရတဲ့ ပညာလည်း မဟုတ်ပါဘူး။ သုတဉာဏ်ကို အခြေခံထားတဲ့ သဘာဝတရားအရ စိတ် အားရှိလာလို့ ဖြစ်လာတဲ့ ပညာသာဖြစ်ပါတယ်။
မျက်စိမှိတ် ထိုင်ပြီးရှုမှတ်တာကလည်း ကောင်းပါတယ်။ ဉာဏ်တော့ ပါဖို့လိုတာပေါ့လေ။ ဉာဏ်မပါရင် တော့ အာရုံကိုအတင်းရှာနေရလိမ့်မယ်။ ဝိပဿနာဆိုတာစောင့်ကြည့်တာသာဖြစ်တယ်။ စိုက်ကြည့်တာမဟုတ် ဘူး။ စိုက်ကြည့်တာက ပင်ပန်းတယ်။ စောင့်ကြည့်တာက သက်သာတယ်။ စိုက်ကြည့်တာကအာရုံကျဉ်းတယ်။ စောင့်ကြည့်တာ အာရုံကျယ်ပြန့်တယ်။ အာရုံအများနဲ့ဆက်ဆံရတော့ ဉာဏ်လည်းထက်တယ်။ အမြင်လည်းပို ရှင်းတယ်။ တစ်လောကလုံးအထိမြင်နိုင်ပါတယ်။ စိုက်ကြည့်တာကတော့ စိုက်ကြည့်တာမှတစ်ပါး တစ်ခြားနေ ရာတွေကို မမြင်နိုင်ပါဘူး။
ဝိပဿနာဆိုတာသက်သာတယ်။ အေးအေးလူလူစောင့်ကြည့်ရတယ်ဆိုပြီး ဝီရိယကို လျော့မချပစ်ရပါ ဘူး။ အဲဒ်ီလိုလျော့ချလိုက်ရင် ထိန၊ မိဒ္ဓဖြစ်လာနိုင်ပါတယ်။ ဘယ်အရာမှ အစွန်းမရောက်ပါစေနဲ့။ မိမိစိတ်ကြည် လင်နေလား၊ မကြည်လင်ဘူးလားဆိုတာကို သတိထားပြီးချိန်ယူရပါတယ်။ အဲဒ်ီလိုချိန်ယူတတ်ဖို့ကတော့ များ များအားထုတ်ပြီး အတွေ့ကြုံများများရှိမှ ဖြစ်နိုင်မှာပါ။
တစ်ခါတလေမှာ စိတ်ဟာအရမ်းကို ယောက်ယက်ခတ်နေတတ်ပါတယ်။ အဲဒီစိတ်ကို သမထနည်းနဲ့သိ ပြီး ထိန်းလို့ရသွားတာ ရှိသလို၊ သိလေ၊ ရုန်းလေ၊ ပိုကြွလေလည်းကြုံရတတ်ပါတယ်။ အလိုက်သင့် စိတ်လျော့ ပြီး စောင့်ကြည့်လို့ ငြိမ်သွားတာလည်း ရှိပါတယ်။ သင့်သလိုပဲ အသုံးပြုသွားရမှာပေါ့။ အမြဲတမ်းပုံသေသတ်မှတ် ထားလို့ ရချင်မှ ရမှာပါ။ မုဆိုးစိုင်သင်ဆိုသလို အလုပ်ကသင်သွားပါလိမ့်မယ်။ ဉာဏ်ကသင်သွားပါလိမ့်မယ်။
သဘောပေါက်တဲ့ ဉာဏ်၊ ပွင့်လင်းတဲ့ ဉာဏ်ရနေပြီဆိုရင်တော့ တကယ်ပေါ့ပါးလွတ်လပ်ပါပြီ။ အရိယာ ဖြစ်နေပြီ၊ ဖြစ်ရမယ့် အခြေနေလို့ ပြောတာမဟုတ်ပါဘူး။ သူ့အဆင့်နဲ့သူတော့ သဘာဝတရားကြီးကို နောကျေ အောင် နားလည်သွားလို့ပါ။ နောက်ဆုံးကိလေသာစိတ်ကိုတောင် မကြောက်တော့ပါဘူး။ လောကဓံဆိုတာကို လည်း မကြောက်တော့ဘူး။ သေမှာကိုလည်း မကြောက်တော့ပါဘူး။
ဒါဟာဝိပဿနာဉာဏ်ကြောင့် ရရှိလာတဲ့ အကျိုးတရားတွေဖြစ်တယ်။ ဒီဉာဏ်ကိုတော့ စကားလုံးနဲ့ ပုံ ဖော်ပြလို့မရနိုင်ဘူး။ သကြားမစားဖူးတဲ့လူတစ်ယောက်ကို သကြားချိုတယ်လို့ပြောရင် သူစကားလုံးကိုသာ ကြားမှာပါ။ စိတ်ထဲမှာတော့ သူစားဖူးတဲ့ ထန်းလျက်အချို၊ သစ်သီးအချိုမျိုးဖြစ်မှာပဲဆိုပြီး တွေးထင်နေနိုင်ရုံပဲ တတ်နိုင်ပါတယ်။ သကြားကို စားကြည့်မှသာ ' သြော်…ဒ်ီလိုချိုတာပါလားလို့ ' သဘောပေါက်မှာပါ။
ဒီတော့ ဝိပဿနာရှုတဲ့ယောဂီတွေ မိမိတို့ အမှန်တကယ်အောက်ခြေဉာဏ်ပိုင်ပိုင်နဲ့ ဖြစ်ပျက် ရှုနေပြီဆို ရင် လွတ်လပ်မှုအတန်သင့်ရနေရပါမယ်။ မရသေးဘူးဆိုရင်တော့ မိမိဉာဏ်ကို မိမိပြန်စစ်ပါလို့ပဲ ပြောပါရစေ တော့။
အရှင်ပညာသီရိ ( ရမ္မာကျွန်း )
{ ၂၀၁၁ ခုနှစ် ၊ ဖေဖော်ဝါရီလ ၊ အတွဲ ( ၁၂ ) ၊ အမှတ် ( ၂ ) ၊ အပ္ပမာဒ ဓမ္မရသ မဂ္ဂဇင်း }

" ဝိပဿနာဆိုတာ ဘာလဲ?"

" ဝိပဿနာဆိုတာ ဘာလဲ?" စာရေးသူ=အရှင်ဝိမလဝံသ(နာလန္ဒာတက္ကသိုလ်)
************************
ဝိပဿနာဆိုတာဟာ အရှိကိုအရှိတိုင်းမြင်တဲ့ ဥာဏ်ပါပဲ။ စာစကားနှင့်ပြောရရင် ပရမတ္ထသဘာဝကို ပရမတ် သဘာဝအတိုင်း မြင်တဲ့ဥာဏ်ပါပဲ။ ယနေ့မြင်နေကြတာက ပရမတ်သဘာဝကို ပညတ်အပေါ်ကဖုံးပြီး မြင်နေကြ ပါတယ်။ အဲဒီပညတ်အဖုံးကိုခွာပြီး ပရမတ်အတိုင်း မြင်တဲ့ဥာဏ်ကို ဝိပဿနာဥာဏ်လို့ခေါ်ပါတယ်။ သတ္တဝါတွေမှာ အဖုံး(၄)မျိုး ဖုံးထားခြင်း ကွယ်ထားခြင်း ခံနေရပါတယ်။ အဲဒါတွေက ဘာတွေလဲလို့ဆိုတော့
(၁)။ နာမည်ပညတ်ခေါ်တဲ့ အမည်ဖုံးနေခြင်း။
(၂)။ သန္တတိပညတ်ခေါ်တဲ့ အစဉ်အတန်းဖုံးနေခြင်း။
(၃)။ သမူဟပညတ်ခေါ်တဲ့ အပေါင်းအစု ဖုံးနေခြင်း။
(၄)။ သဏ္ဌာနပညတ်ခေါ်တဲ့ အသွင်သဏ္ဌန်ဖုံးနေခြင်းတို့ဖြစ်ပါတယ်။ ဒီလေးမျိုးဖုံးထားခြင်း ခံနေရတဲ့အတွက် အမှန်တကယ်အရှိကို မမြင်နိုင်ဘဲ ဖြစ်နေကြတယ်။
၁။ လောကမှာ အရာဝတ္ထုမှန်သမျှတွေဟာ တကယ်ကတော့ ပရမတ်တွေချည်းဖြစ်ကြပါတယ်။ဒါကိုပင် နာမည် မတပ်ရင် ခေါ်လို့မဖြစ်တော့ ၊စကားပြောလို့မဖြစ်တော့၊ (ငါ၊ သူ၊တစ်ပါး၊ ယောင်္ကျား၊ မိန်းမ၊ မောင်ဖြူ၊ မောင်မဲ၊ မချော) စသည်ဖြင့် နာမည်အသီးသီးတပ်ကြပါတယ်။ ကြာတော့ သတ္တဝါတွေဟာ မူလပရမတ်အပေါ် စိတ်မရောက်ဘဲ နာမည်တင်ပဲ စိတ်စွဲသွားတော့တယ်။ နာမည်ကို ရိုးရိုးစွဲရုံတင်မကဘဲ တချို့ဆိုရင် နာမည်ကပဲ ခိုက်တယ်။ နာမည်ကပဲ အကျိုးပေးတယ်ဆိုပြီး နာမည်ပြောင်းရတာနဲ့ ရွေးရတာနဲ့ ရှုပ်ကုန်တော့တာပါ။ ဒါဟာ မူလ(ခန္ဓာငါးပါး- တနည်း- ရုပ်တရား၊ နာမ်တရား လို့ခေါ်တဲ့ ပရမတ်)ကို မမြင်အောင် (မောင်ဖြူ၊ မောင်မဲ) စတဲ့ နာမည်ပညတ်က ပရမတ်အမှန်ကို ဖုံးလိုက်တာပါ။
၂။ “သန္တတိပညတ်ခေါ်တဲ့ အစဉ်အတန်းဖုံးနေတယ်” ဆိုတာက ပရမတ္ထသဘာဝ အစစ်အမှန်ဟာ တစ်ခုနှင့် တစ်ခု တစ်စပ်တည်းမဟုတ်ဘူး။ (အပြတ်တွေ) ဖြစ်ကြပါတယ်။ ဒါပေမယ့် တစ်ဆက်တည်းလို့ထင်ရလောက် အောင် ဖြစ်ပျက်မှုက မြန်လေတော့ ဥာဏ်က ထိအောင်မစူးစိုက်နိုင်လို့ တဆက်တည်း ထင်မှတ်နေကြတယ်။ မီးစ တစ်ခုကို ညဥ့်အခါ လူတစ်ယောက်က အဝေးကနေပြီး စက်ဝိုင်းဖြစ်အောင် မြန်မြန်လှည့်ပြရင် မသိတဲ့သူက မီးစက်ဝိုင်းလို့ ထင်ရသလိုပါပဲ။ဒါဟာ ပရမတ်အမှန်ကို သန္တတိပညတ်က ဖုံးလိုက်တဲ့သဘောပါပဲ။
၃။”သမူဟပညတ်ခေါ်တဲ့ အပေါင်းအစုကနေဖုံးနေပုံ” ကိုတော့ ဒီလိုမှတ်သားရပါမယ်။ ပရမတ်သဘာဝမှာ ရုပ်တွေလဲ သူ့ဘာသူ၊ သူ့ကလာပ်စည်းနှင့်သူ တစ်ခုပြီးမှ တစ်ခုဖြစ်နေကြတယ်။ စိတ်တွေလဲ တစ်စိတ်ပြီးမှ တစ်စိတ်ဖြစ်နေကြတယ်။ အပေါင်းအစုရယ်လို့ မရှိပါဘူး။ ဒီလိုမရှိပါဘဲလျက် အပေါင်းအစုရယ်လို့ ထင်မှတ် နေကြတယ်။ အထူးသဖြင့် ရုပ်အပေါ်မှာ ရုပ်တုံးကြီးပဲ ရုပ်ခဲကြီးပဲလို့ ထင်မှတ်နေကြတာဟာ သမူဟပညတ် အဖုံးခံရတာပါပဲ။
၎။သဏ္ဌာနပညတ်ခေါ်တဲ့ သဏ္ဌာန်အသွင် ဖုံးပုံကတော့ ပရမတ္ထသဘာဝမှာ ယောက်ျားသဏ္ဌာန်၊ မိန်းမသဏ္ဌာန် ခွေးသဏ္ဌာန်၊ ငှက်သဏ္ဌာန်၊ လက်သဏ္ဌာန်ရယ်လို့ မရှိပါဘူး။ အဝိုင်း လေးထောင့် ဆိုတဲ့ သဏ္ဌာန်တွေလဲ မရှိပါဘူး။ ဒီသဏ္ဌာန်တွေဆိုတာက ပရမတ္ထသဘာဝရဲ့ တည်နေဟန်ကို လိုက်ပြီး ခေါ်နေကြတာ၊ တကယ်အရင်းခံ ပရမတ်ကတော့ သဏ္ဌာန်အနေဖြင့် မရှိပါဘူး။ ဒါကို ဥပမာဖြင့်ပြရရင် မြေမှုန့်တွေကိုစု၊ ရေနှင့်နယ်၊ ပြီးတော့ အမှုန့်တွေကို နွားရုပ်လုပ်ရင်နွားရုပ်လို့ ခေါ်နိုင်တယ်။ လူရုပ်လုပ်ရင် လူရုပ်လို့ခေါ်နိုင်တယ် လုပ်ချင်ရာအရုပ်တွေလုပ်ပြီး ခေါ်နိုင်ကြတယ်။ ဒါပေမယ့်တကယ်အရင်းခံကတော့ မြေမှုန့်အစစ်သာ ဖြစ်တယ်။ ဒါကိုပင် သူ့တည်နေဟန်ကိုလိုက်ပြီး အမျိုးမျိုးခေါ်နေကြတာဖြစ်ပါတယ်။ ဒီဥပမာနှင့်တထပ်တည်းပင် ပရမတ်တွေကိုလဲ သူတို့တည်နေဟန်ကိုလိုက်ပြီး လူလို့ခေါ်ချင်ခေါ်ကြတယ်။ နတ်လို့ခေါ်ချင်ခေါ်ကြတယ်။ အိမ် ကျောင်း၊ ဇရပ်အသီးသီးခေါ်ကြတယ်။ ဒါပေမယ့် မူလပရမတ်ကတော့ လူလည်းမဟုတ်၊ နတ်လည်းမဟုတ်၊ အိမ်၊ကျောင်း၊ ဇရပ်လည်းမဟုတ်ဘူး။ သတ္တဝါတွေဟာ ဒီသဏ္ဌာန်တွေကိုချည်း မျက်မှန်း တန်းမိနေတာက ကမ္ဘာအနမတဂ္ဂ ကြာလေတော့ အမှားကြာတော့ အမှန်ဖြစ်တာလို တကယ် ပရမတ်တွေကိုတော့ မမြင်လိုတော့ဘဲ သဏ္ဌာန်ပညတ်တွေ အပေါ်မှာ ထင်မြင်စွဲလမ်း နေကြတယ်။ ဒါဟာ ပရမတ်အမှန်ကို သဏ္ဌာန်ပညတ်ဖုံးတာပဲ။
“ဝိပဿနာဆိုတာဘာလဲ” ဆိုတဲ့ အမေးကို ပေါင်းပြီး ဖြေရရင် အမှား အဝိဇ္ဇာကြီးဖုံးထားတာကိုခွာပြီး အမှန် ပရမတ် အပေါ်မှာ(တစ်နည်း) ပင်ကိုယ်အရှိတရားအပေါ်မှာ အဲဒီအရှိတရားရဲ့ ပင်ကိုယ်သဘောကို မြင်ခြင်း၊ ကြည့်ခြင်းဖြစ်တယ်လို့ပြောရပါမယ်။ ပရမတ္ထသဘာဝတွေဟာ ပင်ကိုယ်သဘာဝအားဖြင့်ဖြစ်ပြီး ဖြစ်လိုက်၊ ပျက်လိုက်နေပါတယ်။ ဝိပဿနာဥာဏ်ဆိုတာက အဲဒီအမှန်သဘာဝကို အမှန်အတိုင်းရှုမြင်မှုသာဖြစ်ပါတယ်။ ကိုယ်လိုချင်သလိုဆွဲပြီး ကြည့်တဲ့ဥာဏ်မျိုးမဟုတ်ဘဲ အရှိကို အရှိတိုင်း ကြည့်တဲ့ဥာဏ်မျိုးဖြစ်ပါတယ်။ (တစ်နည်း) နိဗ္ဗာန်ရောက်ကြောင်းလက်တွေ့ကျင့်စဉ်သည် (ဝိပဿနာ)ပင်ဖြစ်သည်။ ဝိပဿနာဟူသည် ဝိ= အထူး၊ ပဿ= ရှုကြည့်ရခြင်း၊ (ဝိပဿနာ) ဟူသည် (ရုပ်-နာမ်) တို့၏ ဖြစ်ခြင်း၊ ပျက်ခြင်းကို ရှုကြည့်ရခြင်းပင် ဖြစ်ပါသည်။
“ခန္ဓာဒိ သင်္ခတဓမ္မေ၊ အနိစ္စာဒိ ဝိဝိဓာကာရေန ပဿတီတိ ဝိပဿနာ”၊ “ ပညတ္တိံဌပေတွာ အနိစ္စာဒိကာရေန ဝိဝိဒံပဿတီတိ ဝိပဿနာ” (မဟာသတိပဋ္ဌာနသုတ်)
ဟူ၍ပြဆိုထားရာ၊ (ဝိပဿနာ)ဟူသည် (နိဗ္ဗာန်)ရောက်ကြောင်းအတွက် (ပညတ်) တို့ကို ပယ်ခွာပြီး (ရုပ်နာမ်)တို့၏ (အနိစ္စ) မမြဲခြင်း၊ (ဒုက္ခ) ဆင်းရဲခြင်း၊ (အနတ္တ) အစိုးမရခြင်း၊ ကိုယ့်အလို မဟုတ် ခြင်း စသည့် အထူးထူးအပြားပြားသော အခြင်းအရာတို့ကို (ဥာဏ်)ဖြင့်မြင်အောင် ရှု့ကြည့်ခြင်းသည် (ဝိပဿနာ) မည်ပါတယ်လို့ ဖြေကြားလိုက်ရပါမယ်။
ဒီဝိပဿနာဥာဏ်ဟာ ဆင်ခြင်ပုံ အဆင့်ဆင့်ကို လိုက်ပြီး အသီးသီးဥာဏ်စဉ် ၁၀-ပါး ရှိပါတယ်။ ပရမတ်တရား တွေကို မူလအခြေခံအားဖြင့် အာရုံဆီသို့ ညွတ်တတ်သော သဘောကတစ်မျိုး၊ မာသဘော၊ ပူသဘော၊ အေးသဘော၊စတဲ့ သဘောကတစ်မျိုးလို့ သိခြင်းကို နာမ်နှင့် ရုပ် ပိုင်းခြားသိတဲ့အတွက် (နာမရူပပဋိစ္ဆေဒဥာဏ်) လို့ခေါ်တယ်။ ပြီးတော့ နာမ် တရား၊ ရုပ်တရားဆိုတာ သူ့အလိုလို ဖြစ်တာမဟုတ်ဘဲ အကြောင်းကြောင့် ဖြစ်တယ်လို့ စသည်ဖြင့် အကြောင်းနှင့်တကွ ပိုင်းခြာသိတဲ့ဥာဏ်ကိုတော့ (ပစ္စယပရိဂ္ဂဟဥာဏ်) လို့ခေါ်တယ်။ ဒီဥာဏ်နှစ်ပါးကိုတော့ ဝိပဿနာရဲ့ အခြေခံဥာဏ်လို့မှတ်ရပါမယ်။ ဒီဥာဏ်နှစ်ပါးကိုရရင် စူဠသောတာပန်လို့ ခေါ်ပါတယ်။ ဒုတိယဘဝမှာ ဂတိမြဲပြီး အပါယ်မကျတဲ့ သောတာပန်အငယ်စားလို့ ခေါ်ပါတယ်။ ဒီအထက်က ဝိပဿနာဥာဏ်များကတော့
၁။ သမ္မသနဥာဏ်။ (၂)။ ဥဒယဗ္ဗယဥာဏ်။ (၃)။ဘင်္ဂဥာဏ်။ (၄)။ဘယဥာဏ်။ (၅)။ အာဒီနဝဥာဏ်။ (၆)။နိဗ္ဗိဒါဥာဏ်။ (၇)။ မုဉ္စိတုကမျတာဥာဏ်။ (၈)။ ပဋိသင်္ခါဥာဏ်။ (၉)။ သင်္ခါရုပေက္ခဥာစ်။ (၁၀)။ အနုလောမဥာဏ် ဆိုပြီး ဝိပဿနာဥာဏ် ဆယ်ပါးရှိပါတယ်။ ဒီလို တစ်ပါးတည်းသော ဝိပဿနာဥာဏ်က (၁၀) ဖြစ်ရတယ်ဆိုတာဟာ ဥာဏ်ရဲ့မြင်ပုံ အခြင်းအရာ အနုအရင့်ကိုလိုက်ပြီး ကွဲပြားရတယ်လို့ မှတ်ရပါမယ်။ နာမည်တပ်ထားခြင်းသာဖြစ်ပါတယ်။ ဒီဝိပဿနာဥာဏ်တွေဟာ လောကီဥာဏ်တွေသာ ဖြစ်ပါတယ်။ လောကုတ္တရာဥာဏ် မဟုတ်သေးပါဘူး။ မဂ်ဥာဏ် ဖိုလ်ဥာဏ်ကူးမှ လောကုတ္တရာဥာဏ်တွေ ဖြစ်ပါတယ်။
မဂ်ဥာဏ်သို့ကူးပုံ
အနုလောမဥာဏ်ကို ရောက်ရင် မဂ်သို့ကူးတော့မည်ဟု မှတ်ရပါမယ်။ အဲဒီအခါမှာ စိတ်ကလေးဖြစ်ပုံကို အဘိဓမ္မသင်္ဂဟကျမ်းမှာ ပြထားတာရှိပါတယ်။ ပါဠိတော်ကို မပြတော့ပါဘူး။ အနုလောမဥာဏ်ဖြစ်ပြီးရင် ပုထုဇဉ်အနွယ်ကို ဖြတ်လျက် အရိယာအနွယ်ကို ဖြစ်စေတတ်တဲ့ ဂေါတြဘူစိတ်ဖြစ်ပါတယ်။ ဒီစိတ်ဟာ နိဗ္ဗာန်အာရုံပြုပါတယ်။ ဒါပေမယ့် အဲဒီ ဂေါတြဘူစိတ်ဟာ လောကီ မဟာကုသိုလ်စိတ်ပဲ ဖြစ်ပါသေးတယ်။ အဲဒီနောက်မှာ မဂ်စိတ်ဖြစ်လာပုံက ဒီလိုပါ။ အဲဒီ ဂေါတြဘူဥာဏ်ရဲ့အခြားမဲ့မှာ သိ၊ ပယ်၊ဆိုက်၊ ပွား (၄)ပါး ကိစ္စကို တစ်ချက်တည်း ပြီးစေတဲ့ မဂ်စိတ်ဖြစ်ပေါ်လာပါတယ်။ အဲဒီမဂ်စိတ် တစ်ကြိမ်ဖြစ်ပြီး ဖိုလ်စိတ် ၂-ကြိမ်၊ ၃-ကြိမ်ဖြစ်ပြီးနောက် ဘဝင်ကျပါတယ်။ အဲဒီ ဖိုလ်စိတ်လည်း နိဗ္ဗာန်ကိုပဲအာရုံပြုပါတယ်။ အဲဒီလို မဂ်စိတ် ဖိုလ်စိတ်တွေနဲ့ နိဗ္ဗာန်ကို အာရုံပြုတာကိုပင် နိဗ္ဗာန်သို့ ရောက်တယ်လို့ဆိုပါတယ်။ လူကနိဗ္ဗာန်ကိုရောက်သွား တာ မဟုတ်ပါဘူး။ သေပြီးမှ နိဗ္ဗာန်ကို ရောက်သွားတာမဟုတ်ဘူး။ ဒီလိုတစ်ကြိမ်မျှ နိဗ္ဗာန်ကိုမြင်လိုက်ရင် ဒိဋ္ဌိ၊ ဝိစိကိစ္ဆာပြတ်ပြီး သောတာပန်တည်တယ်။ အပါယ်တံခါးလည်းလုံးဝ ပိတ်တယ်။ (၇)ဘဝ အလွန်ဆုံး သံသရာမှာ လည်ပြီး အထက်တန်းကျကျ စံစားပြီးနောက် နိဗ္ဗာန်ဝင်မည့် သေချာသူဖြစ်ပါတယ်ဆိုတာ အသိပေးရေးသားလိုက်ရပါသည်။
စာဖတ်သူအားလုံး သက်ရှည်ကျန်းမာစိတ်ချမ်းသာ၍ လိုရာဆန္ဒများတစ်လုံးတစ်ဝတည်းပြည့်ဝကြပါစေ။
Credit=အရှင်ဝိမလဝံသ(နာလန္ဒာတက္ကသိုလ်)

Sunday, April 10, 2016

Emotion Management & Mindful Compassion တရားပွဲသင်တန်း (Part 6 - C)

Emotion Management & Mindful Compassion တရားပွဲသင်တန်း (Part 6 - C)
☆☆☆☆☆☆☆☆☆☆☆☆
(စိတ်တောရိုင်းတိရိစ္ဆာန်)
🔯 mindful compassion ဆိုတာ
mindful က "သတိပဋ္ဌာန်"
compassion က "ကရုဏာ" သတိပဋ္ဌာန်အခြေခံတဲ့ ကရုဏာ။
ဒီဟာကို အသုံးပြုပြီးတော့ negative emotion ကို manage လုပ်တာ။ ဒါက ကိုယ့်ဟာကိုယ် ကြည့်ပြီးတော့ ပြန်သနားတတ်ဖို့ပါ။
★ ကိုယ်မကြိုက်တဲ့ဟာတွေ ကြားရတယ်ဆိုရင် သဘာဝ တုံ့ပြန်မှုကတော့ survival instinct ဆိုတာရှိတယ်။ ဒါကတော့ သိပ္ပံပညာရှင်တွေ ပြောတာ။ survival instinct (အသက်လွတ်အောင် သူ့သဘာဝအရ ဖြစ်ပေါ်လာတဲ့ တုံ့ပြန်မှု chemical ဓာတ်တွေ)။
★ ခန္ဓာကိုယ်ထဲမှာရှိတဲ့ survival instinct က ဘယ်လိုဖြစ်ပေါ်လာတုန်းဆိုရင် fight or flightပဲ။
Fight က ရင်ဆိုင်ပြီးတော့ ရန်ဖြစ်တယ်ပေါ့။ တိုက်ခိုက်တယ်။
Flight က ထွက်ပြေးတာ။
ဒီနှစ်ခုကိုပဲ survival instinct ဆိုပြီးတော့ သိပံ္ပပညာရှင်တွေက ပြောကြတာ။
★ ဥပမာ လူတစ်ယောက်က ကိုယ့်အိမ်ရဲ့ မှန်တံခါးကို လာခွဲတယ်ဆိုရင် ၊ ကျောက်ခဲနဲ့လာပစ်တယ်ဆိုရင် survival instinct reaction (အသက်လွတ်အောင် သဘာဝအရ ခုခံ တုံ့ပြန်မှု) ရှိမှာပဲ။ တုံ့ပြန်မှုရှိမှာပဲ။
★ ဒီ တုံ့ပြန်တဲ့နေရာမှာ အများစုကတော့ လိုအပ်တာထက် ပိုပြီးတော့ တုံ့ပြန်တယ်။ တစ်နည်းအားဖြင့် ပြောမယ်ဆိုရင် survivial instinct ဆိုတာကို သတိပဋ္ဌာန်နဲ့ကြည့်ရင် ဒီ instinct - (လူတွေမှာ သဘာဝရှိတဲ့ တုံ့ပြန်မှု သဘောတရားလေး)က emergency (အရေးပေါ်အခြေအနေ) မှာပဲ သုံးတာ။
★ Negative emotion က ဘာနဲ့ တူတုန်းဆိုတော့ တောရိုင်းတိရိစ္ဆာန်နဲ့တူတယ်။ တောထဲကို ဘာမှ ပြင်ဆင်မထားဘဲနဲ့ ဒီအတိုင်းဝင်သွားတယ်။ ဒီတောထဲမှာ ဘာတိရိစ္ဆာန်တွေရှိတယ်ဆိုတာ ကြိုတင်ပြီးတော့ လေ့လာမထားဘူး။ မြေပုံကြည့်မထားဘူး။ အကာအကွယ်ယူမသွားဘူး။ ဒီအတိုင်းဝင်သွားတယ်။ ၀င်သွားပြီးတော့ ဒီသစ်ပင်တွေ တောတောင်တွေ လှလိုက်တာ။ ဒီပန်းတွေ လှလိုက်တာ၊ ရေကန်တွေ လှလိုက်တာဆိုပြီးတော့ ထိုင်ပြီးတော့ သဘာဝကို enjoy လုပ်ဖို့ (ကြည့်ရှုခံစားဖို့),လုပ်နေတုန်း ဘယ်ကနေလာမှန်းမသိဘူး။ တောရိုင်းတိရိစ္ဆာန်တစ်ကောင်က ထွက်လာတယ်။
★ အဲ့ဒီအချိန်မှာ ဘာလုပ်မှာတုန်းဆိုတော့ survival instinct က ချက်ချင်း ထွက်လာတယ်။ တကယ်လို့ အကောင်က သေးတယ်ဆိုရင် ဒီလူက ချက်ချင်း အဲ့ဒီ သားကောင်ကို သတ်ပစ်မယ်။ ဒါ သူ့ရဲ့ survival instinct ။ အကောင်က နည်းနည်းကြီးတယ်။ ဘယ်လိုလုပ်ရမယ်မသိဘူးဆိုရင် သူကထွက်ပြေးမယ်။ ဒါက Fight or Flight။
★ ဒီ ခန္ဓာကိုယ်ထဲမှာရှိတဲ့ negative emotion တွေလည်းပဲ သူက တောရိုင်းတိရိစ္ဆာန်လိုပဲ ဘယ်ကနေ ပေါ်လာမှန်း မသိဘူး။ အစည်းအဝေးထိုင်နေရင်းနဲ့ လာတာ။
★ ကိုယ်က ကျကျနန ပြင်ဆင်ပြီးတော့လာတယ်။ အ၀တ်အစားကျကျနန ပြင်ဆင်လာတယ်။ အစည်းအဝေးတက်ဖို့ ပြင်ဆင်လာတယ်။
လူတွေ ကြားထဲမှာ တစ်ယောက်ယောက်က ကိုယ်ပြောတဲ့ဟာလက်မခံဘူး။
ဒါမှမဟုတ် သူပြောတာ ကိုယ် မကြားချင်ဘူး။ လက်မခံဘူးဆိုရင် ဒါက တောရိုင်းတိရိစ္ဆာန် ဘယ်ကနေထွက်ပေါ်လာမှန်းမသိဘူး။ ထွက်ပေါ်လာတယ်။
★ ဒါ့ကြောင့် ဒီ negative reaction ရှိတဲ့ ပုထုဇဉ်လူသားများဟာ တောထဲမှာ တောရိုင်းတိရိစ္ဆာန်နဲ့ အတူတူနေရတဲ့ ပုဂ္ဂိုလ်တွေ ဖြစ်ပါတယ်။ wild animal.
(ဘုန်းကြီးရေးတဲ့ စာအုပ်တစ်အုပ်။ Different aspect of mindfulness ဆိုတာ စာအုပ်ကတော့ ကုန်သွားပြီ။ ဒါပေမယ့် အင်တာနက်ပေါ်မှာရှိတယ်။
ဒီအကြောင်းလေး နည်းနည်းရေးထားတယ်။ Survival instinct နဲ့ ဒီ တောရိုင်းတိရိစ္ဆာန် နဲ့ negative emotion အကြောင်း။ ပြီးခဲ့တဲ့ (၁၇) နှစ်လောက်က ရေးထားတဲ့ စာအုပ်ဖြစ်ပါတယ်။)
★ Survival instinct ကြောင့် ထွက်ပြေးလိုက်တာ။ လွတ်သွားတယ်။ လွတ်သွားပြီးတော့ တစ်နေရာမှာ အနားယူတယ်။ ပြန်ပြီးတော့ recharge လုပ်တယ်။ အနားယူတယ်။ ဟာ.. လှလိုက်တာ။ ဒီနေရာလေး။ တော်သေးတယ်ဟေ့ ..
★ ပထမအကြိမ် ပြေးတယ်ဆိုတော့ ခပ်မြန်မြန်ပြေးနိုင်တယ်။ နောက်ပြီးတော့ အနားယူတာလည်းပဲ ခပ်မြန်မြန်ပြန်ပြီးတော့ အားတွေ ပြန်ပြည့်လာတယ်။
★ ဒါပေမယ့် ဘေးနားမှာ တောရိုင်းတိရိစ္ဆာန်တွေ ရှိတယ်ဆိုတာ သတိမထားမိဘူး။ ထိုင်ပြီးတော့ enjoy လုပ်နေတုန်း တောရိုင်းတိရိစ္ဆာန် ထပ်ပေါ်လာတယ်။
★ ဒီလိုပဲ အိမ်ကနေ အလုပ်သွားနေတယ်။ စိတ်က အလုပ်မှာ ရောက်နေတယ်။ အလုပ်ပဲ ရောက်နေတယ်။ ကားကြပ်တယ်။ (traffic ဖြစ်တယ်။) အဲ့ဒါကို သတိမထားမိဘူး။ သတိမထားမိတော့ negative reaction က သူ့ဟာသူ ဖြစ်ပေါ်လာတယ်။ ဒါ တောရိုင်းတိရိစ္ဆာန်။
သတိမထားမိလို့ သူ့ဟာသူ ဖြစ်လာတယ်။
★ သတိထားမိတယ်ဆိုရင် အဲ့ဒီ negative reaction က မလိုအပ်ဘူးတဲ့။ choice ရှိတယ်။ (ရွေးချယ်စရာရှိတယ်။)
သတိရှိတဲ့ ပုဂ္ဂိုလ်မှာ ရွေးချယ်စရာရှိတယ်။ သတိမရှိတဲ့ပုဂ္ဂိုလ်မှာ ရွေးချယ်စရာမရှိဘူး။
★ သတိရှိရင်တော့ ဒီ negative reaction ဘယ်လောက်အထိပဲ ဖြစ်မယ်။ နောက် မဖြစ်ရင်လည်း ရတယ်။ ဖြစ်မယ်ဆိုရင်လည်း ဘယ်လို manage လုပ်မယ်။ အဲ့ဒါတွေလည်း choice တွေ အများကြီးရှိတယ်။ သတိမရှိတဲ့ ပုဂ္ဂိုလ်ကျတော့ ဒီလိုပဲ ဒရွတ်တိုက် ပါသွားပါတယ်တဲ့။ ဒီ negative reaction ဆွဲခေါ်ရာနောက်ကို ပါသွားတယ်။
★ ကားပေါ်မှာ ကားကြပ်လို့ သားရိုင်းတစ်ကောင် တိုက်ခိုက်တာ ခံရပြီ။
• တယ်လီဖုန်းမြည်တယ်။ ဟိုက လှမ်းခေါ်တယ်။ မရောက်သေးဘူးလား။ pressure နောက်တစ်မျိုးဆိုတော့ တောရိုင်းတိရိစ္ဆာန် နောက်တစ်ကောင် ၀င်လာတယ်။
● နောက် .. မရောက်သေးဘူးလား.. တယ်လီဖုန်း ခဏ ခဏလာတယ်။
● မနေ့ကအလုပ်တွေ
● မနက်ဖန် အလုပ်တွေ
အဲ့ဒီလို ဟာတွေနဲ့ စုပြုံပြီး ၀င်လာရင်
တောရိုင်း တိရိစ္ဆာန် များတယ်ဆိုရင်လေ
You get overwhelm အဲ့လို ဖြစ်သွားတယ်။
★ ဥပမာတစ်ခု ထပ်ပေးဦးမယ်။ မိလိန္ဒပညာထဲမှာ ပါတယ်။ Spider (ပင့်ကူကောင်)။ သတိရှိတဲ့ ပင့်ကူကောင်ဆိုရင် သူ့အိမ်ဆောက်ပြီးရင် သူ အလယ်တည့်တည့်မှာ နေတယ်။ အလယ်တည့်တည့်မှာနေလို့ ဒီ တောရိုင်း တိရိစ္ဆာန်ပဲ ဆိုပါတော့ ပိုးမွှားလေးတွေ တစ်ကောင်ကျလာပြီဆိုရင် သူက သွားစားလိုက်ပြီးတော့ အလယ်မှာ ပြန်နေတယ်။ ချက်ချင်း manage လုပ်နိုင်တယ်။ သူ့အိမ်ကို သူ manage လုပ်နိုင်တယ်။
★ အဲ့လိုမဟုတ်ဘဲနဲ့ သူက လျှောက်သွားနေတယ်ဆိုရင် သူကိုယ်တိုင်၊ သူ ဖန်တီးထားတဲ့ vibration တွေနဲ့ ဘယ်ဘက်က အကောင်သေးတွေ ကျတယ်ဆိုတာ သူ မသိနိုင်တော့ဘူး။ မသိနိုင်တော့ ဟိုဘက်ထောင့်ကလည်း တစ်ကောင်ကျ၊ ဒီဘက်ထောင့်ကလည်း တစ်ကောင်ကျ။ နောက်ပိုင်း အကောင်တွေများလွန်းတဲ့အခါကျတော့ သူ deal လုပ်လို့ မရတော့ဘူး။ ကိုင်တွယ်လို့ မရတော့ဘူး။ ဒီလိုနဲ့ overwhelm ဖြစ်သွားတာ။
★ ဒီလိုပဲ မျက်စိဆိုတဲ့ channel ကနေ Stress (စိတ်ဖိစီးမှု) လေး နည်းနည်း စုထားတယ်။ နားဆိုတဲ့ Channel ကနေ Stress ( စိတ်ဖိစီးမှု) နည်းနည်း စုထားတယ်။
နောက် စိတ်ညစ်ညစ်နဲ့ အစားအသောက်စားတယ်။ အစားအသောက် မကြိုက်လို့၊ ကိုယ့်အရသာအတိုင်း ရာနှုန်းပြည့်မရလို့၊ ၆၀% ပဲရတယ်။ ၅၀% ပဲရတယ်။
★ အဲ့ဒါ ပိုးမွှားလေး တစ်ကောင်၊ မဟုတ်ရင်လည်း သားရိုင်းတစ်ကောင် ထပ်ပြီးတော့ ပေါ်လာ။ အဲ့ဒါမျိုးတွေ အများကြီးပေါ်လာတယ်ဆိုရင် နောက်ပိုင်းကျတော့ depression (စိတ်ဓာတ်ကျတာ) ဖြစ်သွားတာပဲ။
★ ဘယ်ကနေ စလို့ စရမှန်း မသိတော့ဘူး။ ဒါ့ကြောင့် အိမ် ရှိရတယ်တဲ့။ စိတ်ရဲ့ အိမ်၊ emotion ရဲ့ အိမ်။ ထွက်သက် ၀င်သက်မှာ စိတ်ကို ထားတယ်ဆိုရင် စိတ်က ထောက်တည်ရာရှိတယ်။ center ရှိတယ်။ Spider ပင့်ကူက အလယ်ခေါင်မှာ နေပြီးတော့ သူ့အိမ် တစ်ခုလုံးကို သူက အုပ်ချုပ်နေတာ။ ဘယ်ဘယ်ကနေပဲ ကျလာကျလာ။ သူက vibrate message လေးရပြီးတော့ အဲ့ဒါကို သွားပြီးတော့ ကိုင်တွယ်လိုက်တယ်။
★ ဒီအတိုင်းပါပဲ။ မိမိရဲ့ ထွက်သက်ဝင်သက်ကို မိမိ ပြန်ပြီးတော့ connect လုပ်နိုင်တဲ့ ပုဂ္ဂိုလ်၊ (ပြန်ပြီးတော့ ဆက်သွယ်နိုင်တဲ့ ပုဂ္ဂိုလ်)။ အဲ့ဒီပုဂ္ဂိုလ်ကလည်း ဒီ negative emotion တွေ ဘယ်လိုပဲ ပေါ်လာပေါ်လာ။ ပေါ်လာတိုင်း manage လုပ်နိုင်တဲ့ အနေအထားရှိပါတယ်တဲ့။ ဒါကတော့ အာနာပါနသတိကမ္မဋ္ဌာန်းကို ကြော်ငြာတာ။ ဖောင်းတာ ပိန်တာ မှတ်လည်း ရပါတယ်။
ဆက်ရန်...

Emotion Management & Mindful Compassion တရားပွဲသင်တန်း (Part 6 - B)

Emotion Management & Mindful Compassion တရားပွဲသင်တန်း (Part 6 - B)
☆☆☆☆☆☆☆☆☆☆☆☆
(ကိုယ် စိတ်နှစ်ပါး အပန်းဖြေနည်း)
🔯 Your body is exhausted because you tired. The muscles are tense and heavy because over the weeks, over the months, over the years, you have been accumulation a lot of stress. Don't fight with exhaustion. Just accepted and take the celebration for the tired body.
★ ကြွက်သားတွေတင်းနေတာ။
ခေါင်းမှာလည်းပဲ ခေါင်းပေါ်က ကြွက်သားတွေ၊
နဖူးက ကြွက်သားတွေ။
ပခုံးက ကြွက်သားတွေ၊
ကျောရိုးက ကြွက်သားတွေ၊
ခန္ဓာကိုယ် အောက်ပိုင်းက ကြွက်သားတွေ တင်းနေတာ။
အဲ့ဒါ ဒီအတိုင်းပဲ လက်ခံလိုက်ပါ။
အရှိကို အရှိအတိုင်းလက်ခံလိုက်။ ပြုပြင်ဖို့ မကြိုးစားနဲ့။
သူ့အရှိကို အရှိအတိုင်းလက်ခံလိုက်ပါ။
🔯 Don't interfere with the physical process. Just accepted totally with the interfering with the process. Then the body will heal itself. ခန္ဓာကိုယ်က သူ့ဟာသူ healing ရလာလိမ့်မယ်။ အဓိကကတော့ သူ့ကို register (အသိအမှတ်ပြု)လုပ်ပေးရမယ်။ ပင်ပန်းနေတယ်ဆိုတာ register လုပ်ပေး။ ၀င်လေထွက်လေ ကျကျနန ရှုရှိုက်ပေး။ deep and slow breath. Deep, slow and gentle breath.
★ အစာအိမ်ကို စိတ်ပို့လိုက်ပါ။
အစာချေချက်နေတဲ့ အစာအိမ်။ စားလိုက်တဲ့အစာတွေနဲ့ ပင်ပင်ပန်းပန်း အလုပ်လုပ်ရတယ်။ ။
ဝယ်တုန်းကလည်း ရွေးလို့ရတယ်။
ချက်တော့လည်း ရွေးပြီးတော့ ချက်လို့ရတယ်။
ဝါးတော့လည်း ရွေးပြီးတော့ ၀ါးလို့ရတယ်။
ဒါပေမယ့် အစာအိမ်က ရွေးခွင့်မရှိပါဘူး။
အစောပိုင်းက ၀ါးထားသမျှ၊ မြိုထားသမျှ၊ အစာအိမ်က ချက်ရတယ်။
★★ ဒါ့ကြောင့် ဒီလောက်အထိ ပင်ပင်ပန်းပန်းနဲ့ အရေးပါလှတဲ့ အလုပ်ကို လုပ်နေတဲ့ အစာအိမ်ကို ကျေးဇူးတင်တဲ့အနေနဲ့ ၀င်လေထွက်လေ ကျကျနန ရှုရှိုက်ပါ။
အစာအိမ်နားမှာ ရှိတဲ့ ကြွက်သားတွေ တင်းနေတာ ၀င်လေထွက်လေ ကျကျနန ရှုရှိုက်ပြီးတော့ ကြွက်သားတွေ လျော့ပေး ။ (relax) လုပ်ပေး။
★ အခုတစ်ခါ ဦးခေါင်းကို စိတ်ပို့လိုက်ပါ။
ဦးခေါင်းတစ်ခုလုံးမှာ ရှိတဲ့ကြွက်သားတွေ တင်းနေတာ ပင်ပန်းလို့။ စာရေးလို့လည်း ဖြစ်နိုင်တယ်။
စာကြည့်လို့လည်း ဖြစ်နိုင်တယ်။
Facebook တွေ အကြည့်များလို့လည်း ဖြစ်နိုင်တယ်။
ကားမောင်းလို့လည်း ဖြစ်နိုင်တယ်။
အလုပ်ကိစ္စနဲ့ စကားပြောတာများလွန်းလို့လည်း ဖြစ်နိုင်တယ်။ အလုပ်လုပ်လွန်းလို့လည်း ဖြစ်နိုင်တယ်။
မဟုတ်ရင်လည်းပဲ အရက်ရက် အလလက စုထားတဲ့ stress တွေ ကြောင့်လည်း ဖြစ်နိုင်တယ်။
Stress Chemical (စိတ်ဖိစီးမှုဓာတ်) တွေ စုနေတာ။
★★ ၀င်လေထွက်လေ ကျကျနန ရှုရှိုက်ပေး။ ညင်ညင်သာသာ ရှုရှိုက်ပေး။
ဦးခေါင်းက ကြွက်သားတွေမှာ ရှိတဲ့ တင်းမာမှုတွေ လျှော့ပေးပါ။
Let go လုပ်ပါ။ release လုပ်ပါ။ အတင်းတော့ မလုပ်နဲ့။
ညင်ညင်သာသာပဲ အသက်ရှု။ ညင်ညင်သာသာပဲ Register လုပ်ပါ။
ဒါ ခန္ဓာကိုယ်ကို မေတ္တာလက်တွေ့ပွားနေတာပါ။
ဒီ တင်းမာမှုတွေ ပျောက်သွားပါစေ ဆိုပြီးတော့ အတင်း Force လုပ်တဲ့ ပုံစံမျိုး မလုပ်ပါနဲ့။ အဲ့ဒီလို လုပ်ရင် negative reaction ရတတ်ပါတယ်။
★ အခုတစ်ခါ နဖူးရယ်၊ မျက်လုံးနှစ်ဖက် ၀န်းကျင်မှာရှိတဲ့ ကြွက်သားတွေရယ်၊ မျက်နှာတစ်ပြင်လုံးရယ်။ ကြွက်သားတွေတင်းနေတာကို သတိကပ်ထားလိုက်။ ကြွက်သားတွေ တင်းနေတယ်။ လျော့ပေး။ relax လုပ်ပေး။ ၀င်လေထွက်လေ ကျကျနန ရှုရှိုက်ပေး။ လျှာကို ကိုက်မထားနဲ့။ လျှာကို relax လုပ်ထားပါ။
The muscles around your forehead, around your eyes, your cheek both left and right, your chin all the muscles are tense because you are tired. Relax . Place your tongue on the flow of your mouth and breath in and out slowly , gently.
★ ပုခုံး၊ လက်မောင်း၊ တံတောင်ဆစ်၊ လက်နှစ်ဖက်။ နောက် လက်ဖ၀ါး၊ လက်ဖမိုး၊ လက်ချောင်းတွေ။ သူတို့မှာလည်း ကြွက်သားတွေ တင်းနေတာ။ ပင်ပန်းလို့။ လျော့ပေး အနားပေးလိုက်။ ၀င်လေထွက်လေ ကျကျနန ရှုရှိုက်ပေး။ Deep and Slow breath in , deep and slow breath out.
★ အခုတစ်ခါ ကျောရိုးကို အာရုံပို့လိုက်ပါ။ စိတ်ပို့လိုက်ပါ။
ကျောရိုးတစ်လျှောက်မှာ ရှိတဲ့ ကြွက်သားတွေ။ သူတို့လည်း ပင်ပန်းနေတယ်။
နောက် ခါး တစ်လျှောက်လုံးမှာရှိတဲ့ ကြွက်သားလည်း ပင်ပန်းနေတယ်။ ထိုင်တဲ့အခါလည်းပဲ ခန္ဓာကိုယ်တစ်ခုလုံးကို support (ထောက်ပံ့) ပေးရတဲ့ အလုပ်လုပ်ရတယ်။ ရပ်တဲ့အခါလည်း ဒီအတိုင်း၊ လမ်းလျှောက်တဲ့အခါလည်း ဒီအတိုင်း။ အဲ့ဒီတော့ ဒီ ကျောရိုးမှာ ရှိတဲ့ ကြွက်သားတွေ stress တွေကို စုထားတာ။ accumulate လုပ်ထားတာ ပင်ပန်းနေတယ်။ ၀င်လေထွက်လေ ကျကျနန ရှုရှိုက်ပေး။ အနားပေးပါ။ စိတ်လည်းလျှော့။ ခန္ဓာကိုယ်က ကြွက်သားတွေလည်းလျှော့။
★ အခုတခါ ခန္ဓာကိုယ်အောက်ပိုင်း၊
ပေါင်နှစ်ဖက်၊ဒူးနှစ်ဖက်၊ ခြေသလုံး။ ခြေမျက်စိ၊ ခြေဖနောင့်၊ ခြေဖ၀ါး၊ ခြေဖမိုး၊ ခြေချောင်းလေး။ မနားတမ်း အလုပ်လုပ်ရပါတယ်။ break time မရှိဘူး။ လမ်းလျှောက်ရင်လည်းပါတယ်။ ထိုင်ရင်လည်း ပါတယ်။ ရပ်ရင်လည်းပါတယ်။ ခြေသလုံးနဲ့ ပေါင်ကို ဒူးက coordinate လုပ်ပေးရတယ်။ အဲ့ဒီ coordination လုပ်ရတာလည်း နားချိန်မရှိဘူးတဲ့။ အကုန်လုံး ပင်ပန်းနေတာကိုး။ တကိုယ်လုံး ပင်ပန်းနေတယ်။ ၀င်လေထွက်လေ ကျကျနန ရှုရှိုက်ပေး။
★ အခုတစ်ခါ ၀င်လေထွက်လေကို စိတ်မှာ ပြန်ပို့လိုက်ပါ။ ၀င်လေထွက်လေမှာ အသိလေး ကပ်ထားလိုက်။ ညင်ညင်သာသာ အေးအေးဆေးဆေး ၀င်လေထွက်လေရှုရှိုက်ပါ။ ပင်ပန်းနေတဲ့ ခန္ဓာကိုယ် တစ်ခုလုံးကို ကရုဏာနဲ့ကြည့်ပြီးတော့ ၀င်လေထွက်လေ၊ ရှုရှိုက်ပေးပါ။ ဒီကြားထဲမှာ စိတ်သောကတွေ၊ (anxiety) တွေ ၀င်လာတယ်ဆိုရင်လည်း သူ့ကို register လုပ်လိုက်။ (အသိအမှတ်ပြုလိုက်)။ ပြီးရင် ၀င်လေထွက်လေ ဆက်ပြီးတော့ ရှူ၊ ကျကျနန အားရပါးရ အသက်ရှူရှိုက်တယ်ဆိုရင် အဆုတ်ထဲကို အောက်ဆီဂျင် လုံလုံလောက်လောက်ရောက်သွားမယ်။
★ နှလုံးထဲကနေ ရောက်လာတဲ့ သွေးတွေ၊ အဆုတ်ထဲရောက်တဲ့အခါမှာအောက်ဆီဂျင်အပြည့်အ၀နဲ့ ပြန်ထွက်သွား။ တစ်ကိုယ်လုံးရောက်။ ဒီလိုနဲ့ တစ်ကိုယ်လုံး healing တွေ၊ သူ့ဟာနဲ့သူ ဖြစ်လာပါလိမ့်မယ်။ ၀င်လေထွက်လေ ကျကျနန ရှူရှိုက်ပေး။ ခန္ဓာကိုယ်ပင်ပန်းတာ၊ စိတ်ပင်ပန်းတာကို လက်ခံ။ unconscious reaction ဆိုတာ မသိစိတ်က တုံ့ပြန်တာမျိုး၊ လက်မခံတာမျိုး၊ ထွက်ပြေးတာမျိုး၊ ရှိတတ်တယ်။ ဒါ့ကြောင့် ကိုယ့်ဟာကိုယ်သတိပေးရတယ်။ ခန္ဓာကိုယ် ပင်ပန်းနေတယ်။ စိတ်ပင်ပန်းနေတယ်။ ကိုယ့်ဟာကိုယ် သတိပေး၊ သတိပေးပြီးတော့ ၀င်လေထွက်လေ ကျကျနန ရှူရှိုက်။
★ အခုတစ်ခါ ခေါင်းကနေပြီးတော့ ခြေဖ၀ါးအထိ တံမြက်စည်းလှဲသလို စုပြီး သတိကို တကိုယ်လုံး ခေါင်းကနေပြီး ခြေဖ၀ါးအထိ သတိလေးနဲ့ ကြည့်ပေးပါ။ တင်းနေတဲ့နေရာလေးရှိရင် အဲ့ဒီတင်းနေတဲ့နေရာ လက်ခံလိုက်။ ပင်ပန်းနေတယ်။ တင်းနေတယ်။ ခန္ဓာကိုယ်က ပေးတဲ့ message ကို အသိဥာဏ်လေးနဲ့ ဖတ်ကြည့်။ ၀င်လေ ထွက်လေ။ ကျကျနန ရှူရှိုက်ပေး။ ဒီ relaxation exercise ၊ ကိုယ် စိတ် နှစ်ပါး အပန်းဖြေတဲ့နည်းပဲ။ နေရာတိုင်းမှာ လုပ်လို့ရတယ်။ ရုံးခန်းမှာလည်း လုပ်လို့ရတယ်။ အလုပ်လုပ်တဲ့နေရာမှာလည်း လုပ်လို့ရတယ်။ ထမင်းစားပြီး ငါးမိနစ်၊ ဆယ်မိနစ်လောက် စားတဲ့နေရာမှာတင် လုပ်လို့ရတယ်။
ခန္ဓာကိုယ်ပင်ပန်းမှုနဲ့ စိတ်ပင်ပန်းမှုကို အသိနဲ့ coordinate လုပ်ပေးတယ်။ ကြားဝင်ပြီးတော့ ညှိနှိုင်းပေးတယ်။ စိတ်နဲ့ ခန္ဓာကိုယ်နဲ့ အချင်းချင်း နားလည်မှုရှိအောင် ညှိပြီးတော့ တစ်ပြိုင်နက် အနားယူတာ။
ဒီလောက်ဆို အဆင်ပြေပါပြီ။ မျက်လုံး ဖွင့်လို့ရပါပြီ။ ဒါ သုံးပတ်လောက် လုပ်ရမယ့် လေ့ကျင့်ခန်း ပါ။ ။ ပြောချင်တာကတော့ negative emotion ကို အကောင်းအဆိုး မဝေဖန်နဲ့။ သတိတရား၊ သတိပဋ္ဌာန်၊ mindfulness လို့ခေါ်တယ်။ non-judgmental mindfulness။ ဒီဟာနဲ့ manage လုပ်ပါတယ်။ ဒါ မနက်ပိုင်း ပြောခဲ့တဲ့ အရာတွေကို summarize လုပ်တာ။
ဆက်ရန်...

Emotion Management & Mindful Compassion တရားပွဲသင်တန်း (Part 6 - A)

Emotion Management & Mindful Compassion တရားပွဲသင်တန်း (Part 6 - A)
☆☆☆☆☆☆☆☆☆☆☆☆
(စိတ်အပန်းဖြေနည်း)
🔯 မိနစ် နှစ်ဆယ်၊ နာရီဝက်လောက် relaxation meditation လုပ်ရအောင်။ ကိုယ့်စိတ်ကို အပန်းဖြေတာ။
★ ပင်ပန်းနေတဲ့ ခန္ဓာကိုယ်၊ ပင်ပန်းနေတဲ့စိတ် coordinate (ဆက်စပ်မှုရှိအောင်) လုပ်ပေးတာ။
☆ Coordinate မလုပ်ရင် ခန္ဓာကိုယ် နားချင်တဲ့အချိန်မှာ စိတ်က မနားနိုင်ဘူး။ အဲ့ဒီလို ဆိုရင်လည်းပဲ အနားမရဘူး။ စိတ်က နားချင်တယ်။ ခန္ဓာကိုယ်က restless ဖြစ်နေတယ် (မနားရဘူး) ဆိုရင်လည်းပဲ နားလို့မရဘူး။
★ အခု တရားထိုင်တဲ့နည်းက ရုံးမှာလည်း ထိုင်လို့ရတယ်။ ကားပေါ်မှာ ကိုယ်က ကားမောင်းတာ မဟုတ်ဘူးဆိုရင် ကားပေါ်မှာ အနားယူလို့ရတယ်။ ကားစောင့်ရင်းနဲ့၊ လေယာဉ်ပျံစောင့်ရင်းနဲ့ အနားယူလို့ရတယ်။
★ ကုလားထိုင်ပေါ် ထိုင်တဲ့သူတွေ၊
● ကျောမှီထားလိုက်။ ကျောမှီထိုင်။
● ခန္ဓာကိုယ်ကို တင်းမထားနဲ့။
ခန္ဓာကိုယ်ကို relax လုပ်ထား။ လျော့ထား။
● လက်ကို ပေါင်ပေါ်တင်ထားရင်လည်း ရတယ်။ ဘေးနားချထားရင်လည်း ရတယ်။
● လက်ဖ၀ါးကို လှန်ထားလိုက်။
● ၀င်လေထွက်လေ ကျကျနန ရှုရှိုက်ပေး။ (Slow & Deep breathing) ။
★ ခန္ဓာကိုယ် ပင်ပန်းနေတယ်။
အရက်ရက် အလလ အလုပ်လုပ်ခဲ့တာတွေ Stress Chemical (စိတ်ဖိစီးမှု) တွေ စုထားတယ်။
★ အဲ့ဒါတွေ တစ်နေ့ကို နည်းနည်း နည်းနည်းနဲ့ အရင် ရက်က ပင်ပန်းမှု၊ ဒီနေ့အထိ ပါလာတယ်။
အရင်အပတ်က ပင်ပန်းမှု၊ ဒီတစ်ပတ်အထိ ပါလာတယ်။
အရင်လက ပင်ပန်းမှု ဒီလအထိ ပါလာတယ်။
★ ပင်ပန်းနေတဲ့ ခန္ဓာကိုယ်ကို Register လုပ်လိုက်။ ခန္ဓာကိုယ် ပင်ပန်းနေတယ်။
☆ ပင်ပန်းနေတဲ့ ခန္ဓာကိုယ်ကို သွားပြီး အပြစ်မတင်နဲ့။ ပြီးတော့ resist (ခုခံတာမျိုး) မလုပ်နဲ့တဲ့။
Don't fight with the exhausted body. Just accepted. Look at it with compassion.
★ ကရုဏာနဲ့ကြည့်ပေးပါ။ ပင်ပန်းနေတဲ့ ခန္ဓာကိုယ်ကို ကရုဏာနဲ့ ကြည့်ပေး။
• ငိုနေတဲ့ ကလေးငယ်လေးကို မိခင်က ကရုဏာစိတ်နဲ့ ကရုဏာမျက်စိနဲ့ ကရုဏာနှလုံးသားနဲ့ကြည့်တယ်။
ပွေ့ပိုက်တယ်။ နှစ်သိမ့်တယ်။
★ ဒီအတိုင်းပါပဲ။ ပင်ပန်းနေတဲ့ခန္ဓာကိုယ်ကို ကရုဏာနဲ့ ကြည့်ပေး။ ကရုဏာဆိုတဲ့ သဘောထား။ compassionate attitude ။ ဒီအသိနဲ့ ဒီအတွေးနဲ့ ကြည့်ပြီးတော့ ၀င်လေထွက်လေ ကျကျနနရှုရှိုက်ပါ။
• အိပ်ယာအစောကြီးထရလို့ ပင်ပန်းတာ ဖြစ်ရင်ဖြစ်မယ်။
• ည ကောင်းကောင်း အိပ်မပျော်လို့ ပင်ပန်းတာ ဖြစ်ရင် ဖြစ်မယ်။
• အလုပ်ပင်ပန်းလို့ ပင်ပန်းတာ ဖြစ်ရင်ဖြစ်မယ်။
• စိတ်ပင်ပန်းလို့ exhausted (ပင်ပန်းမှု) ဖြစ်ရင် ဖြစ်မယ်။
• ထမင်းစားပြီးကာစ ခန္ဓာကိုယ်က အစာတွေ ချေချက်နေရလို့၊ အင်အားတွေ အများကြီးသုံးရလို့ ပင်ပန်းနေတာ ဖြစ်ရင်ဖြစ်မယ်။
★ ဘယ်လိုပဲ ဖြစ်ဖြစ် ဒါ အမြဲတမ်းတွေ့နေရတဲ့ အနေအထားတွေပါ။ ဒါ အမြဲတမ်းတွေ့ကြုံနေရတဲ့ အတွေ့အကြုံတွေ ဖြစ်ပါတယ်။
★ Acceptance (လက်ခံတာ) စိတ်ပင်ပန်းတာကို လက်ခံတာ။
ခန္ဓာကိုယ် ပင်ပန်းတာကို လက်ခံတာ။
မိခင်က ငိုနေတဲ့သားလေးကို ကြည့်တဲ့ပုံစံမျိုးနဲ့ အခုအခါ ပင်ပန်းနေတဲ့ ခန္ဓာကိုယ်ဟာ ငိုနေတဲ့ ကလေးလေးလိုပဲ။ mindfulness ခေါ်တဲ့ သတိနဲ့ အသိ။ သတိတရား။
★ ဒီ အချိန်မှာ တစ်ဦးတည်းသော သားရှိတဲ့မိခင်လို၊ တခြား ဘာမှ ဂရုစိုက်စရာမရှိဘူး။ ဂရုစိုက်ဖို့ မလိုဘူး။ ပင်ပန်းနေတဲ့ ခန္ဓာကိုယ်ကို Priority ထားလိုက်။ ပင်ပန်းနေတဲ့ ခန္ဓာကိုယ်မှာပဲ စိတ်ထား။ ၀င်လေ ထွက်လေ ကျကျနန ရှုရှိုက်ပေး။
★ ပင်ပန်းနေတာကို မပင်ပန်းအောင်ဆိုပြီး သွားမလုပ်နဲ့။ ပင်ပန်းနေတာလေးကိုပဲ လက်ခံလိုက်။ ငိုနေတဲ့ ကလေးကို ပွေ့ချီလိုက်၊ နှစ်သိမ့်လိုက်၊ အားပေးလိုက်။ နွေးထွေးမှုပေးလိုက်။
"မငိုနဲ့" ဆိုပြီးတော့ သွားပြီးတော့ မပိတ်နဲ့။ အားပေးရုံ အားပေး။ ကလေးက သူ့ဟာသူ အငိုတိတ်သွားလိမ့်မယ်။ မငိုနဲ့လို့ ပြောရင် ကလေး သူ့ဟာသူ ကြောက်ပြီးတော့ survival instinct ပုံစံမျိုးနဲ့ သူ react (တုံ့ပြန်) လိမ့်မယ်။ ဒါ့ကြောင့် ဒီခန္ဓာကိုယ် ပင်ပန်းတာကို နားလည်ပေးလိုက်။ ခန္ဓာကိုယ်ပင်ပန်းနေတာကို လက်ခံပေးလိုက်။ ပင်ပန်းနေတဲ့ ခန္ဓာကိုယ် အတွက် ၀င်လေထွက်လေ ကျကျနန ရှုရှိုက်ပါ။
ဆက်ရန်...

Emotion Management & Mindful Compassion တရားပွဲသင်တန်း (Part 4 - E)

Emotion Management & Mindful Compassion တရားပွဲသင်တန်း (Part 4 - E)
☆☆☆☆☆☆☆☆☆☆☆☆
အမေးအဖြေကဏ္ဍ
(သူ့ဒေါသနှင့် ကိုယ့်ကရုဏာ)
မေး။ ။ဆရာတေ်ာဘုရား.. (၁) positive emotion (၂) negative emotion (၃) not positive & negative emotion သုံးခုမှာ positive emotion ကို အမြဲ expand (ချဲ့) ပေးရမယ်ဆိုလိုတာလားဘုရား။ သို့မဟုတ် ၄င်းတို့ ကိုယ်၌ ဖြစ်ဖြစ်နေတာတွေကို အသိအမှတ်ပြုပေးနေရမှာလား။
★ ဖြေ။ ။ positive emotion ကို expand (ချဲ့) တာ demonstrate (ထင်ရှားအောင်) လုပ်ပြထားတယ်။ ဒါက အနည်းငယ်ပဲ ရှိသေးတယ်။
(၁) မိမိ
(၂) မိသားစု
(၃) သူငယ်ချင်းမိတ်ဆွေ
(၄) အလယ်အလတ်ပုဂ္ဂိုလ် (သူစိမ်း)
(၅) ကိုယ်မချစ်မနှစ်သက်တဲ့သူ
(က) ပြိုင်ဘက်
(ခ) ဆန့်ကျင်ဘက်
(ဂ) ရန်သူ
(၆) တလောကလုံး ကို မုဒိတာဖြစ်ရမယ်။
ဒီ emotional habit (စိတ်ခံစားမှုဆိုင်ရာ အလေ့အကျင့်) ကို ပြောင်းလဲလာအောင်ဆိုရင် သုံးပတ်အချိန်လိုတယ်။
ဒါက လန်ဒန်တက္ကသိုလ် ကောလိပ်က Psychologist ပညာရှင်တွေ သုတေသနလုပ်ထားတာ။
သုံးပတ်လိုတယ်။ လူတစ်ယောက်ရဲ့ အကျင့်ကို နည်းမှန်လမ်းမှန်နဲ့ ပြောင်းလဲဖို့ဆိုရင် သုံးပတ်လိုတယ်။
★ သတိပဋ္ဌာနသုတ်ထဲမှာတော့ တစ်ပတ် (ခုနစ်ရက်) ကနေပြီးတော့ ခုနစ်နှစ်အထိ၊ ပုဂ္ဂိုလ်အလိုက် ပုဂ္ဂိုလ်ပေါ်မူတည်ပြီးတော့ ဒီ habit တွေကို ပြောင်းလဲနိုင်တယ်။ (အကျင့်ကို ပြောင်းလဲနိုင်တယ်)။
★ စာအုပ်တစ်အုပ်ထဲမှာတော့ အင်္ဂလန်နိုင်ငံမှာတဲ့ အရင်တုန်းက လူတွေ ကားစီးတယ်ဆိုရင် seat belt (ခါးပတ်ကြိုး)မတပ်ဘူး။
အဲ့ဒီတော့ တပ်အောင် သူတို့ ကြော်ငြာတွေ ကြော်ငြာတယ်။ ကျောင်းတွေမှာ သင်တယ်။ အချိန်ဘယ်လောက်သုံးရလဲဆိုရင် သုံးပတ်သုံးရတယ်။ အဲ့ဒါနဲ့ တစ်နိုင်ငံလုံး အကျင့်တွေ ပြောင်းလဲသွားတယ်။ ကားပေါ်တက်ပြီး ထိုင်ပြီဆိုရင် ချက်ချင်း ခါးပတ်တပ်တယ်။
★ ဒီနေရာမှာ Positve emotion ကို in touch (ရင်းနှီး) အောင်လုပ်တာ တစ်ချို့ ပုဂ္ဂိုလ်တွေ in touch လုပ်လို့ ရချင်မှ ရမယ်။ ဒါပေမယ့် ဒီလို လုပ်လို့ ရတယ်ဆိုတာ သိသွားတယ်။ Expand(ချဲ့) တယ်။
★ negative emotion လည်း ဒီအတိုင်းပဲ တစ်ကနေ၊ ခြောက်အထိ၊ မိမိရဲ့ စိတ်မကျေနပ်မှုတွေ၊ စိတ်ပျက်မှုတွေ၊ အဲ့ဒီ negative emotion အားလုံးကို…
ပထမဆုံး မိမိကိုယ်ကို၊ စပြီးတော့ နံပါတ် တစ်ကနေ ခြောက်အထိ အဲ့လို exercise တွေ လုပ်မယ်။ အဲ့လို exercise တွေ လုပ်ရင် positive နဲ့ negative emotion နှစ်ခုစလုံးက positive ဖြစ်လာတယ်။
★ တစ်နည်းအားဖြင့် ပြောမယ်ဆိုရင်
ဒေါသကိုကြည့်ပြီးတော့ ကုသိုလ်ဖြစ်အောင် လုပ်တတ်တယ်။
★ လူတစ်ယောက်က ကိုယ့်ကို လာပြီးတော့ ဆဲတယ်ဆိုရင် ...
"သြော်.. သူဒုက္ခရောက်နေတယ်။ စိတ်ထဲမှာ ဒုက္ခရောက်နေတယ်"။
အဲ့လိုတွေးလိုက်ရင် သူ့ ဒေါသက ကိုယ့်ဒေါသ ဖြစ်မလာဘူး။ ဖြစ်မလာရုံတင်မကဘူး။ သူ့ ဒေါသကို အကြောင်းပြုပြီး ကိုယ်က ကရုဏာဖြစ်လိုက်တော့ ကိုယ့် ကရုဏာက ကုသိုလ်ဖြစ်သွားတယ်။
★ အကုသိုလ်ကို အကြောင်းပြုပြီးတော့ ဒီမှာ ကုသိုလ်ဖြစ်တာ။ အဲ့ဒီလိုဟာမျိုး။
ဒါက negative emotion ကို transform လုပ်တယ် (ပြောင်းလဲ) လိုက်တယ်ပေါ့။ အဲ့ဒီလိုလုပ်တယ်ဆိုရင် ဒီ positive emotion နဲ့ negative emotion က balance ဖြစ်သွားတယ်။ (ညီသွားတယ်)။ အဲ့ဒါကို balance emotion ဥပေက္ခာလို့ ခေါ်တယ်။
မြန်မာစကားသုံးတဲ့ ဥပေက္ခာတော့ မဟုတ်ဘူး။ မြန်မာစကားသုံးတဲ့ ဥပေက္ခာကတော့ လျစ်လျူရှုတာကို ပြောတာ။
★ ဒီ emotion management မှာ သုံးတဲ့ ဥပေက္ခာကတော့ positive emotion ကလည်း မိမိကို တုန်လှုပ်အောင် မလုပ်နိုင်တော့ဘူး။ Negative emotion တွေကလည်း တုန်လှုပ်အောင် မလုပ်နိုင်တော့ဘူး။ အဲ့ဒီလို stable ဖြစ်နေ (ငြိမ်နေ) တာ။ Balance ဖြစ်နေတာ။
● ၀မ်းသာတဲ့နေရာမျိုးမှာ ၀မ်းသာတယ်။
● ကရုဏာဖြစ်ရမယ့်နေရာတွေမှာ ကရုဏာဖြစ်တယ်။
တစ်နည်းအားဖြင့် ပြောမယ်ဆိုရင် ၀မ်းသာတဲ့နေရာမျိုးမှာ သူ့ရဲ့ အန္တရာယ်ဖြစ်တဲ့ လောဘ မ၀င်နိုင်တော့ဘူး။
သနားရမယ့် နေရာမျိုးမှာ ဒေါသ မဖြစ်တော့ဘူး။ Negative reaction မရှိတော့ဘူး။ Negative emotion နဲ့ negative reaction က တခြားစီပဲ။ အဲ့ဒီလို balance ဖြစ်သွားတာ၊ stable ဖြစ်သွားတာကိုပဲ ဥပေက္ခာလို့ နားလည်ပါ။
မဟာဗောဓိရုပ်သံလိုင်းမှ ထုတ်လွှင့်ခဲ့သော
အောက်စဖိုဒ့်ဆရာတော်
ပါမောက္ခဒေါက်တာ ဘဒ္ဒန္တဓမ္မသာမိ,
(Ven. Dr. Dhammasami, Oxford)