ပြုပြင်ပြောင်းလဲရမည့် ကျွန်ုပ်တို့၏ စိတ်ဓါတ်များ

ပြုပြင်ပြောင်းလဲရမည့် ကျွန်ုပ်တို့၏ စိတ်ဓါတ်များ By စတီဗင် စန်းယု စက်တင်ဘာလ ၊ ၂၀၁၂ သူ့အတွေးအမြင် ကျွန်ုပ်တို့ နေစဉ်တွေ့ကြုံနေရသော လူမှုရေး၊ စီးပွားရေး၊ နိုင်ငံရေး၊ ဘာသာရေးစသော ပတ်ဝန်း ကျင် နယ်ပယ် အသီးသီးရှိ လူပုဂ္ဂိုလ်များ၏ ရပ်တည်ချက် သဘောထား တွေ့ရှိချက်များအပေါ် အခြေခံ၍ ကျွန်ုပ်၏ ခံစားချက် အမြင်များသာဖြစ်ကြောင်းနှင့် တဦးချင်းကိုရည်ရွယ်ပြီး ရေးသားခြင်းမဟုတ်ပါ။ တဦးတယောက်မှ ဤ စာစုအားဖတ်၍ သဘောကျနှစ်သက်ပြီး ပြုပြင်ပြောင်းလဲခဲ့သည်ရှိသော် ကျွန်ုပ်အနေဖြင့်လွန်စွာဝမ်း မြောက် မိပါကြောင်း ကြိုတင်အသိပေးအပ်ပါသည်။ ကျွန်ုပ်တို့သည် မွေးလာသည်မှ သေဆုံးကြသည်အထိ လူနှင့် လူမှုပတ်ဝန်းကျင်တွင် ရှင်သန် နေ ထိုင်ကြရာ အစုအဖွဲ့ အသေးမှ အကြီးအထိသော်၎င်း၊ နိုင်ငံရေး၊ လူမှုရေး၊ စီးပွားရေး စသော နယ်ပယ် အသီး သီးတွင် အများနှင့် ထိတွေ့ဆက်ဆံ နေကြရာ၌ အများ၏ချစ်ခင်လေးစား ယုံကြည်မှုရရှိရန်နှင့် ကျွန်ုပ်တို့၏ဘ၀ တိုးတက်ကောင်းမွန်ရန် အတွက် အနည်းဆုံး အောက်ပါ အချက် အချို့လို အပ်သည်ဟု ကျွန်ုပ်မှခံစား ယုံကြည် မိပါသည်။ ၁။ ကိုယ်ကျင့်တရားကောင်မွန်မှု ၂။ ရိုးသားဖြူစင်မှု ၃။ စွန့်လွတ်အနစ်နာခံနိုင်မှု ၄။ အချိန်ကို တန်ဖိုးထားလေးစားမှု ၅။ လေ့လာမှတ်သား သင်ယူမှု ၆။ ဝေဖန်ထောက်ပြဆန်းစစ်မှု ၇။ လက်ရှိအခြေအနေအပေါ် သုံးသပ်ဆုံးဖြတ်နိုင်မှု ၈။ သဘောထား ရပ်တည်မှု ၉။ အကောင်အထည်ဖေါ်လိုက်နာကျင့်သုံးမှု ၁၀။ အဖွဲ့အစည်းစိတ်ဓါတ် ၁။ ကိုယ်ကျင့်တရားကောင်မွန်မှု ငွေကြေးစည်းစိမ်ဥစ္စာ အာဏာအတွက် ဖေါက်ပြန်မှုမရှိပဲ လူအများမှနေ၍ဘာသာရေး၊ လူမှုရေးရှုဒေါင့် များမှ စံအဖြစ်သတ်မှတ်ထားသော အချက်များကို ရိုးသားစွာဖြင့် ကြိုးစားစောင့်ထိန်းဖို့လိုအပ်ပါသည်။ အစုအဖွဲ့ အများနှင့် ဆက်ဆံလုပ်ကိုင် နေသောပုဂ္ဂ္ဂိုလ်များအနေဖြင့် လူမှုရေးဖေါက်ပြန်မှုများ၊ မူးယစ်သောက်စား လောင်း ကစား ငွေကြေး အလွဲသုံးစားပြုမှု အပါအ၀င် သက်ဆိုင်ရာဒေသ၏ တရားဥပဒေ (မတရားဥပဒေ များကို မဆိုလိုပါ) နှင့်ငြိစွန်းသောကိစ္စ များကို အထူးရှောင်ကျဉ် စောင့်ထိန်းဖို့ လိုအပ်ပါသည်။ သို့မှသာ မိမိပါဝင်သော အစုအဖွဲ့သာမက အခြားသောအစုအဖွဲ့ ပုဂ္ဂ္ဂိုလ်များမှပါ လေးစားယုံ ကြည်မှု ရရှိနိုင်မည်ဖြစ်ပါသည်။ ၂။ ရိုးသားဖြူစင်မှု နိုင်ငံရေး၊ လူမှုရေး စသောကိစ္စ များကိုလုပ်ဆောင်ရာတွင် ပွင့်လင်းပြီး မိမိ၏ ပုဂ္ဂ္ဂိုလ်ရေး ထင်ပေါ် ကျော်ကြားမှု၊ အခွင့်အရေး ရာထူးနေရာ ရရှိမှုအတွက် အခြေမခံဘဲ စေတနာအရင်းခံ ပါဝင်ဆောင်ရွက်မှုကို ဆိုလိုပါသည်။ ဥပမာအားဖြင့် မိမိ၏ စိတ်ရင်းစေတနာအမှန်ကို အခြေမခံဘဲ မရိုးသားသော ရည်ရွယ်ချက် အကြံအစည်ကိုအခြေခံပြီး ထင်ပေါ်ကျော်ကြားသော ပုဂ္ဂ္ဂိုလ်အနားမှ မခွာဘဲ မှတ်တမ်းတင်ဓါတ်ပုံ ရရှိရေး၊ အများကို ခုတုံးလုပ်အသုံးချ၍ မိမိနေရာရရှိရေး၊ ထင်ပေါ်ကျော်ကြားရေး အတွက် ဆောင်ရွက်ခြင်းဖြင့် မည်သို့မှ အများ၏ စစ်မှန်သော ချစ်ခင်လေးစားမှု၊ ထောက်ခံမှုကို ရရှိမည်မဟုတ်ပါ၊ ၄င်း၏ အခြေအနေ အရပ်ရပ်ကို မသိသေးသော အစုအဖွဲ့၊ ပုဂ္ဂ္ဂိုလ်များ၏ ယာယီအားဖြင့် ထောက်ခံအားပေးမှုကို ရရှိနိုင်သော်လည်း ရေရှည်တွင် မှတ်ကျောက်တင်ခံနိုင် မည်မဟုတ်ပါ။ ၃။ စွန့်လွတ်အနစ်နာခံနိုင်မှု မိမိပါဝင်ပတ်သက်နေသော အစုအဖွဲ့များတွင် လုပ်ငန်းကိစ္စများ ဆောင်ရွက်ရာ၌ ထိုက်သင့်သော ပေးဆပ်မှု အနစ်နာခံမှု ရှိရမည်။ အချို့သော ပုဂ္ဂ္ဂိုလ်များမှ စီးပွားရေးအမြင်ဖြင့်ငွေကြေး၊ အခွင့်အရေး၊ ရာထူး၊ နေရာ မိမိအတွက် အကျိုးအမြတ်ကို စဉ်းစားပြီးမှ ပါဝင်ဆောင်ရွက်သူများလည်းရှိရာ ထိုပုဂ္ဂ္ဂိုလ်များအနေဖြင့် အများအတွက် ကူညီဆောင်ရွက် နေသည်ဟု အပေါ်ယံ မည်ကဲ့သို့ပြောဆိုလုပ်ဆောင်နေပါစေ ကိုယ်ကျိုးရှာ အချောင်သမားများသာဖြစ်နေမည်။ ကျွန်ုပ်၏အမြဲတမ်းလိုလို ကြားသိတွေ့ကြုံနေမှုများအရ လူတဦးတယောက် (သို့) အဖွဲ့အစည်းတခုခုမှ ငွေကြေးတစုံတရာ ထောက်ပံ့ ပေးကမ်းမှု၊ ရရှိမှု မရှိဘဲ ဖရီး( free ) အနေဖြင့် လူမှုရေး အကူအညီ တောင်းခံလာခဲ့သော် အကြောင်းအမျိုးမျိုး ပြ၍ ငြင်းပယ်မှုများ ရှိပါသည်။ သို့သော် ထို ပုဂ္ဂ္ဂိုလ်များမှ မိမိသည်အများအတွက် အကူအညီပေးနေသည်၊ ပေးခဲ့သည်၊ အများအတွက်အလုပ် လုပ်နေသည် ဟု စဉ်ဆက်မပြတ်ပြောဆိုလျှက်ရှိပါသည်။ ကျွန်ုပ်မြင်သည်မှာ အရာရာကိုပေးဆပ်စွန့်လွှတ်အနစ်နာ ခံရမည် ဟု မဆိုလိုပါ၊ မည်သူတဦးတယောက်မှ အခြားသူတဦးထံ အမှန်တကယ်မလိုအပ်ပဲ အောက်ကျခံ၍ အကူအညီ တောင်းခံမည်မဟုတ်ပါ။ ထိုကဲ့သို့သောအခါမျိုးတွင် မိမိတတ်နိုင်သောအချိန်၊ အကြံဥာဏ်၊ ငွေကြေးစသည်ဖြင့် စေတနာသန့်စွာ အခြားရည်ရွယ်ချက်မပါပဲ ပေးဆပ်ကူညီ မှုကိုဆိုလိုပါသည်။ သိုမှသာထိုပုဂ္ဂ္ဂိုလ်သည် အများ၏ လေးစားယုံကြည်မှုကို ရရှိမည်ဖြစ်ပါသည်။ ၄။ အချိန်ကို တန်ဖိုးထားလေးစားမှု အချိန်သည်လူကိုမစောင့်ဘဲ တရွေ့ရွေ့ကုန်လွန်နေရာ မည်သည့်ကိစ္စမဆို လုပ်ဆောင်ရာတွင် သတ် မှတ်ထားသောအချိန်အတိုင်း တန်ဖိုးထားလေးစားဖို့လိုသည်။ တိုးတက်သောအဖွဲ့အစည်း၊ နိုင်ငံများတွင် အချိန် ကိုမည်သို့ တန်ဖိုးထားလေးစားကြောင်း လေ့လာသိရှိနိုင်ပါသည်။ ဥပမာအချို့ပြရသော် အစည်းအဝေး အခမ်း အနားများ၊ တွေ့ဆုံဆွေးနွေးမှုများအတွက် သတ်မှတ်ထားသော အချိန်မှီ ရောက်မလာခြင်း၊ ရောက်လာပြီး နောက် လာရင်းကိစ္စကို မဆက်ဆံဆောင်ရွက်ဘဲ အခြားမသက်ဆိုင်သည့် ကိစ္စများကို ပြောဆိုနေခြင်းဖြင့် အချိန် ကို မလိုအပ်ဘဲ ကုန်လွန်စေရာ တဦးချင်းအရ သော်လည်းကောင်း၊ အစုအဖွဲ့အတွက် သော်လည်းကောင်း တိုးတက်ကြီးပွားမှု မဖြစ်စေဘဲ နှောင့်နှေးကြန့်ကြာမှုကိုိ ဖြစ်ပေါ်စေပါသည်။ ထို့ကြောင့် မည်သည့် ကိစ္စမဆို ရရှိသောအချိန်၊ သတ်မှတ်ထားသော အချိန်ကို တန်ဖိုးထား လေးစားမှသာ အောင်မြင် တိုးတက်နိုင်မည်ဟု ယုံကြည်မိပါသည်။ ၅။ လေ့လာမှတ်သား သင်ယူမှု မည်သည့်ကိစ္စ အကြောင်းအရာမဆို တသမှတ်တည်းအမြဲမနေ၍ စဉ်ဆက်မပြတ်ပြောင်းလဲ တိုးတက် နေသော အကြောင်းအရာ၊ နည်းပညာ၊ အတွေးအခေါ်များကို နေရာဒေသအလိုက် အံဝင်ဂွင် ကျအသုံးပြုနိုင်ရန် အတွက် အစဉ်အမြဲ လေ့လာမှတ်သားဖို့လိုအပ်ပါသည်။ သို့မှသာ ရရှိထားသော အတွေ့အကြုံ ဗဟုသုတများကို အသုံးချနိုင်မည်ဖြစ်သည်။ မိမိ ရောက်ရှိနေထိုင်ကျင်လည်သော အ၀န်းအ၀ိုင်းတွင် သက်ဆိုင်ပတ်သက်သည့် အရာများကို လေ့လာဆည်းပူးမှုမရှိဘဲ မသိသလို နေထိုင်ခြင်းဖြင့် အချိန်ကိုဖြုန်းတီးနေသကဲ့သို့၊ အကြောင်း ကိစ္စ တစုံတရာပေါ်ပေါက်လာသောအခါ မည်သို့မျှ ဦးဆောင်ပါဝင် ဆွေးနွေးနိုင်မည်မဟုတ်ပါ။ အကြောင်း အရာတခုကို ဘက်စုံအောင်လေ့လာဆည်းပူးမှု မရှိဘဲ တတ်ယောင်ကား ပါဝင်သူများလည်းရှိရာ ၄င်းပါဝင် ပတ်သက်သော အစုအဖွဲ့အနေဖြင့် မှန်ကန်သော သုံးသပ်မှုကို မရရှိသည့်အပြင် အနာဂတ်အတွက် အန္တရာယ်ပါဖြစ်ပေါ်စေနိုင်ပါသည်။ ထိုကြောင့်ဓမ္မဓိဌာန်ကျသော အတွေးအခေါ်ရရှိရေးအတွက် မှန်ကန်သော လေ့လာမှတ် သားမှု လိုအပ်သည်ဟုမြင်ပါသည်။ ၆။ ဝေဖန်ထောက်ပြဆန်းစစ်မှု မိမိမှသော်လည်းကောင်း(သို့)မိမိအားသော်လည်းကောင်း၊ ကောင်းသောရည်ရွယ်ချက်(သို့)မကောင်း သောရည်ရွယ်ချက်ဖြင့် ဖြစ်စေဝေဖန်ထောက်ပြပါက နာယူလက်ခံနိုင်စွမ်းရှိရမည်။ မိမိ၏လေ့လာသင်ယူ မှတ်သားထားသော အသိဥာဏ်ပညာဖြင့် သုံးသပ်ဆုံးဖြတ်၍ ယူသင့်သည်ကိုယူပြီး၊ ပယ်သင့်သည်ကို ပယ်နိုင်ပါသည်။ သို့မှသာ အခြားသူ၏စိတ်ဓါတ်သဘောထားကို သိရှိနိုင်ပြီး ကောင်းမွန်သော အကြံဥာဏ်အချို့ ရရှိနိုင်သည်။ ထို့ပြင်ခံနိုင်ရည်ရှိပြီး စိတ်ဓါတ်ခိုင်မာသော ပုဂ္ဂ္ဂိုလ်ဖြစ်လာမည်။ အများတောင်းတနေသော ဒီမိုကရေစီ ၏အခြေခံသဘောတရားလည်းဖြစ်ပါသည်။ ၇။ လက်ရှိအခြေအနေအပေါ် သုံးသပ်ဆုံးဖြတ်နိုင်မှု နေရာဒေသ အချိန်အခါ၊ အကြောင်းအရာလိုက်ဖြစ်ပေါ်နေမှုကို အခြေခံ၍ တသမတ်တည်းမထားဘဲ သင့်တော်သလို သုံးသပ်ဆုံးဖြတ်နိုင်ရမည်။ တခါတရံ သဘောတရား (Theory) အရ မှန်ကန်သော်လည်း မြို့ရွာ (သို့) လူပုဂ္ဂ္ဂိုလ် (သို့) လက်ရှိ အခြေအနေပေါ်မူတည်၍ အခြေအနေနှင့်အချိန်အခါ ကိုက်ညီအောင် သုံးသပ်ဆုံးဖြတ်နိုင်စွမ်းရှိရမည်။ ၈။ သဘောထား ရပ်တည်မှု တဦးချင်းအရသော်လည်းကောင်း အစုအဖွဲ့အရသော်လည်းကောင်း ကိုယ်ပိုင်သဘောထား ရပ်တည် ချက်များ ရှိကြရာ မိမိတို့၏ ခံယူချက်သဘောထားအတိုင်း စွဲမြဲစွာဆုပ်ကိုင်၍ ရည်ရွယ်ချက်ပန်းတိုင်ကို အရောက်သွားဖို့လိုအပ်သည်။ သွားရာလမ်း ခရီးတွင် မည်သည့်အတိုက်အခိုက် ခလုပ်ကန်သင်းတွေ့ပါစေ မလျှော့ပဲ စွဲမြဲစွာဖြင့် မိမိတို့၏ ယုံကြည်ချက်၊ ရည်ရွယ်ချက်၊ ဦးတည်ချက်များကို တိကျခိုင်မာစွာဖြင့် စွဲကိုင် ထားဖို့လိုပါသည်။ ပြတ်သားတိကျသော ဦးဆောင်မှုဖြင့်သာ အောင်ပွဲရရှိမည်ဖြစ်သည်။ အစုအဖွဲ့များဖြင့်လည်း ဤကဲ့သို့ ပုဂ္ဂ္ဂိုလ်များဦးဆောင်မှသာ အများ၏ လေးစားယုံကြည်မှု ရရှိမည်ဖြစ်သည်။ ထိုသို့မဟုတ်ပါက တဦးချင်း သော်လည်းကောင်း အစုအဖွဲ့အလိုက် သော်လည်းကောင်း အပေါ်ယံဆက်ဆံရေး မှလွဲ၍ လေးနက်သော ယုံကြည်အားထားမှုမရပဲ အထင်သေးရှုံ့ချမှုကို ခံရလိမ့်မည်။ မည်သူ၏ လေးစားမှုကိုမှ ရနိုင်မည်မဟုတ်ပါ၊ ထိုကြောင့် ရပ်တည်ချက်သဘောထားသည် အများနှင့် ဆက်ဆံရာတွင် လွန်စွာ အရေးကြီးပါသည်။ ၉။ အကောင်အထည်ဖေါ်လိုက်နာကျင့်သုံးမှု မည်သည့်အကြောင်းအရာကိစ္စမဆို မိမိအပါအ၀င် အများဆန္ဒအရ သဘောတူဆုံးဖြတ် ထားသော ကိစ္စများကို တဦးချင်းစီိမှအပြန်အလှန် လေးစားသောအားဖြင့် ဆုံးဖြတ်သတ်မှတ်ထားသည့်အတိုင်း လိုက်နာ ကျင့်သုံးကြရန်လိုအပ်ပါသည်။ ထိုနည်းဖြင့်လည်း အများ၏လေးစားယုံကြည်မှုရရှိနိုင်သော ပုဂ္ဂ္ဂိုလ် ဖြစ်သည်။ ၁၀။ အဖွဲ့အစည်းစိတ်ဓါတ် မိမိအစုအဖွဲ့အပေါ်သစ္စာရှိ၍ မိမိစိတ်ဆန္ဒနှင့်မတူသော်လည်း အများ၏ဆုံးဖြတ်ချက် သဘောထား အတိုင်း ပြတ်သားခိုင်မာစွာ ရပ်တည်ပေးရမည်။ အစည်းအဝေးတွင် ဆွေးနွေးဆုံးဖြတ်ပြီးနောက် ပုဂ္ဂ္ဂိုလ်ရေးအရ သော်လည်းကောင်း၊ လူမှုရေးအရသော်လည်းကောင်း စီးပွားရေးအကျိုးအမြတ်အရ သော်လည်းကောင်း အကြောင်းပြ၍ မပြောင်းလဲရ။ အခြားပြင်ပပုဂ္ဂ္ဂိုလ် အစုအဖွဲ့များနှင့် ရင်ဆိုင်ဆွေးနွေးပါက မိမိပါဝင်သော အစု အဖွဲ့ဖက်မှသာ ရပ်တည်ပြီးဆွေးနွေးပြောဆိုဆောင်ရွက်မှသာ ထိုပုဂ္ဂ္ဂိုလ်အား အဖွဲ့အစည်းစိတ်ဓါတ် ရှိသည်ဟု သတ်မှတ်ကြလိမ့်မည်။ ထိုသို့မဟုတ်ဘဲ မိမိအဖွဲ့အစည်းအား ဆန့်ကျင်သော အသုံးအနှုန်းအပြောအဆိုများကို ပြုလုပ်မိပါက သစ္စာမဲ့သူအဖြစ် အများက သတ်မှတ်သကဲ့သို့ တိုက်ပွဲတွင် မိမိရဲဘော် ရဲဘက်အချင်းချင်း နောက်ကျောမှ ချောင်းပစ်သကဲ့သို့ ဖြစ်ပေလိမ့်မည်။ ဤသို့ဖြစ် မိမိအစုအဖွဲ့နှင့် အခြားသောအစုအဖွဲ့၊ ပုဂ္ဂ္ဂိုလ် များ၏ယုံကြည်လေးစားမှုကိုလည်း ရမည်မဟုတ်ပါ။ အချင်းချင်းမှသစ္စာမရှိလျှင် အခြားသူများအပေါ် သစ္စာ ရှိသည်မှာ မဖြစ်နိုင်ပါဟု ယုံကြည်လက်ခံကြလိမ့်မည်။ ထိုကြောင့် ကျွန်ုပ်တို့အနေဖြင့် အထက်ဖေါ်ပြပါ အချက်များကို တတ်နိုင်သလောက် လေးစား လိုက်နာ ပါမှ (သို့) ယခင်ရှိသော အများနှင့်မသင့်တော်သည့် စိတ်ဓါတ်များကို အလျှင်အမြန်ပြုပြင် ပြောင်းလဲနိုင်မှ သာလျှင် မိမိနှင့်တကွ မိမိ၏ပတ်ဝန်းကျင် အစုအဖွဲ့၊ နိုင်ငံ၊ လူမျိုးအနေဖြင့် တိုးတက် ကြီးပွားမည်ဟု ယူဆ မိပါကြောင်းသုံးသပ်တင်ပြအပ်ပါသည်။ အားလုံးကို လေးစားစွာဖြင့်-- --စတီဗင် စန်းယု steven_sanyu@yahoo.com