တိုင်းပြည် ဖွံ့ဖြိုးတိုးတက် ဘို့ဆိုလျှင် ပညာရှင် ပညာတက် များများရှိမှ ဖြစ်ပေလိမ့်ည်။

ပန်းကလေးများပွင့်တော့မည်။

ဖူးတံဝင့်လို့ခြည်၊

နေခြည်မှာရွှေရည်လောင်း၊

ငါတို့စာသင်ကျောင်း။

အင်အားများစွာပါသော၊ အဓိပါယ်လေးနက်သော၊ လိုတိုရှင်းရေးဖွဲ့ခဲ့သော၊ ပျဉ်းမနား မောင်နီသင်း၏ ကျော်ကြားသောကဗျာတစ်ပုဒ်။ယနေ့ခေတ်ပညာရေး စနစ်တွင် ထိုပန်းကလေးများသည် ဖူးနိုင် ပွင့်နိုင်ပါမည်လော။

ကျွန်တော်တို့ငယ်စဉ်က ထိုကဗျာလေးအပါအ၀င် အခြား ကျောင်းသင်ခန်းစာတို့အား ပိတုန်းတို့ အော်မြည်သံပမာ သံပြိုင်ရွတ်ဆိုခဲ့ဖူးကြလေသည်။ ၎င်း ကဗျာလေး အတိုင်းပင် နောင်တစ်ချိန် ပွင့်လန်းလာမည့် အဖူးကလေးတွေဘ၀စတင်ပြီး အနာဂတ်တွင် လူတော်လူကောင်း အဖြစ်၊ပညာတက်တစ်ယောက်အဖြစ် စိတ်ကူးရှိခဲ့ကြသည်။

တစ်ခေတ်တစ်ခါကပညာတက် သူများကိုများစွာအထင်ကြီး၍ ပညာတက်လျှင် ရာထူး ရာခံ နှင့် အရာရှိတစ်ယောက်ဖြစ်မည်ဟု ယုံကြည်ထားကြလေသည်။ သို့သော် အရာရှိကြီး ဖြစ်မလာပဲ ဘွဲ့ရပါလျှက် ဆိုက်ကားသမား၊ ဈေးသည်၊ စပယ်ယာ စသည်တို့များပြား လာသော အခါ၌ကား ပညာတက်တော့ဘာဖြစ်လာမလဲ ဟူသော မေးခွန်းတစ်ခုပေါ်လာ သော အခါပညာ၏တန်ဘိုးကိုမသိသော မိဘတော်တော်များများ တို့သည် ပညာရေးကို အလေးမထားတော့ချေ။

အလားတူ လက်ရှိအစိုးရသည်လည်း နိုင်ငံတကာနှင့် သဟဇာတဖြစ်ရေးအတွက် နိုင်ငံတကာဖွံ့ဖြိုးမှုစီမံကိန်းများတွင် လက်ညိုးထောင် ခေါင်းညိမ့် လက်မှတ်ထိုး စတာတွေကို ပြုလုပ်ခဲ့သည်။ ထိုအထဲတွင် စာမတက်သူပပျောက်ရေး စီမံကိန်းလည်း ပါဝင်ခဲ့သည်။ ထိုစီမံကိန်းအရ တိုင်းပြည်တွင် စာမတက်သူပပျောက်အောင် ပြုလုပ်ရပေလိမ့်မည်။ စာတက်အောင် သင်ပေးနိုင်သော ဆရာအင်အားလုံလောက်စွာ မရှိပါပဲ နှင့် ကလေးတို့ စာတက်သည်မတက်သည်ထား တစ်နှစ်တစ်တန်းသာ အတန်းမှန်မှန်တင်ပေးတော့သည်။ ထို “မအောင်မရှိငါ့တပည့်” စီမံကိန်းကြောင့် သုံးတန်းကလေးတစ်ယောက်သည် ကိုယ့်အ မည်ကို ကိုယ်တိုင်မရေးတက်သူတို့ပင် တွေ့ရှိခဲ့ရလေသည်။ထိုသို့အတန်းမှန်မှန် တင်ပေး နေသော ပညာရေးစနစ်ကြောင့် မိဘတို့သည်ပညာရေးအား အလေးအနက်မထား လစ်လျူရှုထားကြတော့သည်။ ထို့ကြောင့်ပင် ထိုကဗျာလေး၏ လှပသောသံစဉ်တစ်ခုသည် ပတ်ဝန်းကျင်မှ ကွယ်ပျောက်လုနီင်္းနီးရှိခြေတော့သည်။

ကိုလိုနီခေတ်တွင် အင်္ဂလိပ်အစိုးရ၏ ပညာရေးစနစ်အား ကျွန်ပညာရေးစနစ် သတ်မှတ်ကာ ဆန့်ကျင်ခဲ့ကြလေသည်။ ထိုပညာရေးစနစ်ထဲရှိ ကောလိပ်ကျောင်းသား၊ အထက်တန်းကျောင်းသား တို့သည် အင်္ဂလိပ်လိုရေးတက် ပြောတက် ဖတ်တက် ရုံမျှမက အချိန်တန်လျှင် မြို့အုပ်၊ မြို့ပိုင် ဖြစ်မည်ဟူသော အနာဂတ်ရှိလေသည်။ ယခုခေတ်ဘွဲ့ရ ပညာတက်တစ်ယောက်သည် “ ၁၃ နှစ် ” တိုင်တိုင် အင်္ဂလိပ်လို သင်ကြားခဲ့ရပါလျှက် အဘယ်ကြောင့် အင်္ဂလိပ်လို မရေးတက် မဖတ်တက် မပြောတက် ဖြစ်နေရပါသနည်း။ ဆရာဝန်တစ်ယောက်သည် အထူးကုဖြေရန် အင်္ဂလိပ်စာသင်တန်းတက်ရလေသည်။

ထို့အတူ ဓာတုဗေဒ ကျောင်းသားတစ်ယောက်သည် လူသုံးကုန်ပစ်စည်းဖြစ်သော မဲနယ်ပင် မပြုလုပ်တက်ချေ။ နည်းပညာတကသိုလ်မှဘွဲ့ရတစ်ယောက်သည် မီးခေါင်းတစ်ခု ပျက်လျှင်ပင်မပြင်တက်ချေ။ မြန်မာစာနှင့် ကျောင်းပြီးခဲ့သော သူတစ်ယောက်သည် ရတု ရကန် ဒွေးချိုး လေးချိုး ရေးတက်ဘို့ဝေးစွ အမျိုးအစားပင်မခွဲတက်ချေ။ စီင်္းပွားရေးဘွဲ့ရ တစ်ယောက်သည် စီးပွားရေးပညာရှင်တစ်ယောက်ဖြစ်ဘို့ဝေးစွ စာရင်းဇယားပင် ကိုင်တွယ် ဖြေရှင်းတက်ခြင်း မရှိချေ။ ထိုသို့ဖြစ်နေသည်မှာ ၁၀၀ လျှင် တစ်ယောက်မဟုတ်ချေ။ ၁၀၀ လျှင် ၉၉ ယောက်ဖြစ်နေလေတော့သည်။ ၎င်းတို့သည် ဘာပညာများတက်မြောက်ခဲ့ သနည်း။ စသည့်မေးခွန်းများစွာရှိနေသည်။ ၎င်းဘွဲ့ရသည့်အထဲမှ ကံကောင်းထောက်မ အလိုက်ကောင်း၍ ရာထူးရာခံနှင့်အရာရှိ ဖြစ်ခဲ့လျှင် ၀န်ထမ်းဖြစ်ခဲ့လျှင် ထိုသူတို့သည် ၎င်းတို့၏လစာဖြင့်ဝမ်းရေး ဖြေရှင်းမရနိုင်သောကြောင့် ခိုးစားသူ သူခိုးများဖြစ်လာကြသည်။ ဤသို့ဖြင့် ပညာတက်သူခိုးများ ဖြစ်လာလေတော့သည်။ နိုင်ငံတော်မှပေးသော ဘွဲ့လက်မှတ် သည် အရောင်းစာရေးရာထူးသာရရှိမည် ဖြစ်သည်။ စာရင်းကိုင်ရာထူးလောက် လိုချင် ပင်လျှင် စာရင်းကိုင်သင်တန်း တက်ရမည်။ ကိုလိုနီခေတ်ပညာရေးအား ကျွန်ပညာရေးဟု သတ်မှတ်ခဲ့လျှင် ယခုခေတ် မြန်မာနိုင်ငံပညာရေးအား မည်သို့သတ်မှတ်မည်နည်း။

လပေါ်တွင် လူနေထိုင်ရန် စမ်းသပ်လေ့လာနေသော ခေတ်ကာလတွင် တကယ့်ပညာ မရှိသော နိုင်ငံသည် အဘယ်မှာ ဖွံ့ဖြိုးတိုးတက်မှုရှိနိုင်မည်နည်း။ တိုင်းပြည် ဖွံ့ဖြိုးတိုးတက် ဘို့ဆိုလျှင် ပညာရှင် ပညာတက် များများရှိမှ ဖြစ်ပေလိမ့်ည်။ ယခုပညာရေးစနစ် နှင့်ဆိုလျှင်တော့ ဖွံ့ဖြိုးတိုးတက်ဘို့ ဝေးစွ ကြာလာလျှင် ခွက်ဆွဲတောင်းစားရမည့် သူတောင်းစားတိုင်းပြည်ဖြစ်လာပေလိမ့်မည်။

ထို့ကြောင့် ယခုခေတ်ပညာရေးရေစီးကြောင်းတွင် စီးမျောနေသောကျောင်းသားထု သည် မိမိတို့သင်ကြားနေရသော ပညာရေးအား အပြန်ပြန် အလှန်လှန် စဉ်းစားသုံးသပ်ရ်ျ ဘာလုပ်သင့်သည်ဆိုတာကို မိမိတို့ဘာသာပင် ဆုံးဖြတ်ရပေလိမ့်မည်။

စမ်းချောင်းလေး