KYAW CHAN NYEIN: လင်းသိုက်ညွှန့် - စာပေဟောပြောပွဲ

" ဤလောက၌ အဓမ္မ မထွန်းကားအောင် ဆောင်ရွက်ဖို့ လူတိုင်း၌ တာဝန်ရှိသည် " " မေတ္တာတရားရဲ့ရနံ့သည်သာ လူသားအားလုံးကိုကြည်လင်လန်းဆန်းစေပါသည် " " မြန်မာပြည်သူ့ ပြည်သားများ အားလုံး၊ ကျန်မာရွှင်လန်းချမ်းမြေ့ပါစေ "

အောင်မြင်ကြောင်း တရား

မကောင်းမှုရှောင် ကောင်းမှုဆောင်၊ ဖြူအောင်စိတ်ကိုထား။ ပြောပြုတွေးလျှင် သတိယှဉ်၊ ဆင်ခြင်ဉာဏ်ရှေ့သွား။

စိတ်ထားဖြောင့်မှန် ခွင့်လွှတ်ရန်၊ သည်းခံမေတ္တာထား။ လုံ့လနှင့်ဇွဲ မလျှော့ဘဲ၊ အမြဲတင်းတင်းထား။ အရာရာတွင်အသုံးဝင် အောင်မြင်ကြောင်း တရား"
(ချမ်းမြေ့ဆရာတော်ဘုရား )

“အောင်မြင်ခြင်းအတွက် အခြေခံအချက်(၅)ချက်"

တစ်အချက်က ကိုယ့်ခံစားချက်ကို ထိန်းချုပ်နိုင်ခြင်းဖြစ်တယ်.

နှစ်အချက်က ကျန်းမာရေး.

သုံးအချက်က အချိန်စီမံခန့်ခွဲရေး.

လေးအချက်က ဘဏ္ဍာစီမံခန့်ခွဲရေး.

ငါးအချက်က ကောင်းမွန်တဲ့ လူလူချင်းဆက်ဆံပြောဆိုရေးတွေဖြစ်တယ်.

ဘုရားရှင်၏ ဂုဏ်တော်

(၁) အရဟံ-ကိလေသာကင်း၍ ပူဇော်အထူးကို ခံထိုက်သော မြတ်စွာဘုရား။
(၂) သမ္မာသမ္ဗုဒ္ဓေါ-သစ္စာလေးပါးတရားကို ဆရာမရှိ ကိုယ်တော်တိုင် သိတော်မူသော မြတ်စွာဘုရား။
(၃) ၀ိဇ္ဇာစရဏသမ္ပန္နော-အသိနှင့်အကျင့် ပြည့်စုံတော်မူသော မြတ်စွာဘုရား။
(၄) သုဂတော-ကောင်းသောစကားကိုသာ ပြောဆိုတော်မူတတ်သော မြတ်စွာဘုရား။
(၅) လောက၀ိဒူ-လောကသုံးပါးကို အကုန်အစင် သိမြင်တော်မူသော မြတ်စွာဘုရား။
(၆) အနုတ္တရောပုရိသဒမ္မသာရထိ-ဆုံးမထိုက်သူတို့ကို ယဉ်ကျေးအောင် ဆုံးမတော်မူတတ်သော မြတ်စွာဘုရား။
(၇) သတ္ထာဒေ၀မနုဿာနံ-လူ နတ် ဗြဟ္မာ သတ္တ၀ါတို့၏ ဆရာတဆူ ဖြစ်တော်မူသော မြတ်စွာဘုရား။
(၈) ဗုဒ္ဓေါ-သစ္စာလေးပါးကို မိမိကိုယ်တော်တိုင်လည်းသိ၊ သူတပါးတို့ကိုလည်း သိအောင် ဟောပြတော်မူသော မြတ်စွာဘုရား။
(၉) ဘဂ၀ါ-ဘုန်းတော်ခြောက်ပါး ဂုဏ်တော်တွေအနန္တနှင့် ပြည့်စုံတော်မူသော မြတ်စွာဘုရား-ဟူ၍ ဘုရားရှင်၏ ဂုဏ်တော်တို့ကို ချီးမွမ်းပူဇော်ကြရမည် ဖြစ်သည်။

နေ့စဉ်ပွားပါ ဤငါးဖြာ

၁။ ငါသည် အိုခြင်းသဘော ရှိသည်ဖြစ်၏။ အိုခြင်း သဘောတရားကို မလွန်ဆန်နိုင်။

၂။ ငါသည် နာခြင်းသဘော ရှိသည်ဖြစ်၏။ နာခြင်း သဘောတရားကို မလွန်ဆန်နိုင်။

၃။ ငါသည် သေခြင်းသဘော ရှိသည်ဖြစ်၏။ သေခြင်း သဘောတရားကို မလွန်ဆန်နိုင်။

၎။ ငါ့အား ခပ်သိမ်းသော နှလုံးကို ပွားစေတတ်သော အဆွေအမျိုး၊ အဆွေခင်ပွန်း၊ ချစ်ကျွမ်းဝင်သူတို့ နှင့် အရပ်တစ်ပါးသို့ ပြောင်းသွားသဖြင့် ရှင်ကွဲ ကွဲရခြင်းသည် လည်းကောင်း၊ ဘ၀တစ်ပါးသို့  ပြောင်းသွားသဖြင့် သေကွဲ ကွဲရခြင်းသည် လည်းကောင်း ဖြစ်တတ်ချေ၏။

၅။ ငါသည် ကံသာလျှင် မိမိဥစ္စာရှိသည်၊ ကံသာလျှင် အကြောင်းရင်းရှိသည်၊ ကံသာလျှင် အမွေခံရှိသည်၊ ကံသာလျှင် အဆွေအမျိုးရှိသည်၊ ကံသာလျှင် ကိုးကွယ်လဲလျောင်းရာ ရှိသည် ဖြစ်၏။ ကောင်းသည်လည်း ဖြစ်သော၊ မကောင်းသည်လည်း ဖြစ်သော အကြင်ကံကို ပြုအံ့။ ထိုပြုသော ကောင်းမှု မကောင်းမှုကံ၏ ကောင်းမွေ ဆိုးမွေခံသည် ဖြစ်ရအံ့။

သင်သေသွားသော်

သြော် ... လူ့ပြည်လောက၊ လူ့ဘ၀ကား
အိုရ နာရ၊ သေရဦးမည်
မှန်ပေသည်တည့်။

သို့တပြီးကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြင့်၊ ကျန်ကောင်းသင့်၏။

သင်၏ မျိုးသား၊ စာစကားလည်း
ကြီးပွားတက်မြင့်၊ ကျန်ကောင်းသင့်၏။

သင်ဦးချ၍၊ အမျှဝေရာ
စေတီသာနှင့်၊ သစ္စာအရောင်
ဉာဏ်တန်ဆောင်လည်း
ပြောင်လျက်ဝင်းလျက် ကျန်စေသတည်း။ ။

ဇော်ဂျီ

မတ်လတမ်းချင်း။

ခေါင်းလောင်းသံတိတ်
ကျောင်းပိတ်ရက်ရှည်
ဝေးကြလေပြီ သူငယ်ချင်း။

ဟိုယခင်က
တက်ကြွအားမာန်
လှုပ်ရှားဟန်နှင့်
မင့်သဏ္ဍာန်သည်
ငါ၏ ရှေ့မှောက်
မြင်ရင်း ပျောက်ခဲ့
ဘယ်ရောက်နေလည်း သူငယ်ချင်း။

မင်းသတင်းများ
နားနှင့်မမျှ ကြားရချိန်တွင်
သစ်ပုပ်ပင်အို မျက်ရည်စိုရွှဲ
ဝမ်းနည်းပက်လက်
ချွေကာချလျှက် စိမ်းမြရွက်။

အဖော်ကွဲလျက်
ဥသြငှက်သည်
အော်မြည်ဟစ်ကြွေး ငိုသံပေး။

လမ်းမထက်တွင် ရှု မြင်မလှ
မွမွကြဲကြေ
စိန်ပန်းတွေလည်း ရဲရဲနီ။

တက္ကသီလာ မြကျွန်းသာသည်
မရီ(ရယ်)မပြုံး
နှလုံးပဲ့ကြေ ဝေဒနာ။

သဘင်ဘွဲ့နှင်း
ရင်တွင်း မမျှခံစားရ၍
အသည်းကြေကွဲ မျက်နှာလွှဲ။

ကံကော်တောတန်း
လွမ်းချင်းတေးဆို မငိုနိုင်ဘဲ
ရင်ထဲထိတ်ထိတ် အံကိုကြိတ်။

အင်းလျားရေပြင် မရှုမြင်ရက်
တက်(တောက်)ခေါက်ရင်းဖြင့်
ရင်နင့်လှိုင်းထ တသသ။

ဟိုယခင်က တက်ကြွအားမာန်
လှုပ်ရှားဟန်နှင့် မင်း၏သဏ္ဍာန်
ပြန်မြင်ယောင်ဆဲ။

ဘယ်မှာလည်း မင်း . . .
သူငယ်ချင်း . . . . . ။

(အမည်မသိ ကဗျာရှင်တစ်ဦး)

လက်ဖက်ရည်ဆိုင်က ရတဲ့တရား

မနေရလို့ သေကြသောခါ
ကိုယ့်နောက်ကိုကား ဘာများပါမှာ
ပစ္စည်းစုစု တခုမပါ
ကိုယ်ပြုငြား ကံများပါမည်သာ

လက်ဖက်ရည်ဆိုင် မနက်ထိုင်ရင်း
ဆိုင်တွင်းနံရံ ပုံမှန်မြင်ရ
တရားပြသယောင် ဆောင်ပုဒ်ကလေး
အတွေးနယ်ချဲ့ ထိတ်လန့်ခဲ့တယ်။

ဒီဆောင်ပုဒ်လေး
ရေးသူမသိ သို့ပေသည့်လည်း
ရင်ထဲထိမှန် ပြန်လှန်ခံစား
အမှားပြင်ဆင် တရားမင်လေ
ဆင်ခြင်နေဘိ ဆိုသည့်အလား။

ဇရာဖက်နှင်
ရွယ်လွန်ရွေ့လျား နေ့များကုန်ရင်း
သေခြင်းတရား တံခါးခေါက်လာ
ငါတွေဝေရင်း လက်တွင်းဗလာ
ဘာယူသွားမလဲ တွေးနေဆဲ။

( ရွှေညာခိုင်စိုး )

ဆိုင်းဘုတ် သုံးခု

၁။
သင့်မေတ္တာဖြင့် သင့်ရွာ အကျိုးကို သယ်ပိုးပါ။
သင့်အကြင်နာဖြင့် သင့်ရွာ သာယာအောင် ပြုပါ။
သင့်ပညာဖြင့် သင့်ရွာ အမြင်ကျယ်အောင် လုပ်ပါ။
သင့်စေတနာ သင့်ထံ ပြန်လာမည်။

၂။
သင့်ကြိုးစားမှုဖြင့် သင့်ရွာ ဖွံ့ဖြိုးရေးကို ကူညီပါ။
သင့်သည်းခံမှုဖြင့် သင့်ရွာ ညီညွတ်မှုကို အားပြုပါ။
သင့်သီလဖြင့် သင့်ရွာ လုံခြုံမှုကို စောင့်ရှောက်ပါ။
သင့်စေတနာ သင့်ထံ ပြန်လာမည်။

၃။
သင့်ကို သတ်ရင် သင် ကျေနပ်နိုင်မလား။
သင့်ဥစ္စာကို ခိုးရင် သင် ကြိုက်နိုင်မလား။
သင့်သမီးနဲ့ ဇနီးကို ဖျက်ဆီးရင် သင် သဘောတူနိုင်မလား။
သင့်ကို လိမ်ညာရင် သင် လက်ခံနိုင်မလား။
သေရည်အရက်ကို သောက်ပြီး သင့်ကို ရမ်းကားရင် သင် နှစ်ခြိုက်နိုင်မလား။
ဒါတွေကို စဉ်းစားကာ ကိုယ်ချင်းစာ၍ ရှောင်ကြဉ်ပါ။

အဖိုးကြီး စစ်တမ်း

အသက်ကလေးထောက်ခါမှ
အရက်ခွက်ကလေး တမြှောက်မြှောက်
ချက် အောက် စကားတွေ တပြောပြောနဲ့
တသောသောနေ
အမောဖြေတတ်တဲ့ အဖိုးကြီး။

သေရိပ်နီးခါမှ
စိပ်ပုတီး နာနာကိုင်
မဟာမြိုင် တောရမှီးပေမဲ့
ဒေါသကလဲ ကြီးတတ်သေးရဲ့
လောဘမီးကလဲ အရှိန်ဟပ်
အိမ်မကပ်နိုင်တဲ့ အဖိုးကြီး။

ရွာလယ်မှာ စွာကျယ် စွာကျယ်နဲ့
ငါဟယ် မင်းဟယ်
ငြင်းမယ် လို့ မကြံနဲ့
မင်းတို့က မမှန်
ငါသာလျှင် အမှန် လို့၊ ငါ မာန်တွေ တက်
ငါ အရိုးမျက်နေတဲ့၊ လက်တို အခက်ပို အမျက်သို နေတဲ့ အဖိုးကြီး။

ဒီလို အဖိုးကြီးမျိုးတော့ ဆောရီး..ဆောရီး
မဖြစ်ချင်ပေါင်။

ကြွေခါနီးတဲ့ သစ်သီးလို
အသက်ကြီးတော့လဲ အဖိုးကြီး ဖြစ်မှာပေါ့လေ..
ဒါပေမဲ့ ရိုးရိုးကုပ်ကုပ်
ပုဆိုးစုတ်ကလေးနဲ့ပဲဖြစ်ဖြစ်
ကိုယ့်အလုပ် ကိုယ်ဆင်း၊ ကိုယ့်ယာခင်း ကိုယ်စိုက်
လျှာအလိုမလိုက်၊ ဘာကိုမှ မကြိုက်
ပျော်ပိုက်ရာ တော်ထိုက်ရာနေ
စာပေလဲ မပြတ်၊ ကဗျာတွေလဲ ဖတ်
ရပ်သူ ရွာသားတွေနဲ့
ထပ်တူမခြား နေတတ်တဲ့
ဇရပ်ငုံးတို တာတမံ ခရိုး အနီးက
မပြတ်ပြုံးချိုနေတဲ့ သာမန် အဖိုးကြီးပဲ ဖြစ်ချင်တယ်။

တင်မိုး
၁၄၊၉၊၂၀၀၃

ပို့တတ်ပါစ အသုဘ။

ယပ်တောင် ဖျပ်ဖျပ်
တခတ်ခတ်နဲ့
ပါးစပ်လှုပ်လှုပ် အတင်းတုပ်
ထိုအုပ်ထဲမှာ
အသင်ပါသလား။

တဟားဟားနဲ့
အားရရယ်မော တသောသော
တောပြောတောင်ဆို တဟိုဟို
ထိုလူစုမှာ
အသင်ပါသလား။

လူအထင်ကြီး ဂုဏ်ယူပြီး
ဖြီးဖြန်းဗေဒ အနိစ္စဟု
စိတ်ကမပါ ဟောင်ဖွာဖွာနဲ့
နှုတ်အာကျယ်လောင်
စကားဖောင်ဖွဲ့
လူပြောင်ထဲမှာ
အသင်ပါသလား။

ဇာတိဇရာ
ဗျာဓိမရဏ
သဗ္ဗေသတ္တာ သင်္ခါရာဟု
ပညာဉာဏ်ယှဉ် သမ္ပဇဉ်ဖြင့်
(သူလျှင်ရှေ့က သွားနှင့်ရလည်း
နောက်ကတို့တွေ လိုက်ရပေအံ့
မသေမဦး ငါဉာဏ်ဦးမှ)
စိတ်ကူးဖြောင့်မတ်
ဖြစ်ပျက်မှတ်ကာ
ပို့တတ်ပါစ အသုဘ။

( ဇော်နောင် )

သမိုင်းလှဖို့ အစွမ်းကုန် ကြိုးစားကြ စို့ ။

သူငယ်ချင်း ...
ရှုံးခဲ့ ဖူးတယ်ဟုတ်လား
ဘာဖြစ်လဲဟာ ပြုံးလိုက်စမ်းပါ။
အနဲဆုံးတော့ နင်ပြိုင်ပွဲ ဝင်ခဲ့သေးတာပဲ။

သဘာဝ တရားရဲ့
မိုးဒဏ် လေဒဏ် နေဒဏ်တွေရဲ့အောက်
ရုံးကန်နေရလို့  နင်ပင်ပန်းနေတယ် ဟုတ်လား။
ဘာဖြစ်လဲဟာ ပြုံးလိုက်စမ်းပါ။
အနဲဆုံးတော့ ကြယ်တွေစုံတဲ့ လပြည့်ညတွေကို
နင်ကြုံနေသေးတာပဲ။

သူငယ်ချင်း
အချစ်ကြီးလွန်းလို့ 
အသဲကွဲပြီး ရူးခဲ့သေးတယ်ဟုတ်လား။
ဘာဖြစ်လဲဟာ ပြုံးလိုက်စမ်းပါ။
အနဲဆုံးတော့ နင်ချစ်ခဲ့သေးတာပဲ။

အချစ်ဆုံးသောသူတွေနဲ့ 
ခွဲခွာခဲ့ရလို့  နင်မပျော်ဖြစ်နေတယ် ဟုတ်လား။
ဘာဖြစ်လဲဟာ ပြုံးလိုက်စမ်းပါ။
အနဲဆုံးတော့ သူတို့ တွေနဲ့ အတူ
ပျော်ရွှင်စွာနင်ရှိနေခဲ့ဖူးတာပဲ

အောင်မြင်တလှည့် ၊ ရှုံးနိမ့် တလှည့်နဲ့ 
မတည်ငြိမ်တဲ့ လောကဓံကြား
အကြိမ်ကြိမ်လဲကျလို့ 
ဒူးတွေပြဲပြီး တံတောင်တွေလဲပွန်းခဲ့ပြီးပြီ ဟုတ်လား။
ဘာဖြစ်လဲဟာ ပြုံးလိုက်စမ်းပါ။
အနဲဆုံးတော့ နင်ပြန်ထလာနိုင်သေးတာပဲ။

ကဲ...သူငယ်ချင်းရေ
လှိုင်းကြမ်း ၊ လေကြမ်း ၊ ဘဝတွေလဲ ကြမ်းပါစေအုံး
သဘာဝတရားရဲ့ ဘေးရန်တွေကြောင့်
အကြိမ်ကြိမ်လည်း မောပန်းပါစေအုံး
မရေတွက်နိုင်အောင်ဘဲ လဲကျပါစေအုံး
ရှုံးစမ်းပါစေ အုံး
ချစ်တက်ခဲ့လွန်းလို့  လွမ်းရပါစေအုံး
ဘာဖြစ်လဲဟာ ပြုံးလိုက်စမ်းပါ။

အနဲဆုံးတော့ ငါတို့ တတွေ
မလျော့သောဇွဲ ၊ လုံ့ လ ၊ ဝီရိယတွေနဲ့ 
လူပီသတဲ့ လူတစ်ယောက်ဖြစ်အောင်
အကောင်းဆုံး ကြိုးစားဖို့ အခွင့်အရေးရှိနေသေးတယ်လေ။

ကဲ .....အားမွေးလိုက်ကြ စို့ သူငယ်ချင်းရေ ....
ငါတို့ သမိုင်းလှပဖို့ အစွမ်းကုန် ကြိုးစားကြ စို့ 

dont know whose poem

ဘုရင်ဆိုတာ

ဘုရင်ဆိုတာ တိုင်းပြည်ရဲ့ service ပဲ၊ တိုင်းပြည်နှင့်လူမျိုးအတွက် service ပေးနိုင်ဘို့ရန် သူတို့ရဲ့ investment (အရင်းအနှီးက) က ကိုယ်ကျင့်တရားနှင့် ပညာပ ဒီနှစ်ခုပဲ။ King တို့ Government တို့ဆိုတာ တိုင်းပြည်ရဲ့ service အလုပ်အကြွေးပဲ။ service (အလုပ်ကြွေး) ဖြစ်ဘို့ရန် character (သီလ)နှင့် wisdom (ပညာ) လိုအပ်တယ်။ wisdom ဆိုတာကို ပြန်ပြောင်းပြောရင် education ပဲ။ အဲဒီနှစ်ခုကင်းမဲ့နေရင် အဲဒီဘုရင်ဟာ တိုင်းပြည်အတွက် အသုံးမကျဘူး၊ အဲဒီအစိုးရဟာလည်း အသုံးမ၀င်ဘူး။ အဲဒီတော့ မင်းတို့တတွေ အခု ပညာသင်နေကြတယ်၊ ကျောင်းတက်နေကြတယ်၊ ဘာလုပ်ဘို့လဲ။ Ph.D ဘွဲ့တွေချိတ့်ပီး ဘာလုပ်မလဲ။
(သီတဂူဆရာတော်ဘုရားကြီး)

`ရာသက်ပန် ဖျက်သိမ်း´

ယောက်ျားပီသတယ် ဆိုတာ
ကိုယ်နိုင်တဲ့သူကို
ဖိတွယ်တတ်တာ ဆိုရင် …

ရိုးသားတယ် ဆိုတာ
သူများ မကောင်းကြောင်းနဲ့
ကိုယ်ကောင်းကြောင်း ကို
မကွယ်မ၀ှက် ဖွင့်ပြောတတ်တာ ဆိုရင်...
ကြိုးစားတယ် ဆိုတာ
ကိုယ့်မိသားစု ကောင်းစားရေး
တစ်ခုတည်းအတွက် ကြံစည်တာ ဆိုရင် …

ဂုဏ်သရေရှိတယ် ဆိုတာ
သူတစ်ပါးပေါ်
အထက်စီးက ဆက်ဆံခွင့်ရတာ ဆိုရင် …

အားကိုးရတယ် ဆိုတာ
ညွှန်ကြားရေးမှူးချုပ်ရဲ့ ပီအေနဲ့
ခင်တယ် ဆိုတာကို ပြောတာ ဆိုရင် …

မင်းရဲ့
ဧည့်သည်တော်စာရင်းထဲက
ငါ့နာမည်ဘေးမှာ
`ရာသက်ပန် ဖျက်သိမ်း´ ဆိုတာလေး
တဆိတ်လောက်
တေးမှတ်ထားလိုက်စမ်းပါကွယ်။

မင်းလူ

KYAW CHAN NYEIN

Monday, January 28, 2013

လင်းသိုက်ညွှန့် - စာပေဟောပြောပွဲ

No comments: